完整藏文原文 · 德格版页 当前仅加载第 36 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
བཅུ་པོ་དེ་དག་ལས་{སྩོགས་,སོགས་}པ་རྣམ་པར་ཐར་པའི་སྒོ་བརྒྱ་སྟོང་གྲངས་མེད་པ་བྱང་ཆུབ་སེམས་དཔའི་ས་བཅུ་པ་འདི་ལ་གནས་པའི་བྱང་ཆུབ་སེམས་དཔས་རབ་ཏུ་འཐོབ་སྟེ། དེ་བཞིན་དུ་ཏིང་ངེ་འཛིན་བརྒྱ་ཕྲག་སྟོང་དང་། གཟུངས་བརྒྱ་ཕྲག་སྟོང་དང་། མངོན་པར་
D44.036.0267b01.01ཤེས་པ་མངོན་པར་བསྒྲུབ་པ་བརྒྱ་ཕྲག་སྟོང་ཡང་རབ་ཏུ་འཐོབ་བོ། །དེ་ཡེ་ཤེས་དེ་ལྟ་བུ་དང་ལྡན་པའི་བློ་དང་ཚད་{མྱེད་,མེད་}པ་རྗེས་སུ་སོང་བའི་དྲན་པ་མཁས་པ་དང་ལྡན་པ་ཡིན། དེ་ཕྱོགས་བཅུའི་སངས་རྒྱས་བཅོམ་ལྡན་འདས་གྲངས་མེད་པ་ལས་
D44.036.0267b02.01སྐད་ཅིག་ཡུད་ཙམ་ཐང་ཅིག་ཏུ་ཆོས་ཀྱི་སྣང་བ་ཆེན་པོ་ཚད་མེད་པ་དང་། ཆོས་ཀྱི་འོད་ཆེན་པོ་དང་། ཆོས་ཀྱི་སྤྲིན་ཆེན་པོ་ཡང་དག་པར་འཛིན་ཏོ། །མོས་པར་བྱེད་དོ། །ཡང་དག་པར་ལེན་ཏོ། །བདག་གིར་བྱེད་དོ། །ཀྱེ་རྒྱལ་བའི་སྲས་དག །
D44.036.0267b03.01འདི་ལྟ་སྟེ་དཔེར་ན། རྒྱ་མཚོའི་ཀླུའི་རྒྱལ་པོའི་སྤྲིན་ལས་རྣམ་པར་བཀྱེ་བའི་ཆུའི་ཕུང་པོ་ཆེན་པོ་ནི་རྒྱ་མཚོ་ཆེན་པོ་མ་གཏོགས་པར་སའི་ཕྱོགས་གཞན་གྱིས་བཟོད་པ་འམ། བདག་གིར་བྱ་བ་འམ། བླང་བ་འམ། གཟུང་བར་{མྱི་,མི་}ནུས་སོ། །
D44.036.0267b04.01ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་གསང་བ་ལ་འཇུག་པ་དང་། ཆོས་ཀྱི་སྣང་བ་ཆེན་པོ་དང་། ཆོས་ཀྱི་འོད་ཆེན་པོ་དང་། ཆོས་ཀྱི་སྤྲིན་ཆེན་པོ་དེ་དག་ནི་སེམས་ཅན་ཐམས་ཅད་དང་། ཉན་ཐོས་
D44.036.0267b05.01དང་། རང་སངས་རྒྱས་ཐམས་ཅད་དང་ས་དང་པོ་ཉེ་བར་བཟུང་བ་ཡན་ཅད། ས་དགུ་པའི་བར་ལ་གནས་པའི་བྱང་ཆུབ་སེམས་དཔའ་དེ་དག་གིས་ཀྱང་བཟོད་པ་འམ། བླང་བ་འམ། ཡང་དག་པར་གཟུང་བ་འམ། བདག་གིར་བྱ་བ་སླ་བ་མ་ཡིན་ཏེ།
D44.036.0267b06.01བྱང་ཆུབ་སེམས་དཔའི་ས་ཆོས་ཀྱི་སྤྲིན་འདི་ལ་གནས་པའི་བྱང་ཆུབ་སེམས་དཔའ་ནི་དེ་དག་ཐམས་ཅད་ལ་མོས་པར་བྱེད་དོ། །ཡང་དག་པར་ལེན་ཏོ། །ཡང་དག་པར་འཛིན་ཏོ། །བདག་གིར་བྱེད་དོ། །ཀྱེ་རྒྱལ་བའི་སྲས་དག །
D44.036.0267b07.01