完整藏文原文 · 德格版页 当前仅加载第 10 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོང་གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། འདི་ལྟར་གར་དང་། གླུ་དང་། རོལ་མོའི་སྒྲ་དག་བལྟ་བའི་ཕྱིར་ཡང་འགྲོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགེ་
D6.010.0041b01.01སློང་དག་ལ་ཉེས་དམིགས་ཅུང་ཟད་གང་བྱུང་བ་དེ་ནི་གར་དང་། གླུ་དང་། རོལ་མོའི་སྒྲ་དག་ལྟར་འགྲོ་བ་ལས་གྱུར་པར་མཁྱེན་ནས་བཀའ་སྩལ་པ། དེ་ལྟ་བས་ན་དགེ་སློང་གིས་གར་མི་བྱ། གླུ་བླང་བར་མི་བྱ། རོལ་མོའི་སྒྲ་མི་བྱའོ། །གར་དང་གླུ་དང་། རོལ་མོའི་སྒྲ་དག་སྦྱང་བར་མི་བྱའོ། །
D6.010.0041b02.01དེ་དག་ལ་ལྟར་ཡང་འགྲོ་བར་མི་བྱའོ། །དགེ་སློང་དག་དགེ་སློང་གར་སློབ་བམ། གླུ་སློབ་བམ། རོལ་མོའི་སྒྲ་སློབ་བམ། གར་དང་གླུ་དང་། རོལ་མོའི་སྒྲ་སྦྱོང་ངམ། དེ་དག་ལ་ལྟར་འགྲོ་ན་འགལ་ཚབས་ཅན་དུ་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་
D6.010.0041b03.01པོ་བཞི་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཀཽ་ཤཱམྦཱི་ན་ཁྱིམ་བདག་བཟང་ལྡན་ཞེས་བྱ་བ་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཞིག་འདུག་པ་དེས་རིགས་མཉམ་པ་ལས་ཆུང་མ་
D6.010.0041b04.01བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེས་རྩེ་བ་དང་། དགའ་བ་དང་། དགའ་མགུར་སྤྱད་པས་དུས་གཞན་ཞིག་ན་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །ཚེ་དང་ལྡན་པ་ཤཱ་རིའི་བུ་སེམས་ཅན་དེ་གདུལ་བ་ལ་ལྟོས་པས་དེའི་
D6.010.0041b05.01ཁྱིམ་དུ་སོང་སྟེ། ཁྱིམ་བདག་རང་བཞིན་བཟང་པོ་དེ་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཞག་ནས་དུས་དུས་སུ་དེའི་གན་དུ་འགྲོའོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་ཤཱ་རིའི་བུ་ཕྱི་བཞིན་འབྲང་བའི་དགེ་སྦྱོང་མེད་པར་གཅིག་པུ་སོང་བ་དང་། ཁྱིམ་བདག་གིས་སྨྲས་པ། འཕགས་
D6.010.0041b06.01པ་ཅི་ཁྱོད་ལ་ཕྱི་བཞིན་འབྲང་བའི་དགེ་སྦྱོང་མ་མཆིས་སམ། དེས་སྨྲས་པ། བཞིན་{བཟངས་,བཟང་}ཅི་ཁོ་བོའི་ཕྱི་བཞིན་འབྲང་བའི་དགེ་སྦྱོང་རྩྭ་ཀ་ཤའི་ཁྲོད་དང་། ཀུ་ཤའི་ཁྲོད་ནས་འོང་ངམ། ཁྱོད་ལྟ་བུ་ལས་འཐོབ་པར་འགྱུར་བ་གང་དག་ཡིན་པ་དེ་དག་ཁོ་བོའི་ཕྱི་བཞིན་འབྲང་བའི་དགེ་སྦྱོང་ཁོ་ནར་འགྱུར་
D6.010.0041b07.01