完整藏文原文 · 德格版页 当前仅加载第 10 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
ཤར་པའི་བུ་ཡོངས་སུ་བཏང་གིས་སོད་ཅིག །བློན་པོ་རྣམས་ཀྱིས་སྨྲས་པ། ལྷ་རྒྱལ་པོ་འདི་ནི་གླང་པོ་ཆེའི་ཆོ་ག་ལ་མཁས་པ་ཞིག་སྟེ། གལ་ཏེ་འདི་བཀུམ་ན་གླང་པོ་ཆེའི་ཆོ་ག་ནུབ་པར་འགྱུར་བས་དེའི་སླད་དུ་རེ་ཞིག་ལྷས་འདི་ལས་གླང་པོ་ཆེའི་ཆོ་ག་བསླབ་ཏུ་གསོལ། སླད་ཀྱིས་ཇི་ལྟར་བཀའ་སྩལ་པ་
D6.010.0309b01.01བཞིན་བགྱིའོ། །རྒྱལ་པོས་སྨྲས་པ། གསོས་པ་གལ་ཏེ་དེ་ལྟ་ན་ཁྱོད་ཀྱིས་འདི་ལས་གླང་པོ་ཆེའི་ཆོ་ག་སློབས་ཤིག །ངས་འདི་ལས་གླང་པོ་ཆེའི་ཆོ་ག་བསླབས་ཏེ་ངའི་སློབ་དཔོན་དུ་གྱུར་ན་ཇི་ལྟར་སློབ་དཔོན་བསད་པར་བྱ། གསོས་པས་སྨྲས་པ། ལྷ་བདག་ལ་ཡང་ཉེས་དམིགས་དེ་ཉིད་དུ་འགྱུར་
D6.010.0309b02.01བས་དེ་ནི་ཆ་མ་ལགས་སོ། །རྒྱལ་པོས་སྨྲས་པ། གསོས་པ་གལ་ཏེ་དེ་ལྟ་ན་སུ་ཞིག་འདི་ལ་སློབ་ཏུ་བཅུག་ལ་དེ་ལས་ངས་བསླབ་པར་བྱ། གསོས་པས་སྨྲས་པ། ལྷ་ཁྱོད་ཀྱིས་སྲས་མོ་ནོར་ལྷས་བྱིན་འདི་ལེ་ལོ་མ་མཆིས་པ། བརྩོན་འགྲུས་དང་ལྡན་པ། མཁས་པ། གྲིམས་པ་ལགས་པས་འདི་སློབ་ཏུ་
D6.010.0309b03.01སྩལ་ཏེ། འདིས་ལྷ་ལ་བསླབ་པར་བགྱིའོ། །རྒྱལ་པོ་གཏུམ་པོ་རབ་སྣང་གིས་ནོར་ལྷས་བྱིན་ལ་སྨྲས་པ། བུ་མོ་མི་དེ་མཚན་ངན་པ་{བཅྭ་,བཅོ་}བརྒྱད་དང་ལྡན་ན། འོན་ཀྱང་གླང་པོ་ཆེའི་ཆོ་ག་ལ་མཁས་པ་ཞིག་པས་ཁྱོད་ཀྱིས་དེ་ལས་བར་དུ་ཡོལ་བས་བཅད་དེ་གླང་པོ་ཆེའི་ཆོ་ག་སློབས་ལ་ཕྱིས་ང་ལ་
D6.010.0309b04.01སློབས་ཤིག །ཁྱོད་ཀྱིས་དེ་ལ་བལྟ་བར་ཡང་མི་བྱ་སྟེ། དེ་མཐོང་ན་བཀྲ་མི་ཤིས་པས་ཁྱོད་ཀྱིས་དེ་མཐོང་ན་ཁྱོད་འཆིའོ་ཞེས་བྱས་པ་དང་། དེས་ཡོལ་བས་བཅད་དེ་དེ་ལས་གླང་པོ་ཆེའི་ཆོ་ག་བསླབ་པར་བརྩམས་སོ། །སྦྱོར་བ་འཆང་གིས་བསམས་པ། གལ་ཏེ་ལྷ་བཙལ་ཏེ་གསོན་ན་ནི་དེ་
D6.010.0309b05.01ཐར་པའི་ཐབས་ཤིག་བསམ་མོ། །འོན་ཏེ་ཤི་སྟེ་དུས་ལས་འདས་ན་ནི་གཞན་ཞིག་རྒྱལ་པོར་དབང་བསྐུར་རོ་སྙམ་ནས། དེའི་སྲིང་མོ་གསེར་ཕྲེང་ཅན་ཞེས་བྱ་བ་སྒྱུ་བཤམ་པ་ལ་སྦྱོར་བ་འཆང་བ་བས་ཀྱང་ལྷག་པ་ཞིག་ཡོད་པ་དེ་ལ་དེས་སྨྲས་པ། སྲིང་མོ་འཕགས་རྒྱལ་དུ་སོང་ལ་སོན་ནས་རྒྱལ་པོ་
D6.010.0309b06.01ཀུན་དུ་ཚོལ་ཏེ། གལ་ཏེ་གསོན་ན་དེ་ཐར་པའི་ཐབས་ཤིག་བསམ་པར་བྱའོ། །འོན་ཏེ་ཤི་སྟེ་དུས་ལས་འདས་ན་གཞན་ཞིག་རྒྱལ་པོར་དབང་བསྐུར་རོ་ཞེས་བྱས་པ་དང་དེས་དེ་ལ་ཅང་མི་སྨྲ་བས་ཁས་བླངས་ཏེ་ཀུན་ཏུ་རྒྱུའི་ཆ་ལུགས་སུ་བསྒྱུར་ནས་འཕགས་རྒྱལ་དུ་སོང་ངོ་། །དེ་རྒྱལ་པོའི་སྒོར་
D6.010.0309b07.01