完整藏文原文 · 德格版页 当前仅加载第 36 函德格 348a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་བོ། །བསམ་པའི་སྟོབས་ཀྱང་རྣམ་པར་འཕེལ་བར་བྱེད་དོ། །སེམས་ཅན་རྣམས་ལ་དགེ་བའི་རྩ་བ་ཚད་མེད་པ་ཡང་ཡང་དག་པར་སྟོན་ཏོ། །བྱང་ཆུབ་སེམས་དཔའི་སྟོབས་ཀྱང་རྣམ་པར་འཕེལ་བར་བྱེད་དོ། །
D44.036.0348a01.01བྱང་ཆུབ་སེམས་དཔའི་ཡོན་ཏན་མི་ཁོམ་པ་ཁོམ་པར་བྱེད་པ་ཐམས་ཅད་ཀྱང་ཡོངས་སུ་རྫོགས་པར་བྱེད་དོ། །ཤིན་ཏུ་འབྱུང་བའི་ཕྱིར་བྱང་ཆུབ་སེམས་དཔའི་སྤྱོད་པ་ཐམས་ཅད་ཡོངས་སུ་གྲུབ་པ་ཡང་རབ་ཏུ་ཐོབ་བོ། །སངས་རྒྱས་ཐམས་
D44.036.0348a02.01ཅད་ཀྱི་ཆོས་ཀྱི་གཟུངས་ཀྱིས་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱི་བསྟན་པ་ཡང་དག་པར་འཛིན་ཏོ། །འདོད་ཆགས་དང་བྲལ་བའི་མཐར་སེམས་ཅན་གྱི་ཁམས་ཐམས་ཅད་ལ་ཡང་དག་པར་ལྟའོ། །
D44.036.0348a03.01ཚིག་གི་ལམ་གྱི་རྒྱུད་ཀྱིས་སེམས་ཅན་ཐམས་ཅད་འདུལ་བ་ཡོངས་སུ་སྟོན་ཏོ། །དེ་ཅིའི་ཕྱིར་ཞེ་ན། དེ་ནི་ཏིང་ངེ་འཛིན་རྒྱ་ཆེན་པོ་དེ་ལྟ་བུ་ཐོབ་པའི་བྱང་ཆུབ་སེམས་དཔའ་རྣམས་ཀྱི་ཆོས་ཉིད་དེ། དེས་བྱང་ཆུབ་སེམས་དཔའ་དེ་སངས་
D44.036.0348a04.01རྒྱས་ཀྱི་ཡེ་ཤེས་འབྱམ་ཀླས་པ་ཐམས་ཅད་ལ་མཆོག་ཏུ་བྱ་བ་རབ་ཏུ་འཐོབ་བོ། །དེའི་ཕྱིར་ཆོས་འབྱམ་ཀླས་པ་ཐམས་ཅད་སྟོན་པ་ལ་མཁས་པའི་ཐ་དད་པ་ཡང་དག་པར་ཤེས་པ་རབ་ཏུ་འཐོབ་བོ། །དེའི་ཕྱིར་འཇིག་རྟེན་ཐམས་ཅད་དུ་
D44.036.0348a05.01ཆོས་ཀྱི་དམ་པ་འཇིགས་པ་མེད་པ་རྣམ་པར་དག་པ་རབ་ཏུ་འཐོབ་བོ། །དེའི་ཕྱིར་ཏིང་ངེ་འཛིན་ཐམས་ཅད་ཀྱི་རྗེས་སུ་འགྲོ་བའི་ཡེ་ཤེས་རབ་ཏུ་འཐོབ་བོ། །དེའི་ཕྱིར་བྱང་ཆུབ་སེམས་དཔའི་ཚུལ་ཐམས་ཅད་ལ་མཁས་པའི་དམ་པ་
D44.036.0348a06.01རབ་ཏུ་འཐོབ་བོ། །དེའི་ཕྱིར་ཚུལ་ཐམས་ཅད་ཀྱི་རྒྱན་རབ་ཏུ་འཐོབ་བོ། །དེའི་ཕྱིར་འཇིག་རྟེན་ཐམས་ཅད་དུ་ཆོས་ཀྱིས་དབུགས་ཕྱིན་པའི་ཕ་རོལ་ཏུ་ཕྱིན་པ་དང་ལྡན་པར་འགྱུར་རོ། །དེའི་ཕྱིར་སེམས་ཅན་ཐམས་ཅད་ཀྱི་དུས་དང་དུས་
D44.036.0348a07.01