完整藏文原文 · 德格版页 当前仅加载第 36 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བརྒྱན་པ་གཟུགས་མཛེས་པ་ལྟ་ན་སྡུག་ཅིང་{མྱི་,མི་}མཐུན་པ་མེད་པས། ཡོངས་སུ་བཀང་བ་དང་། འདི་ལྟ་སྟེ་ཨ་སྨ་གར་བའི་ཤིང་རྟ་དབང་བསྐུར་བས་ཡོངས་སུ་གང་བ་དང་། འདི་ལྟ་སྟེ་སྤོས་དམ་པའི་ཤིང་རྟ་བུ་དང་བུ་མོས་ཡོངས་
D44.036.0037a01.01སུ་བཀང་བ་དང་། འདི་ལྟ་སྟེ་རིན་པོ་ཆེའི་ཚོགས་ཐམས་ཅད་ཀྱིས་བརྒྱན་པའི་ཤིང་རྟ་ནང་གི་བཤེས་གཉེན་དབྱེར་{མྱི་,མི་}ཕྱེད་པས་ཡོངས་སུ་བཀང་བ་དང་། དེ་རྣམ་པ་འདི་ལྟ་བུའི་ཤིང་རྟ་གྲངས་{མྱེད་,མེད་}པ་རྣམ་པ་སྣ་ཚོགས་སློང་མོ་བ་ཐམས་ཅད་ལ་སྦྱིན་ཞིང་ཡོངས་སུ་གཏོང་
D44.036.0037a02.01བས་སློང་བ་འདོད་པར་བྱ་བའི་དངོས་པོ་རབ་ཏུ་ཐོབ་པས་ཡིད་ལ་བསམ་པ་ཤིན་ཏུ་རྫོགས་ནས་སློང་བ་དེ་དག་ཐམས་ཅད་སྦྱིན་པ་ཐམས་ཅད་སྦྱིན་པའི་ཚུལ་གྱིས་ཡང་དག་པར་བཟུང་སྟེ། ཤིན་ཏུ་ཚིམ་པར་བྱས་ཤིང་བསམ་པ་རྫོགས་པར་བྱས་ནས་དགའ་བ་དང་མགུ་བ་དང་
D44.036.0037a03.01རང་ས་པ་དང་ཡིད་བདེ་བ་སྐྱེས་པར་བྱས་ཏེ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོའོ། །སེམས་ཅན་ཐམས་ཅད་བྱང་ཆུབ་ཀྱི་ཤིང་དྲུང་དུ་བསམ་གྱིས་མི་ཁྱབ་ཅིང་ཐོགས་པ་མེད་པའི་ཤིང་རྟའི་འཁོར་ལོ་ཕྱིར་{མྱི་,མི་}ལྡོག་པས་འགྲོ་བ་དང་ལྡན་ཏེ།
D44.036.0037a04.01ཐོག་པ་ཆེན་པོའི་ཤིང་རྟ་ལ་ཞོན་པར་གྱུར་ཅིག །སེམས་ཅན་ཐམས་ཅད་བྱང་ཆུབ་སེམས་དཔའི་སྤྱོད་པ་ཐམས་ཅད་ལ་སྤྱོད་ཅིང་ཕྱི་མའི་མཐའི་བསྐལ་པའི་མུར་ཐུག་པར་ཕྱིར་{མྱི་,མི་}ལྡོག་པར་ཆོས་ཀྱི་ཤིང་རྟ་ཅང་ཤེས་ལ་ཞོན་པར་གྱུར་ཅིག །སེམས་ཅན་ཐམས་ཅད་
D44.036.0037a05.01ཆོས་ཐམས་ཅད་ལ་རྣམ་པར་རྟོག་པའི་རློམ་སེམས་མེད་ཅིང་ཐམས་ཅད་མཁྱེན་པའི་རིགས་ཀྱི་ལམ་ལ་བརྩོན་པས་ཆོས་ཐམས་ཅད་ཅི་ཡང་མ་ཡིན་པའི་ཤིང་རྟ་ལ་ཞོན་པར་གྱུར་ཅིག །སེམས་ཅན་ཐམས་ཅད་ཐོགས་པ་མེད་པའི་རྫུ་འཕྲུལ་གྱིས། སངས་རྒྱས་ཀྱི་
D44.036.0037a06.01ཞིང་ཐམས་ཅད་དུ་འགྲོ་བ་ལ་བརྩོན་པས་ཀུན་ཏུ་འགྲོ་བ་དྲི་མ་{མྱེད་,མེད་}པའི་ཤིང་རྟ་ལ་ཞོན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་ཆོས་ལ་དགའ་བས་མོས་ཤིང་ཡང་དག་པར་འགྲོ་བ་ལ་བརྩོན་པས་ཐམས་ཅད་མཁྱེན་པའི་ཐེག་པའི་ཤིང་རྟ་
D44.036.0037a07.01