完整藏文原文 · 德格版页 当前仅加载第 36 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
མུན་པ་བསྩལ་བའི་ཕྱིར་ཉི་མའི་དཀྱིལ་འཁོར་འཆར་བ་མཐོང་བར་གྱུར་ཅིག །སེམས་ཅན་ཐམས་ཅད་བྱང་ཆུབ་ཀྱི་ཟླ་འོད་དགེ་བ་རྣམ་པར་སྤེལ་བའི་ཕྱིར་ཟླ་བ་ལྟ་བུ་མཐོང་བར་གྱུར་ཅིག །སེམས་ཅན་ཐམས་ཅད་དགེ་བའི་བཤེས་གཉེན་མཐོང་ཞིང་ཆོས་ཀྱི་རྣམ་པའི་དགེ་
D44.036.0025b01.01བའི་རྩ་བ་ཐམས་ཅད་རབ་ཏུ་ཐོབ་པར་བྱ་བའི་ཕྱིར་སེམས་ཅན་ཐམས་ཅད་ཀྱིས་རྒྱ་མཚོའི་རིན་པོ་ཆེའི་གླིང་དུ་འཇུག་པ་མཐོང་བར་གྱུར་ཅིག །སེམས་ཅན་ཐམས་ཅད་ཀྱིས་བསྒྲིབས་པ་མེད་པའི་ཡེ་ཤེས་མཐོང་བའི་རྣམ་པར་དག་པ་རབ་ཏུ་འཐོབ་པར་བྱ་བའི་ཕྱིར། བྱང་ཆུབ་
D44.036.0025b02.01སེམས་དཔའ་དགེ་བའི་རྩ་བའི་མེ་ཏོག་ཡོངས་སུ་གཏོང་བར་གཏོགས་པའི་དགེ་བའི་རྩ་བ་དེ་དག་དེ་ལྟར་ཡོངས་སུ་བསྔོའོ། །བྱང་ཆུབ་སེམས་དཔའ་ཕྲེང་བའི་སྦྱིན་པ་བྱེད་པའི་ཚེ་དགེ་བའི་རྩ་བ་དེ་སེམས་ཅན་ཐམས་ཅད་བལྟ་ན་མཛེས་པའི་ཕྱིར་ཡོངས་སུ་བསྔོའོ། །བལྟ་ན་ཡིད་དུ་
D44.036.0025b03.01འོང་བའི་ཕྱིར་ཡོངས་སུ་བསྔོའོ། །བལྟ་ན་བཟང་བའི་ཕྱིར་ཡོངས་སུ་བསྔོའོ། །བལྟ་ན་སྡུག་པའི་ཕྱིར་ཡོངས་སུ་བསྔོའོ། །བལྟ་ན་མངོན་པར་དགའ་བའི་ཕྱིར་ཡོངས་སུ་བསྔོའོ། །བལྟ་ན་མྱ་ངན་{མྱེད་,མེད་}པའི་ཕྱིར་ཡོངས་སུ་བསྔོའོ། །བལྟ་ན་རབ་ཏུ་དགའ་བའི་ཕྱིར་ཡོངས་སུ་
D44.036.0025b04.01བསྔོའོ། །བལྟ་ན་ཡིད་མི་བདེ་བ་{མྱེད་,མེད་}པའི་ཕྱིར་ཡོངས་སུ་བསྔོའོ། །སངས་རྒྱས་མཐོང་བ་དང་ལྡན་པའི་ཕྱིར་ཡོངས་སུ་བསྔོའོ། །བླ་ན་{མྱེད་,མེད་}པའི་ཐམས་ཅད་མཁྱེན་པ་མཐོང་བ་རྣམ་པར་དག་པ་ཐོབ་པའི་ཕྱིར། ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་སེམས་དཔའ་
D44.036.0025b05.01ཆེན་པོ་ཕྲེང་བའི་སྦྱིན་པ་བྱེད་པའི་དགེ་བའི་རྩ་བ་དེ་དག་སེམས་ཅན་ཐམས་ཅད་ལ་ཡོངས་སུ་བསྔོའོ། །བྱང་ཆུབ་སེམས་དཔའ་སྤོས་ཀྱི་སྦྱིན་པ་བྱེད་པའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་བསྔོ་སྟེ། སྤོས་ཡོངས་སུ་བཏང་བས་བསྡུས་པའི་
D44.036.0025b06.01དགེ་བའི་རྩ་བ་འདིས་སེམས་ཅན་ཐམས་ཅད་ཚུལ་ཁྲིམས་ཀྱི་སྤོས་དང་ལྡན་པར་གྱུར་ཅིག །མ་ཉམས་པའི་ཚུལ་ཁྲིམས་དང་། མ་འདྲེས་པའི་ཚུལ་ཁྲིམས་དང་། རྙོག་པ་{མྱེད་,མེད་}པའི་ཚུལ་ཁྲིམས་དང་། འགྱོད་པ་{མྱེད་,མེད་}པའི་ཚུལ་ཁྲིམས་དང་། ཀུན་ནས་འཁོར་བ་
D44.036.0025b07.01