完整藏文原文 · 德格版页 当前仅加载第 36 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
འཆད་ཅིང་རྟོན་པའོ། །མ་རིག་པ་འགགས་པས་འདུ་བྱེད་རྣམས་འགག་གོ། །ཞེས་བྱ་བ་ནི་མ་རིག་པའི་རྐྱེན་མེད་པས་འདུ་བྱེད་རྣམས་ཉེ་བར་ཞི་ཞིང་རྟོན་པ་མེད་པའོ། །འདུ་བྱེད་འགགས་པས་རྣམ་
D44.036.0222a01.01པར་ཤེས་པ་འགག་གོ། །ཞེས་བྱ་བ་ནི་འདུ་བྱེད་ཀྱི་རྐྱེན་མེད་པས་རྣམ་པར་ཤེས་པ་ཉེ་བར་ཞི་ཞིང་རྟོན་པ་མེད་པའོ། །རྣམ་པར་ཤེས་པ་འགགས་པས་མིང་དང་གཟུགས་འགག་གོ། །ཞེས་བྱ་བ་ནི་རྣམ་པར་ཤེས་པའི་རྐྱེན་མེད་པས་མིང་དང་
D44.036.0222a02.01གཟུགས་ཉེ་བར་ཞི་ཞིང་རྟོན་པ་མེད་པའོ། །མིང་དང་གཟུགས་འགགས་པས་དྲུག་གི་སྐྱེ་མཆེད་འགག་གོ། །ཞེས་བྱ་བ་ནི་མིང་དང་གཟུགས་ཀྱི་རྐྱེན་མེད་པས་དྲུག་གི་སྐྱེ་མཆེད་ཉེ་བར་ཞི་ཞིང་རྟོན་པ་མེད་པའོ། །དྲུག་གི་སྐྱེ་མཆེད་འགགས་པས་
D44.036.0222a03.01རེག་པ་འགག་གོ། །ཞེས་བྱ་བ་ནི་དྲུག་གི་སྐྱེ་མཆེད་ཀྱི་རྐྱེན་མེད་པས་རེག་པ་ཉེ་བར་ཞི་ཞིང་རྟོན་པ་མེད་པའོ། །རེག་པ་འགགས་པས་ཚོར་བ་འགག་གོ །ཞེས་བྱ་བ་ནི་རེག་པའི་རྐྱེན་མེད་པས་ཚོར་བ་ཉེ་བར་ཞི་ཞིང་རྟོན་པ་མེད་པའོ། །ཚོར་བ་
D44.036.0222a04.01འགགས་པས་སྲེད་པ་འགག་གོ །ཞེས་བྱ་བ་ནི་ཚོར་བའི་རྐྱེན་མེད་པས་སྲེད་པ་ཉེ་བར་ཞི་ཞིང་རྟོན་པ་མེད་པའོ། །སྲིད་པ་འགགས་པས་ལེན་པ་འགག་གོ །ཞེས་བྱ་བ་ནི་སྲེད་པའི་རྐྱེན་མེད་པས་ལེན་པ་ཉེ་བར་ཞི་ཞིང་རྟོན་པ་མེད་པའོ། །ཉེ་
D44.036.0222a05.01བར་ལེན་པ་འགགས་པས་སྲིད་པ་འགག་གོ །ཞེས་བྱ་བ་ནི་ཉེ་བར་ལེན་པའི་རྐྱེན་མེད་པས་སྲིད་པ་ཉེ་བར་ཞི་ཞིང་རྟོན་པ་མེད་པའོ། །སྲིད་པ་འགགས་པས་སྐྱེ་བ་འགག་གོ །ཞེས་བྱ་བ་ནི་སྲིད་པའི་རྐྱེན་མེད་པས་སྐྱེ་བ་ཉེ་བར་ཞི་ཞིང་རྟོན་པ་མེད་
D44.036.0222a06.01པའོ། སྐྱེ་བ་འགགས་པས་རྒ་ཤི་འགག་གོ །ཞེས་བྱ་བ་ནི་སྐྱེ་བའི་རྐྱེན་མེད་པས་རྒ་ཤི་ཉེ་བར་ཞི་ཞིང་རྟོན་པ་མེད་པའོ། །དེ་ལ་མ་རིག་པ་དང་སྲིད་པ་དང་ཉེ་བར་ལེན་པ་ནི་ཉོན་མོངས་པའི་ལམ་གྱི་རྒྱུན་མི་འཆད་པའོ། །འདུ་བྱེད་དང་སྲིད་པ་ནི་
D44.036.0222a07.01