完整藏文原文 · 德格版页 当前仅加载第 36 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་ཇི་ལྟ་བ་བཞིན་དུ་ཁོང་དུ་ཆུད་པ་མ་གཏོགས་པར་གཞན་གྱིས་ཐོབ་པར་མི་ནུས་སོ། །ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་ཁོང་དུ་ཆུད་པ་ཡང་རྒྱུ་བ་མེད་ཅིང་སྐྱེ་བ་མེད་པ་ལ་སྤྱོད་པའི་ཤེས་རབ་
D44.036.0197a01.01མ་གཏོགས་པར་གཞན་གྱིས་ཁོང་དུ་ཆུད་པར་མི་ནུས་སོ། །ཤེས་རབ་ཀྱི་སྣང་བ་དེ་ཡང་བསམ་གཏན་ལ་མཁས་ཤིང་རྟོགས་པའི་བློས་རབ་ཏུ་རྟོག་པ་མེད་པར་གཞན་གྱིས་ཐོབ་པར་མི་རུང་ངོ་། །བསམ་གཏན་ལ་མཁས་ཤིང་རྟོགས་པའི་
D44.036.0197a02.01བློས་རབ་ཏུ་རྟོག་པ་དེ་ཡང་ཐོས་པས་མཁས་པ་{མྱེད་,མེད་}པར་མི་འབྱུང་ངོ་། །ཞེས་དེ་དེ་ལྟར་ཤིན་ཏུ་བརྟགས་པའི་ཤེས་པ་དང་ལྡན་པས་དེ་བས་ཀྱང་ཤས་ཆེར་དམ་པའི་ཆོས་ཚོལ་བ་ལ་མངོན་པར་བརྩོན་པར་གནས་ཏེ་ཉིན་མཚན་དུ་ཆོས་མཉན་པ་དོན་དུ་གཉེར་
D44.036.0197a03.01བ་ཡིན། སངས་རྒྱས་ཀྱི་ཆོས་བཙལ་བའི་དོན་དུ་ཆོས་ལ་མོས་ཤིང་ངོམས་མི་ཤེས་ལ་རྒྱུན་མི་འཆད་པ་ཡིན། ཆོས་ལ་དགའ་ཞིང་སྤྲོ་བ་དང་། ཆོས་ལ་རབ་ཏུ་འཇུག་པ་ཡིན། ཆོས་ལ་གཞོལ་ཞིང་ཆོས་ལ་འབབ་པ་དང་། ཆོས་ལ་འབབ་པ་
D44.036.0197a04.01ཡིན། ཆོས་ལ་རྟེན་ཅིང་ཆོས་ལ་སྐྱབས་ཚོལ་བ་དང་། ཆོས་ལ་མཐུ་ཚོལ་བ་ཡིན། ཆོས་དང་གཉེར་བའི་ཆོས་ལ་མངོན་པར་བརྩོན་པ་ཡིན་ཏེ། དེ་དེ་ལྟར་ཆོས་ཚོལ་བ་ལ་མངོན་པར་བརྩོན་པས་རིན་པོ་ཆེའི་རྣམ་པ་འམ། དབྱིག་གི་རྣམ་པ་འམ།
D44.036.0197a05.01ནོར་དང་། འབྲུའི་མཛོད་དང་བང་བ་གང་ཡང་རུང་སྟེ། ཡོངས་སུ་མི་གཏོང་བ་དེ་ལྟ་བུ་གང་ཡང་{མྱེད་,མེད་}དོ། །ཆོས་སྨྲ་བའི་གང་ཟག་དེ་འབའ་ཞིག་ལ་དཀའ་བའི་འདུ་ཤེས་སུ་གྱུར་པ་ལས་ཕར་དེ་དག་གཞན་ལ་ཅུང་ཟད་ཀྱང་དཀའ་བའི་འདུ་ཤེས་{མྱི་,མི་}
D44.036.0197a06.01བསྐྱེད་དོ། །དེ་ནི་ཆོས་ཀྱི་དོན་དུ་ཕྱི་རོལ་གྱི་དངོས་པོ་ཉེ་བར་བཟུང་བ་ཡོངས་སུ་མི་གཏོང་བ་དེ་གང་ཡང་{མྱེད་,མེད་}དོ། །ནང་གི་དངོས་པོ་ཡོངས་སུ་མི་གཏོང་བར་བྱ་བ་དེ་ལྟ་བུ་འང་ཅུང་ཟད་ཀྱང་{མྱེད་,མེད་}དོ། །གང་འདི་དག་འདི་ལྟ་སྟེ། གཡོག་འཁོར་ཡོངས་སུ་གཏང་
D44.036.0197a07.01