完整藏文原文 · 德格版页 当前仅加载第 36 函德格 376a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མེད་གནས་པ་ཡང་མེད་དེ། སྤྱོད་པ་རྣམ་པར་ཕྱེ་བའང་ཡོངས་སུ་སྟོན་ཏོ། །འདི་ལྟ་སྟེ་དཔེར་ན་ནམ་མཁའ་ནི་ཁ་དོག་ཀྱང་མ་ཡིན། ཁ་དོག་མེད་པའང་མ་ཡིན་ཏེ། ཁ་དོག་གི་རྣམ་པ་ཡང་ཡོངས་སུ་
D44.036.0376a01.01སྟོན་ཏོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཇིག་རྟེན་པའི་ཁ་དོག་ཀྱང་མ་ཡིན། འཇིག་རྟེན་ལས་འདས་པའི་ཁ་དོག་ཀྱང་མ་ཡིན་ཏེ། ཁ་དོག་མཐའ་ཡས་པ་ཡང་ཡོངས་སུ་སྟོན་ཏོ། །འདི་ལྟ་སྟེ་
D44.036.0376a02.01དཔེར་ན། ནམ་མཁའ་ནི་རིང་དུ་གནས་པ་ཡང་མ་ཡིན་ཡུད་ཙམ་ཅིག་ཏུ་གནས་པ་ཡང་མ་ཡིན་ཏེ། གནས་པ་དང་ཡོངས་སུ་གནས་པ་ཡང་རབ་ཏུ་སྟོན་ཏོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་རིང་དུ་གནས་པ་
D44.036.0376a03.01ཡང་མ་ཡིན། ཡུད་ཙམ་ཅིག་ཏུ་གནས་པ་ཡང་མ་ཡིན་ཏེ། བྱང་ཆུབ་སེམས་དཔའི་སྤྱོད་པ་ལ་གནས་པ་དང་། ཡོངས་སུ་གནས་པ་ཡང་རབ་ཏུ་སྟོན་ཏོ། །འདི་ལྟ་སྟེ་དཔེར་ན་ནམ་མཁའ་ནི་ཀུན་ནས་ཉོན་མོངས་པས་ཉོན་མོངས་པར་
D44.036.0376a04.01གྱུར་པའང་མེད་ལ་རྣམ་པར་བྱང་བས་རྣམ་པར་བྱང་བར་གྱུར་པ་ཡང་མེད་དོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཇིག་རྟེན་ལ་འཇུག་པས་བསྒྲིབས་པ་ཡང་མེད་རྣམ་པར་དག་ཅིང་གསལ་བར་གྱུར་པ་ཡང་མེད་དོ། །འདི་
D44.036.0376a05.01ལྟ་སྟེ་དཔེར་ན་ནམ་མཁའ་ནི་འཇིག་རྟེན་ཐམས་ཅད་ཀྱི་མངོན་སུམ་དུ་གྱུར་པ་ཡིན་ཏེ། འཇིག་རྟེན་ཐམས་ཅད་ནི་ནམ་མཁའི་མངོན་སུམ་དུ་གྱུར་པ་མ་ཡིན་ནོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ཆོས་ཐམས་ཅད་
D44.036.0376a06.01ལ་མངོན་དུ་གྱུར་པ་སྟེ། བྱང་ཆུབ་སེམས་དཔའ་ནི་ཆོས་ཐམས་ཅད་ཀྱི་མངོན་སུམ་དུ་གྱུར་པ་མ་ཡིན་ནོ། །འདི་ལྟ་སྟེ་དཔེར་ན། ནམ་མཁའ་ནི་གནས་ཐམས་ཅད་ལ་རབ་ཏུ་གཞོལ་བ་ཡིན་ཏེ། ནམ་མཁའི་མཐའ་ནི་ཡོད་པ་མ་ཡིན་ནོ། །
D44.036.0376a07.01