完整藏文原文 · 德格版页 当前仅加载第 36 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་པ་མེད་པར་སྦྱིན་པ་ཐོབ་པ་དང་། ཆད་ཅིང་དུབ་པ་མེད་པའི་སེམས་དང་ལྡན་པར་བྱེད་དེ། སློང་བ་དེ་དག་མཐོང་བ་ཙམ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་དགའ་བར་འགྱུར་གྱི། བརྒྱ་བྱིན་
D44.036.0089a01.01གྱི་སྟན་ལ་འདུག་པས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་གནས་པས་ནི་མ་ཡིན་ནོ། །རབ་མཚེ་མའི་དབང་ཕྱུག་ལ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པར་གནས་པས་མ་ཡིན་ནོ། །དགའ་ལྡན་དུ་སྐྱེས་ཏེ་སྐྱེ་བ་དང་། འཆི་འཕོ་བ་ལས་རྣམ་པར་འདས་
D44.036.0089a02.01པས་མ་ཡིན་ནོ། །རབ་འཕྲུལ་དགའི་དབང་ཕྱུག་ལ་བསྐལ་པ་གྲངས་མེད་པར་བདེ་བའི་རྣམ་པ་ཐོབ་པས་མ་ཡིན་ནོ། །དབང་སྒྱུར་བའི་དབང་གིས་བསྐལ་པ་བསམ་གྱིས་མི་ཁྱབ་པར་ཡིད་དུ་འོང་བའི་བུད་མེད་(གྱི་,ཀྱི་)བདེ་བ་ལ་གནས་པས་མ་ཡིན་ནོ། །ཚངས་
D44.036.0089a03.01པའི་སྟན་ལ་གནས་པས་བསྐལ་པ་བརྗོད་དུ་མེད་པར་ཚངས་པའི་བདེ་བ་ལ་སྤྱོད་པས་མ་ཡིན་ནོ། །མིར་གྱུར་ཏེ་འཁོར་ལོ་སྒྱུར་བའི་རྒྱལ་སྲིད་སྟོང་གསུམ་གྱི་མཐར་ཐུག་པའི་བདེ་བའི་རྣམ་པས་བསྐལ་པས་མཚམས་མེད་ཅིང་ཚད་མེད་པར་དགའ་
D44.036.0089a04.01བ་དང་། རྩེ་བ་དང་ལོངས་སྤྱོད་ཐོབ་པར་གྱུར་པས་ནི་མ་ཡིན་ནོ། །དགེ་རྒྱས་ཀྱི་ལྷའི་བདེ་བ་ལ་བསྐལ་པ་མཚུངས་པ་མེད་པར་བདེ་བའི་རྣམ་པ་ཟད་མི་ཤེས་པ་དང་། འགྲོགས་པས་མ་ཡིན་ནོ། །གཙང་མའི་གནས་ན་གནས་པས་བསྐལ་པ་མུ་མེད་
D44.036.0089a05.01པར་བདེ་བ་དང་། འགྲོགས་པར་གྱུར་པས་མ་ཡིན་ཏེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སློང་བ་སྣ་ཚོགས་མཐོང་ན་དགའ་བར་འགྱུར་རོ། །སྤྲོ་བ་སྐྱེའོ། །མོས་པ་འབྱུང་ངོ་། །རབ་ཏུ་དགའ་བ་འགྲུབ་པོ། །དད་པ་
D44.036.0089a06.01འཕེལ་ལོ། །བསམ་པ་འབྱུང་ངོ་། །དབང་པོ་ལས་སུ་རུང་བར་འགྱུར་རོ། །དགའ་བའི་སེམས་ཡོངས་སུ་རྫོགས་པར་འགྱུར་རོ། །མོས་པ་ཆེན་པོས་བསྐྱེད་པའི་སེམས་ཀྱི་ཤུགས་རྣམ་པར་འཕེལ་ལོ། །སངས་རྒྱས་ཀྱི་བྱང་ཆུབ་རྩ་བ་
D44.036.0089a07.01