完整藏文原文 · 德格版页 当前仅加载第 36 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་གཅིག་ནས་གཅིག་ཏུ་བརྒྱུད་པས་ཆོས་བསྟན་པ་གཅིག་ནས་གཅིག་ཏུ་བརྒྱུད་པ་རབ་ཏུ་ཤེས་སོ། །ཆོས་གཅིག་ནས་གཅིག་ཏུ་བརྒྱུད་པས། བསམ་པ་གཅིག་ནས་གཅིག་ཏུ་བརྒྱུད་པ་རབ་ཏུ་ཤེས་སོ། །
D44.036.0308a01.01བསམ་པ་གཅིག་ནས་གཅིག་ཏུ་བརྒྱུད་པས། དབང་པོ་གཅིག་ནས་གཅིག་ཏུ་བརྒྱུད་པ་རབ་ཏུ་ཤེས་སོ། །དབང་པོ་གཅིག་ནས་གཅིག་ཏུ་བརྒྱུད་པས། འདུལ་བ་གཅིག་ནས་གཅིག་ཏུ་བརྒྱུད་པ་རབ་ཏུ་ཤེས་སོ། །འདུལ་བ་གཅིག་ནས་གཅིག་ཏུ་
D44.036.0308a02.01བརྒྱུད་པས། དེ་བཞིན་གཤེགས་པ་རྣམས་ཀྱི་སྐུ་ཚེ་གཅིག་ནས་གཅིག་ཏུ་བརྒྱུད་པ་རབ་ཏུ་ཤེས་སོ། །སྐུ་ཚེ་གཅིག་ནས་གཅིག་ཏུ་བརྒྱུད་པས། ལོ་གྲངས་བྱེ་བ་ཁྲག་ཁྲིག་གཅིག་ནས་གཅིག་ཏུ་བརྒྱུད་པ་རབ་ཏུ་ཤེས་པ་སྟེ། དེ་ལྟར་དེ་བཞིན་གཤེགས་པ་
D44.036.0308a03.01རྣམས་ཀྱི་ཡེ་ཤེས་མཐའ་ཡས་པ་འདབ་ཆགས་པར་རབ་ཏུ་ཤེས་སོ། །དེ་བཞིན་དུ་འདས་པའི་ཞིང་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་དུ་འདས་པའི་ཆོས་ཀྱི་རྣམ་གྲངས་རྣམས་འདབ་ཆགས་པར་རབ་ཏུ་ཤེས་སོ། །དེ་
D44.036.0308a04.01བཞིན་དུ་འདས་པའི་བསྐལ་པ་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་དུ་འདས་པའི་ཆོས་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་དུ་འདས་པའི་སེམས་ཅན་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་
D44.036.0308a05.01དུ་འདས་པའི་མོས་པ་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་དུ་འདས་པའི་སེམས་ཅན་གྱི་སྤྱོད་པ་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་དུ་འདས་པའི་ཉོན་མོངས་པ་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་
D44.036.0308a06.01དུ་འདས་པའི་བག་ཆགས་རྣམས་འདབ་ཆགས་པར་རབ་ཏུ་ཤེས་སོ། །དེ་བཞིན་དུ་འདས་པའི་རྣམ་པར་བྱང་བ་རྣམ་པར་དག་པ་རྣམས་འདབ་ཆགས་པར་རབ་ཏུ་ཤེས་སོ། །དེ་དག་ཏིང་ངེ་འཛིན་འདས་པ་རྣམ་པར་དག་པའི་སྙིང་པོ་ཞེས་བྱ་བ་ལ་སྙོམས་
D44.036.0308a07.01