完整藏文原文 · 德格版页 当前仅加载第 36 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལ་སྣ་ཚོགས་སུ་ཤིན་ཏུ་བསྟན་པ་བྱེད་པར་མཁས་པ་ཡིན། ཆོས་ཐམས་ཅད་མཚན་མ་མེད་པ་ལམ་ཁས་པ་ལ་ཞུགས་པས། མཚན་མ་མེད་པ་ལ་མོས་པ་ཡིན། དེ་བཞིན་གཤེགས་པའི་མངའ་ཆེན་པོས་རྣམ་པར་དག་
D44.036.0298a01.01པས་རིགས་དང་། རྒྱུད་རྣམ་པར་དག་པ་ཡིན། གཞི་མེད་པ་ལ་འཇུག་པའི་ཡེ་ཤེས་ཀྱིས་ཆོས་ཀྱི་གཞི་རབ་ཏུ་དབྱེ་བའི་སྙིང་པོའི་རྗེས་སུ་སོང་བ་ཡིན། ཆོས་ཡོངས་སུ་གཏོང་བ་ལ་བརྩོན་པས་དུས་ཐམས་ཅད་དུ་མཁས་པ་དང་ལྡན་པ་ཡིན།
D44.036.0298a02.01ཤེས་པར་བྱ་བ་ཐམས་ཅད་ཁོང་དུ་ཆུད་པས་སེམས་ཅན་གྱི་ནང་ན་མཁས་པ་ཡིན། སྐྱེ་དགུ་ཐམས་ཅད་ཤིན་ཏུ་དག་པར་བྱེད་པས་མཐའ་ཡས་པ་རྣམ་པར་སྦྱོང་བ་ཡིན། སངས་རྒྱས་ཀྱི་བྱང་ཆུབ་རྣམ་པར་སངས་རྒྱས་པ་དང་། འཚང་
D44.036.0298a03.01རྒྱ་བར་བྱ་བའི་སྤྱོད་པ་ཡང་དག་པར་སྟོན་པས་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་གྱི་ཐབས་ལ་མཁས་པ་ཡིན། བྱང་ཆུབ་སེམས་དཔའི་སྤྱོད་པའི་བྱིན་གྱི་རླབས་ཀྱིས་ཟད་མི་ཤེས་པ་ཡིན། ཐམས་ཅད་མཁྱེན་པའི་ཡུལ་རྣམ་
D44.036.0298a04.01པར་འཚང་རྒྱ་བར་བྱ་བ་ལ་མཁས་པས། ཆོ་འཕྲུལ་ཆེན་པོ་སྟོན་པ་ཡིན་གྱིས་དེ་བས་ན་ཀུན་ཏུ་བཟང་པོ་བྱང་ཆུབ་སེམས་དཔའི་ཏིང་ངེ་འཛིན་བཅུ་པོ་འདི་དག་རྒྱ་ཆེར་སྤྲོས་ཏེ། བཤད་པས་བསྟན་པར་གྱིས་ཤིག །བྱང་ཆུབ་སེམས་དཔའི་
D44.036.0298a05.01འཁོར་འདི་དག་ཐམས་ཅད་མཉན་པར་འདོད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས། བཅོམ་ལྡན་འདས་ཀྱིས་བཀའ་སྩལ་པ་དང་། བྱང་ཆུབ་སེམས་དཔའ་དེ་དག་གིས་ཀྱང་གསོལ་བ་བཏབ་པར་ཤེས་ནས། བྱང་ཆུབ་
D44.036.0298a06.01སེམས་དཔའ་ཀུན་ཏུ་{མྱིག་,མིག་}དང་། བྱང་ཆུབ་སེམས་དཔའི་ཚོགས་ཐམས་ཅད་ལ་སྨྲས་པ། ཀྱེ་རྒྱལ་བའི་སྲས་དག །བཅུ་པོ་འདི་རྣམས་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་ཆོས་མ་ལུས་པར་
D44.036.0298a07.01