完整藏文原文 · 德格版页 当前仅加载第 36 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་ལ་ལེགས་པར་ཞུགས་ཤིང་། དུལ་བའི་སེམས་ཀྱིས་ཉེ་བར་སྤྱོད་པར་གྱུར་ཅིག །སེམས་ཅན་ཐམས་ཅད་གདོང་གི་དཀྱིལ་འཁོར་བལྟ་ན་སྡུག་ཅིང་ཁའི་ནད་དང་སོ་རྣམ་པར་དག་པར་གྱུར་
D44.036.0053a01.01ཅིག །སེམས་ཅན་ཐམས་ཅད་ཁ་དང་སོ་དཔེ་{མྱེད་,མེད་}པ་རྣམ་པར་དག་ཅིང་། བཞིན་དྲན་པའི་རྒྱན་གྱིས་བརྒྱན་པར་གྱུར་ཅིག །སེམས་ཅན་ཐམས་ཅད་སོ་བཟང་པོའི་གསེབ་ནས་སྤོས་ཞིམ་པོའི་མཆོག་གྲངས་མེད་པ་ཡིད་དུ་འོང་བའི་དགའ་བ་བསྐྱེད་
D44.036.0053a02.01པའི་ངད་འབྱུང་བས་ཡོངས་སུ་དག་ཅིང་སོ་བཞི་བཅུ་ཚང་བ་དང་ལྡན་པར་གྱུར་ཅིག །སེམས་ཅན་ཐམས་ཅད་ཤིན་ཏུ་དུལ་བའི་སོ་རབ་ཏུ་ཐོབ་ཅིང་བཀྲ་ཤིས་དང་། དགའ་བ་འཁྱིལ་པ་དང་། པད་མོ་སྣ་ཚོགས་ཀྱིས་མཛེས་པར་བྲིས་པའི་སོ་དང་
D44.036.0053a03.01ལྡན་པར་གྱུར་ཅིག །སེམས་ཅན་ཐམས་ཅད་གདོང་གི་དཀྱིལ་འཁོར་ནས་ཚད་མེད་པའི་འོད་གཟེར་སྣང་བ་བྱུང་བས་འོད་ཟེར་བྱེ་བ་ཁྲག་ཁྲིག་བརྒྱ་སྟོང་མཐའ་ཡས་པ་རབ་ཏུ་འབྱུང་བའི་སོ་དང་ལྡན་པར་གྱུར་ཅིག །སེམས་ཅན་ཐམས་ཅད་ཁ་ཟས་ལ་མ་
D44.036.0053a04.01ཆགས །མ་ཞེན་ཅིང་ཁ་ན་མ་ཐོ་བ་མེད་པར་སྤྱོད་པས་སྦྱིན་པའི་གནས་དམ་པའི་མཐར་ཐུག་པར་གྱུར་ཏེ། །སོའི་ཐགས་ལེགས་ཤིང་འབྲས་ཆན་ཁ་ཕྱེ་བ་ལྟ་བུར་གྱུར་ཅིག །སེམས་ཅན་ཐམས་ཅད་བྱང་ཆུབ་སེམས་དཔའི་དམ་པ་ལུང་སྟོན་ཅིང་
D44.036.0053a05.01སོའི་གསེབ་ཀུན་ནས་འོད་འཕྲོ་བ་ཁ་དོག་མཐའ་ཡས་པའི་སྣང་བ་འབྱུང་བ་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སོའི་སྦྱིན་པས་ཡང་དག་པར་བསྡུས་པའི་དགེ་བའི་རྩ་བ་དེ་དག་སེམས་ཅན་མ་ལུས་པར་ཐམས་ཅད་མཁྱེན་པ་ཉིད་དུ་
D44.036.0053a06.01ཡང་དག་པར་བསྐྱེད་པ་དང་། ཆགས་པ་མེད་པའི་རྒྱན་གྱིས་ཆོས་ཐམས་ཅད་ཤེས་པ་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལྕེ་བསླངས་ན་ཇི་ལྟར་རྒྱལ་པོ་བཞིན་{བཟངས་,བཟང་}དང་།
D44.036.0053a07.01