完整藏文原文 · 德格版页 当前仅加载第 36 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་ཤིན་ཏུ་བརྟན་པ་ཡང་དག་པར་རྫོགས་པར་བྱ་བ་དང་། ལས་ཐམས་ཅད་ཡང་དག་པར་བསྩགས་པ་ལ་འཇུག་པ་དང་། ཆོས་རྣམས་ཀྱི་བདེན་པ་ཉིད་ཡང་དག་པར་བལྟ་བ་དང་། ཆོས་ཐམས་ཅད་ཀྱི་སྐྱོན་མེད་པ་ཉིད་དང་། ཆོས་ཇི་ལྟ་བ་
D44.036.0112b01.01བཞིན་དུ་སྤྲུལ་པའི་རྒྱུ་དང་ལྡན་པ་ལ་རབ་ཏུ་འཇུག་པར་བྱ་བའི་ཕྱིར་ཆོས་ཐམས་ཅད་ཀྱི་རང་བཞིན་དངོས་པོ་མེད་པར་ཁོང་དུ་ཆུད་པར་བྱ་བ་དང་། དོན་ཐམས་ཅད་རྣམ་པ་སྣ་ཚོགས་སུ་འབྱུང་བ་ལ་རྣམ་པར་དཔྱོད་པ་དང་། བརྗོད་པ་ཐམས་ཅད་ལ་གནས་
D44.036.0112b02.01མེད་པར་ཤིན་ཏུ་བསྒྲུབ་པ་དང་། གནས་ཐམས་ཅད་རྐྱེན་སྣ་ཚོགས་ཀྱིས་བྱུང་བ་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་པར་བྱ་བ་དང་། ཡོངས་སུ་བསྔོ་བ་རྣམ་པར་དབེན་པ་ལ་རབ་ཏུ་དཔྱོད་པ་དང་། ཆོས་ཐམས་ཅད་ཚུལ་གཅིག་ཏུ་ཡང་
D44.036.0112b03.01དག་པར་བལྟ་བ་དང་། ཚུལ་མཐའ་ཡས་པའི་ཆོས་ཐམས་ཅད་དང་འགལ་བ་མེད་པར་བྱ་བ་དང་། ཡོངས་སུ་བསྔོ་བ་ལ་མཁས་པའི་བྱང་ཆུབ་སེམས་དཔའ་ཐམས་ཅད་ལ་འགྲོགས་པས་བསྙེན་པ་དང་། དགེ་བའི་རྩ་བ་ཐམས་ཅད་ཡོངས་སུ་
D44.036.0112b04.01བསྔོ་བས་འགྲོ་བ་ཐམས་ཅད་ཡང་དག་པར་བཟུང་བ་དང་། འདས་པ་དང་མ་འོངས་པ་དང་ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་ཀྱི་ཡོངས་སུ་བསྔོ་བ་ཁོང་དུ་ཆུད་པར་བྱེད་ཅིང་ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་
D44.036.0112b05.01སེམས་དཔའ་ཆེན་པོ་འཇིགས་པ་མེད་པའི་སེམས་ཀྱིས་སངས་རྒྱས་ཀྱི་ཆོས་ཐམས་ཅད་ལ་ཡོངས་སུ་བསྔོའོ། །ཚད་མེད་པའི་སེམས་ཀྱིས་སེམས་ཅན་ཐམས་ཅད་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །བདག་གིར་བྱ་བ་
D44.036.0112b06.01མེད་པའི་སེམས་ཀྱིས་ཕྱོགས་ཐམས་ཅད་ལ་ཡོངས་སུ་བསྔོའོ། །ཁྱད་པར་མེད་པའི་སེམས་ཀྱིས་འཇིག་རྟེན་ཐམས་ཅད་ལ་ཡོངས་སུ་བསྔོ་སྟེ། དགེ་བའི་རྩ་བ་དེ་ཡུལ་དང་སྤྱོད་ཡུལ་ཐམས་ཅད་དང་། འཇིག་རྟེན་ཐམས་ཅད་ཀྱིས་གོས་པ་མེད་
D44.036.0112b07.01