完整藏文原文 · 德格版页 当前仅加载第 36 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དུ་ཡོན་ཏན་ཆེན་པོ་ཐོབ་པས་སེམས་རིན་པོ་ཆེ་དང་། འགྲོགས་པ་དང་། ལན་ལ་རེ་བ་མེད་པར་འགྲོ་བ་ཐམས་ཅད་སྙིང་རྗེས་རྗེས་སུ་སྐྱོང་བ་དང་། འགྲོ་བ་རིན་པོ་ཆེ་ཐམས་ཅད་ཀྱི་བསམ་པ་རིན་པོ་ཆེ་ཤིན་ཏུ་སྒྲུབ་པ་དང་། འདས་པ་དང་མ་བྱོན་པ་དང་ད་ལྟར་
D44.036.0087b01.01བྱུང་བའི་སངས་རྒྱས་ཐམས་ཅད་དང་། གཅིག་ཏུ་བགྲང་བའི་དགེ་བའི་རྩ་བ་ཐམས་ཅད་མཁྱེན་པ་ཉིད་རྣམ་པར་འཕེལ་བར་བྱེད་པའི་ཚེ། ཡོ་བྱད་ཐམས་ཅད་ཀྱི་སྦྱིན་པ་ཡོངས་སུ་བཏང་བས་ཡང་དག་པར་བསྡུས་པའི་དགེ་བའི་རྩ་བ་དེ་དག་སེམས་ཅན་གྱི་ཁམས་ཐམས་
D44.036.0087b02.01ཅད་མ་ལུས་པར་ཡོངས་སུ་སྨིན་པར་བྱ་བ་དང་། གདུལ་བ་གཅིག་ནས་གཅིག་ཏུ་བརྒྱུད་པ་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །ཞིང་ཐམས་ཅད་མ་ལུས་པར་གཅིག་ནས་གཅིག་ཏུ་བརྒྱུད་པ་ཉེ་བའི་ཉོན་མོངས་པ་མེད་ཅིང་རྒྱན་རྣམ་པར་དག་པས་
D44.036.0087b03.01རྣམ་པར་དབྱེ་བ་དང་། རབ་ཏུ་བརྒྱན་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །ཆོས་ཀྱི་དབྱིངས་ཐམས་ཅད་མ་ལུས་པར་སེམས་གཅིག་གིས་རྒྱས་པར་དགང་བ་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །ནམ་མཁའི་ཁམས་
D44.036.0087b04.01ཐམས་ཅད་མ་ལུས་པའི་མཐར་ཐུག་པར་ཡོངས་སུ་རྒྱས་པར་བྱ་བའི་ཕྱིར་ཡོངས་སུ་བསྔོའོ། །དུས་མཐའ་དང་དབུས་མེད་པ་ཐམས་ཅད་མ་ལུས་པ་ལ་འཇུག་ཅིང་ཐམས་ཅད་མཁྱེན་པས་འདུལ་བས་དུས་ཐམས་ཅད་དུ་ཆོས་ཀྱི་འཁོར་ལོ་རབ་ཏུ་བསྐོར་བའི་ཕྱིར་
D44.036.0087b05.01ཡོངས་སུ་བསྔོའོ། །ཡེ་ཤེས་ཀྱི་བྱིན་རླབས་ཐམས་ཅད་མ་ལུས་པ་ལ་མཁས་པ་ཡང་དག་པར་བསྟན་པས་འགྲོ་བ་ཐམས་ཅད་ལ་ཕན་གདགས་པའི་ཕྱིར་ཡོངས་སུ་བསྔོའོ། །སངས་རྒྱས་ཀྱི་བྱང་ཆུབ་ཐམས་ཅད་མ་ལུས་པར་མངོན་པར་འཚང་རྒྱ་བར་བྱ་བས།
D44.036.0087b06.01ཕྱི་མའི་མཐའི་མུར་ཐུག་པའི་བསྐལ་བར་བསྟན་པ། འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་དུ་རྒྱུན་མི་འཆད་པས་སེམས་ཅན་ཀུན་གྱིས་སངས་རྒྱས་ཀྱི་ཆོས་ཤེས་པར་བྱ་བའི་ཕྱིར་ཡོངས་སུ་བསྔོའོ། །བསྐལ་པའི་གྲངས་ཐམས་ཅད་མ་ལུས་པ་
D44.036.0087b07.01