完整藏文原文 · 德格版页 当前仅加载第 36 函德格 357b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་དགོད་པ་སྣ་ཚོགས་ཀྱི་རིས་ཀྱི་སྐྱེ་བ་དང་ཤི་འཕོ་རབ་ཏུ་ཤེས་ཏེ། དེ་ལྷའི་མིག་ཐོགས་པ་མེད་ཅིང་དག་ལ་རྣམ་པར་དག་པས་སེམས་ཅན་རྣམས་ལས་ཇི་ལྟར་བསགས་པའི་ཚུལ་བཞིན་དུ་ཡང་དག་པར་མཐོང་སྟེ། བདེ་བ་དང་སྡུག་བསྔལ་
D44.036.0357b01.01རྣམ་པ་ཇི་ལྟ་བུ་མྱོང་བ་དང་ལས་ཇི་ལྟ་བུར་བསྩགས་པ་དང་། ལས་ཀྱི་མངོན་པར་འདུ་བྱ་བ་རྣམ་པ་ཇི་ལྟ་བུ་དང་ལྡན་པ་དང་། བསམ་པའི་རྣམ་པ་ཇི་ལྟ་བུ་ཡིན་པ་དང་། རྟོག་པ་ཇི་ལྟ་བུ་དང་ལྡན་པ་དང་། ལྟ་བ་ཇི་ལྟ་བུ་དང་ལྡན་པ་དང་།
D44.036.0357b02.01སྤོབས་པ་ཇི་ལྟ་བུ་དང་ལྡན་པ་དང་། རྒྱུ་ཇི་ལྟ་བུ་དང་ལྡན་པ་དང་། ལས་ཇི་ལྟ་བུ་དང་ལྡན་པ་དང་། {དམྱིགས་,དམིགས་}པ་ཇི་ལྟ་བུ་དང་ལྡན་པ་དང་། རྣམ་པ་ཇི་ལྟ་བུས་རྒྱུ་བ་དེ་དག་ཐམས་ཅད་ཀྱང་རབ་ཏུ་མཐོང་ངོ་། །ཀྱེ་རྒྱལ་བའི་སྲས་དག་འདི་ནི་
D44.036.0357b03.01བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ལྷའི་མིག་སྟེ། ཡེ་ཤེས་ཀྱི་མངོན་པར་ཤེས་པ་གཉིས་པའོ། །ཀྱེ་རྒྱལ་བའི་སྲས་དག །གཞན་ཡང་བྱང་ཆུབ་སེམས་དཔས་བདག་དང་སེམས་ཅན་གཞན་འཇིག་རྟེན་གྱི་ཁམས་སངས་རྒྱས་
D44.036.0357b04.01ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་བར་དག་ཏུ་གཏོགས་པ་རྣམས་ཀྱི་སྔོན་གྱི་གནས་རྗེས་སུ་དྲན་ཞིང་རབ་ཏུ་ཤེས་ཏེ། བདག་གི་སྔོན་གྱི་གནས་ཀྱང་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་
D44.036.0357b05.01བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རྗེས་སུ་དྲན་ནོ། །སེམས་ཅན་གཞན་གྱི་སྔོན་གྱི་གནས་ཀྱང་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རྗེས་སུ་དྲན་ཞིང་རབ་ཏུ་ཤེས་སོ། །བདག་ནི་སྔོན་
D44.036.0357b06.01ཆེ་གེ་མོ་ཞིག་ན་འདུག་འདུག་སྟེ་མིང་ནི་འདི་ཞེས་བྱ་བའོ། །རུས་ནི་འདི་ཞེས་བྱའོ། །རིགས་ནི་འདི་ཞེས་བྱའོ། །ཁ་ཟས་ནི་འདི་ཟ་ཟའོ། །བདེ་བ་དང་སྡུག་བསྔལ་ནི་འདི་ལྟ་བུ་ཞིག་མྱོང་བར་གྱུར་ཏོ། །ཞེས་བྱ་བར་བདག་གི་སྔོན་
D44.036.0357b07.01