完整藏文原文 · 德格版页 当前仅加载第 10 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་ཅན་ཡིན་པས་གནང་བར་འགྱུར་རོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་སྦྲང་ཡབ་བཅང་བར་བྱའོ། །བཅོམ་ལྡན་འདས་ཀྱིས་སྦྲང་ཡབ་བཅང་བར་བྱའོ་ཞེས་བཀའ་སྩལ་པ་དང་། དྲུག་
D6.010.0061b01.01སྡེ་རྣམས་ཀྱིས་ཡུ་བ་གསེར་དང་། དངུལ་དང་། བཻ་ཌཱུརྱ་དང་། ཤེལ་ལས་བྱས་པ་དང་། རྔ་མ་ལས་བྱས་པའི་སྦྲང་ཡབ་དག་ཉེ་བར་གཞག་པ་དང་། བྲམ་ཟེ་དང་། ཁྱིམ་བདག་རྣམས་ཞེས་བྱ་བའི་བར་སྔ་མ་བཞིན་ནོ། །སྦྲང་ཡབ་ནི་ལྔ་སྟེ། བལ་ལས་བྱས་པ་དང་། ཤ་ན་ལས་བྱས་པ་
D6.010.0061b02.01དང་། རས་བལ་ལས་བྱས་པ་དང་། རས་མ་དང་། ལོ་མ་སྦམས་པའོ།། །།སྡོམ་ནི། གོས་མདུད་པ་དང་ལུས་དང་ནི། །ཁར་བ་དྲ་བ་འཆང་བ་དང་། །སྒོག་སྐྱ་དག་ནི་བཀག་པ་དང་། །ནད་པ་ལ་ནི་གནང་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་
D6.010.0061b03.01མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་སྟོངས་མོ་བྱའོ་ཞེས་བཀའ་སྩལ་པ་དང་། དེ་ན་དགེ་སློང་གཅིག་སྐས་ལ་འཛེག་པ་ན་འོག་ན་ཤིང་མཁན་ཞིག་འདུག་པ་དེས་དེ་མདོམས་དང་བ་མཐོང་ནས་སྨྲས་པ། འཕགས་པ་ཁྱོད་སྐྱེས་པའི་དབང་པོ་དང་ལྡན་
D6.010.0061b04.01པས་བདག་གིས་ཕོ་ལགས་པར་གདོད་འཚལ་ལོ། །དེ་གནོང་ནས་ཅང་མི་སྨྲ་བར་འདུག་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་གོས་མདུད་པ་མ་བོར་བ་ཉིད་དུ་སྐས་ལ་འཛེག་པ་ལས་
D6.010.0061b05.01གྱུར་གྱིས་དེའི་ཕྱིར་དགེ་སློང་མཁར་ལེན་བྱེད་པ་གོས་མདུད་པ་བོར་ནས་མཁར་ལེན་བྱེད་དུ་གཞུག་གོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་སྟོངས་མོ་བྱེད་པས་གོས་མདུད་པ་བོར་ནས་མཁར་ལེན་བྱའོ། །བཅོམ་ལྡན་འདས་ཀྱིས་དགེ་སློང་གིས་
D6.010.0061b06.01གོས་མདུད་པ་བོར་ནས་མཁར་ལེན་བྱའོ་ཞེས་བཀའ་སྩལ་པ་དང་། དགེ་སློང་རྣམས་གོས་མདུད་པ་བོར་ནས་མཁར་ལེན་བྱེད་པ་ན་མ་དད་པ་རྣམས་འཕྱ་སྟེ། འཕགས་པ་ཅི་སྟོབས་འགྱེད་དམ། དེ་དག་གིས་སྨྲས་པ། བཞིན་{བཟངས་,བཟང་}དག་མཁར་ལེན་བྱེད་དོ། །དེ་དག་ཅང་མི་སྨྲ་བར་འདུག་པའི་
D6.010.0061b07.01