完整藏文原文 · 德格版页 当前仅加载第 36 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཕྲུལ་པ་དང་། འགྲོ་བ་ཐམས་ཅད་རྣམ་པར་དག་པར་བྱེད་པའི་རྣམ་པར་འཕྲུལ་པ་དང་། འཇིག་རྟེན་གྱི་ཁམས་ཐམས་ཅད་བྱིན་(ཀྱིས་,གྱིས་)རློབ་ཅིང་བརྟེན་པར་བྱེད་པའི་རྣམ་པར་འཕྲུལ་པ་དང་། ཤིན་ཏུ་བསྟན་པ་བརྗོད་དུ་མེད་པའི་རྣམ་པར་འཕྲུལ་
D44.036.0161b01.01པ་དང་། དུས་ཐམས་ཅད་དུ་རྣམ་པར་འཕྲུལ་བའི་མངོན་པར་ཤེས་པ་དང་། ཡེ་ཤེས་དང་ཕྱིར་མི་ལྡོག་པའི་བྱིན་གྱི་རླབས་ཀྱིས་ཆོས་ཀྱི་དབྱིངས་མཐའ་དང་དབུས་མེད་པ་ཐམས་ཅད་མ་ལུས་པར་རྒྱས་པར་འགེངས་པ་ལ་འཇུག་ཅིང་ཁོང་དུ་ཆུད་པར་
D44.036.0161b02.01འགྱུར་རོ། །ཀུན་ཏུ་བཟང་པོའི་མིག་མཐའ་དང་དབུས་མེད་པ་མངོན་པར་བསྒྲུབ་པ་ཡོངས་སུ་རྫོགས་པར་བྱ་བ་ཐོབ་པར་འགྱུར་རོ། །དེ་མཐའ་དང་དབུས་མེད་པའི་ཆོས་བསྟན་པ་ཆགས་པ་མེད་པའི་རྣ་བའི་ཡེ་ཤེས་ཁོང་དུ་ཆུད་པ་ཡང་དག་པར་འཛིན་པར་
D44.036.0161b03.01འགྱུར་རོ། །ཆོས་ཀྱི་དབྱིངས་མཐའ་དང་དབུས་མེད་པ་ཐམས་ཅད་ལུས་ཀྱི་སྐྱིལ་མོ་ཀྲུང་གཅིག་གིས་ཡོངས་སུ་རྒྱས་པར་བྱིན་གྱིས་རློབ་ཀྱང་སེམས་ཅན་ཐམས་ཅད་ལ་གནོད་པ་མེད་པར་བྱེད་པར་འགྱུར་རོ། །དུས་གསུམ་མཐའ་དང་དབུས་མེད་པ་ཐམས་ཅད་ལ་
D44.036.0161b04.01འཇུག་པའི་ཡེ་ཤེས་འབྱམ་ཀླས་པ་ཡོངས་སུ་རྫོགས་པར་ཐོབ་ཅིང་ཁོང་དུ་ཆུད་པར་འགྱུར་རོ། །བློ་མཐའ་དང་དབུས་མེད་པ་ཐམས་ཅད་རྣམ་པར་དག་པ་དང་། སེམས་ཅན་ཐམས་ཅད་རྣམ་པར་དག་པ་དང་། ཆོས་ཐམས་ཅད་རྣམ་པར་དག་པ་དང་། སྐྱེ་མཆེད་
D44.036.0161b05.01ཡོངས་སུ་ཤེས་པའི་ཡེ་ཤེས་ཐམས་ཅད་རྣམ་པར་དག་པ་དང་། ནམ་མཁའི་དབྱིངས་མཐའ་དང་དབུས་མེད་པ་ཐམས་ཅད་ལ་འཇུག་ཅིང་རྒྱས་པར་འགེངས་པའི་ཡེ་ཤེས་རྣམ་པར་དག་པ་དང་། སེམས་ཅན་གྱི་རིས་དང་སྐྱེ་གནས་རྣམ་པ་སྣ་ཚོགས་སུ་གྱུར་པ་
D44.036.0161b06.01ཐམས་ཅད་ནས་བྱུང་བའི་སྒྲ་དང་སྨྲ་བ་དང་། སྐད་ཐམས་ཅད་མ་ལུས་པ་ལ་མངོན་སུམ་གྱི་ཡེ་ཤེས་རྣམ་པར་དག་པ་དང་། འཇིག་རྟེན་གྱི་ཁམས་ཐམས་ཅད་མ་ལུས་པར་རྣམ་པར་མཐའ་ཡས་པའི་འོད་ཟེར་དང་། འོད་ཀྱི་དཀྱིལ་འཁོར་རབ་ཏུ་གཏོང་ཞིང་
D44.036.0161b07.01