完整藏文原文 · 德格版页 当前仅加载第 36 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་སྣང་བ་མཐའ་དང་དབུས་མེད་པ་ཐམས་ཅད་དང་མི་འཇིགས་པ་རྣམ་པར་དག་པའི་ཚིག་གཅིག་བརྗོད་པས་སེམས་ཅན་གྱི་ཁམས་མ་ལུས་པ་ཐམས་ཅད་ཀྱི་ཐེ་ཙོམ་གཅོད་ཅིང་སེམས་དང་དབང་པོ་དང་བསམ་པ་ཁོང་དུ་ཆུད་པར་བྱེད་པས་
D44.036.0161a01.01ཚིམ་པར་བྱེད་པ་དང་། བླ་ན་མེད་པ་ཐམས་ཅད་མཁྱེན་པའི་སྟོབས་དང་མི་འཇིགས་པ་དང་། དེ་བཞིན་གཤེགས་པའི་རྣམ་པར་འཕྲུལ་པ་དང་། སངས་རྒྱས་ཀྱི་ཆེ་བ་ཉིད་དང་། ཡེ་ཤེས་ལ་འཇུག་པ་ཤིན་ཏུ་འཕགས་པ་དང་། ཆོས་མངོན་པར་ཤེས་
D44.036.0161a02.01པ་ལ་གནས་པར་བྱ་བ་ཀུན་ནས་གནས་པར་འགྱུར་ཏེ། ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་ཆོས་ཀྱི་དབྱིངས་ཚད་མེད་པ་ཞེས་བྱ་བ་བཅུ་པ་སྟེ། བྱང་ཆུབ་སེམས་དཔའ་
D44.036.0161a03.01སེམས་དཔའ་ཆེན་པོའི་ཆོས་སྦྱིན་པ་ལ་{སྩོགས་,སོགས་}པའི་དགེ་བའི་རྩ་བ་ཐམས་ཅད་བསྔོ་བ་དེས་ཡོངས་སུ་བསྔོས་ན། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་སྨོན་ལམ་མཐའ་དང་དབུས་མེད་པ་ཡོངས་སུ་རྫོགས་པ་ཐོབ་པར་འགྱུར་རོ། །
D44.036.0161a04.01འཇིག་རྟེན་གྱི་ཁམས་ཐམས་ཅད་ཀྱི་སངས་རྒྱས་ཀྱི་ཞིང་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་མཐས་གཏུགས་པ་ཐམས་ཅད་ཡོངས་སུ་དག་པ་ཐོབ་པར་འགྱུར་རོ། །སེམས་ཅན་ཐམས་ཅད་ཀྱིས་ཀྱང་རབ་ཏུ་ཐོབ་པར་བྱ་བ་ལ་བརྩོན་པར་བྱེད་པར་
D44.036.0161a05.01འགྱུར་རོ། །ཆོས་ཐམས་ཅད་ལ་འཇུག་པའི་ཡེ་ཤེས་མཐའ་དང་དབུས་མེད་པ་ཐམས་ཅད་ཡོངས་སུ་འགྲུབ་པར་འགྱུར་རོ། །སེམས་བསྐྱེད་པ་མཐའ་དང་དབུས་མེད་པ་ཐམས་ཅད་ཀྱི་སྐད་ཅིག་རེ་རེ་ལ་སངས་རྒྱས་བསྐྱེད་པ་ཐམས་ཅད་
D44.036.0161a06.01མཐོང་བ་རབ་ཏུ་ཐོབ་ཅིང་ཁོང་དུ་ཆུད་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་དང་། རྒྱ་ཆེན་པོའི་རྣམ་པར་འཕྲུལ་པ་དང་། བསྒྲིབས་པ་མེད་པའི་རྣམ་པར་འཕྲུལ་པ་དང་། བསམ་གྱིས་མི་ཁྱབ་པའི་རྣམ་
D44.036.0161a07.01