完整藏文原文 · 德格版页 当前仅加载第 36 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
རྫས་ཀྱི་སྤོས་ཀྱི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་ནོར་བུ་རིན་པོ་ཆེའི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་དུས་དང་མཐུན་པའི་ཙན་དན་གྱི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་སྦྲུལ་གྱི་སྙིང་པོའི་ཙན་དན་མཆོག་གི་སྤྲིན་གྱི་ཆར་མངོན་པར་བབ་
D44.036.0162b01.01པོ། །ལྷ་རྫས་ཀྱི་གདུགས་དང་རྒྱལ་མཚན་དང་། བ་དན་ཁ་དོག་སྣ་ཚོགས་ཀྱི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་ལྷའི་ལུས་གྲངས་མེད་པའི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་དབྱངས་ཀྱི་ཡན་ལག་བརྒྱ་སྟོང་བརྗོད་དུ་{མྱེད་,མེད་}པའི་ཚིག་དང་བརྗོད་པ་ལ་རྟོག་པ་
D44.036.0162b02.01བསམ་གྱིས་མི་ཁྱབ་པ་དང་ལྡན་པ་ཡིད་དུ་འོང་བར་སྤྱོད་པའི་ཆོས་རིན་པོ་ཆེའི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་དེ་བཞིན་གཤེགས་པས་བསྟོད་པའི་སངས་རྒྱས་ཀྱི་བསྔགས་པ་བསམ་གྱིས་མི་ཁྱབ་པའི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་ལེགས་
D44.036.0162b03.01སོ། ཞེས་བྱ་བ་དང་། ལྷུང་ལྷུང་ལྡེགས་ཀྱི་སྒྲ་འབྱིན་པ་དང་། དགའ་བར་བྱེད་པའི་དབྱངས་ཀྱི་སྤྲིན་གྱི་ཆར་མངོན་པར་བབ་པོ། །ལྷ་རྫས་ཀྱི་ལྷའི་ལུས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་ཅིང་བརྗོད་དུ་མེད་པས་རབ་ཏུ་བཏུད་དོ། །ལྷ་ཡུལ་གྱི་ལྷ་གྲངས་མེད་
D44.036.0162b04.01པ་སངས་རྒྱས་རྗེས་སུ་དྲན་པ་ལ་བརྩོན་པར་ཡིད་ལ་བྱེད་ཅིང་། དེ་བཞིན་གཤེགས་པ་ལ་ཤིན་ཏུ་དད་པའི་སེམས་ཀྱི་རྒྱུད་དང་ལྡན་པ། སངས་རྒྱས་ཀྱི་ཡོན་ཏན་དང་མི་འབྲལ་བའི་སེམས་ཀྱིས་མངོན་པར་གནས་སོ། །ལྷ་རྫས་ཀྱི་རོལ་མོ་བརྡུང་བ་དང་དཀྲོལ་བའི་
D44.036.0162b05.01སྒྲ། ལྷའི་གླུའི་དབྱངས་ཀྱི་ཚུལ་གྲངས་མེད་པར་གྲགས་པ་དེ་བཞིན་གཤེགས་པ་མཆོད་ཅིང་ཡིད་ལ་བྱ་བ་ལ་བརྩོན་པ་རྣམས་ཀྱང་རབ་ཏུ་བསྒྲགས་སོ། །ལྷ་རྫས་ལས་ཤིན་ཏུ་འདས་པའི་འོད་ཟེར་བརྒྱ་སྟོང་གྲངས་མེད་པས་ཀྱང་འཇིག་རྟེན་གྱི་ཁམས་ཆོས་ཀྱི་
D44.036.0162b06.01དབྱིངས་ཀྱིས་ཀླས་པ་ནམ་མཁའི་མཐས་གཏུགས་པ་ཐམས་ཅད་ཀྱི་སངས་རྒྱས་ཀྱི་ཞིང་གི་ཐ་གྲུ་ཐམས་ཅད་རབ་ཏུ་སྣང་བས་ཁྱབ་པར་བྱས་སོ། །ལྷ་རྫས་ལས་འདས་པའི་སྤྲུལ་པ་དང་། སངས་རྒྱས་ཀྱི་ཡུལ་གྲངས་མེད་པ་བསྟན་པ་དང་། དེ་བཞིན་
D44.036.0162b07.01