完整藏文原文 · 德格版页 当前仅加载第 36 函德格 328a 版页；藏文 NFD、目录标记与异常页序保留在来源切片中，重复版页行以稳定序号区分。
དོག་གསལ་བ། མུན་པ་སེལ་ཅིང་སྣང་བ་འབྱིན་པ། བལྟ་ན་གཏང་མི་བྲ་ཞིང་ཤིན་ཏུ་རྣམ་པར་ཕྱེ་བར་བརྒྱན་པ། ཁ་དོག་སྣ་ཚོགས་སུ་མེ་ཏོག་གིས་ཀུན་ནས་ཡོག་པ། འདབ་མ་སྣ་ཚོགས་དང་ལྡན་ཞིང་སྙིང་
D44.036.0328a01.01པོ་ཁ་དོག་སྣ་ཚོགས་ཅན། ཟེ་བ་མདོག་དུ་མར་སྣང་བའི་མེ་ཏོག་གིས་ཡོངས་སུ་བརྒྱན་པ་སྟེ། མཚོ་ཆེན་པོ་དེའི་ནང་དང་། མཚོའི་དཀྱིལ་འཁོར་ནི་རྒྱར་དཔག་ཚད་ལྔ་བཅུ་ཡོད་པ་དེ། ཟབས་སུ་དཔག་ཚད་ལྔ་བཅུ་ཡོད་དོ། །
D44.036.0328a02.01དེའི་གཞི་ནི་རིན་པོ་ཆེའི་གསེག་མ་བདལ་བ་སྟེ། རིན་པོ་ཆེ་སྣ་ཚོགས་ཁ་དོག་དུ་མ་དང་ལྡན་པས་ཤིན་ཏུ་བརྒྱན་པར་གནས་པའོ། །དེའི་ངོགས་ནི་རིན་པོ་ཆེ་སྣ་ཚོགས་ཕ་གུ་བརྩིགས་པ་ལྟར་འདུག་པས་ཀུན་ནས་འཁོར་བའོ། །
D44.036.0328a03.01དེའི་དྲི་ནི་ཙན་དན་བཟང་པོའི་བསུང་ལྟ་བུ་སྟེ། མེ་ཏོག་ཁ་དོག་དུ་མ་ཅན་ལས་བསུང་གི་ངད་རྣམ་པ་དུ་མ་ལངས་པ་དང་ལྡན་པ། མེ་ཏོག་ཨུཏྤལ་དང་། པད་མོ་དང་། ཀུ་མུ་ད་དང་པུན་ད་རི་ཀས་ཀུན་ནས་ཡོག་པ། རིན་པོ་
D44.036.0328a04.01ཆེའི་ཤིང་མེ་ཏོག་རབ་ཏུ་རྒྱས་པས་ཀུན་ནས་འཁོར་བ་སྟེ། ནམ་ལྷའི་བུ་ཉི་མ་འཆར་བའི་ཚེ་ཉི་མའི་འོད་ཟེར་དེ་དག་མཚོའི་རིན་པོ་ཆེ་དང་གསེག་མ་དང་། མེ་ཏོག་དང་། ཆུ་ཀླུང་གི་རྒྱུད་ཀྱི་བྱེ་མ་དང་། དངོའི་ཁ་དང་། ཆུ་ཀླུང་གིས་གཡས་ཕྱོགས་སུ་བསྐོར་
D44.036.0328a05.01བའི་མཚོ་དང་རིན་པོ་ཆེའི་ཤིང་གི་ལྷུན་དང་། ཡལ་ག་དང་ལོ་མ་དང་མེ་ཏོག་ལ་བབ་པར་གྱུར་ན། དེའི་ཚེ་འོད་ཟེར་རེ་རེས་ཕོག་ཀྱང་རིན་པོ་ཆེའི་འབྱུང་གནས་སྣ་ཚོགས་ཀྱི་དབྱིངས་ན་གནས་པའི་འོད་ཟེར་གྱི་དྲ་བ་བྱེ་བ་ཁྲག་ཁྲིག་བརྒྱ་
D44.036.0328a06.01སྟོང་གིས་ཀུན་ནས་ཡོག་པ་ལྟ་བུར་སྣང་སྟེ། ཐམས་ཅད་ཀྱང་འོད་ཀྱི་མདོག་དམ་པ་དེས། འཇམ་འཇམ་ལྟར་འདུག་པས་མཚོ་ཆེན་པོ་མ་དྲོས་པ་རྣམ་པའི་མཆོག་ཐམས་ཅད་དང་ལྡན་པར་སྣང་ངོ་། །མཚོ་ཆེན་པོ་མ་དྲོས་པ་དེའི་འཁོར་ན་
D44.036.0328a07.01