完整藏文原文 · 德格版页 当前仅加载第 10 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བྲལ་བ་འདི་དག་ལྟ་བུ་ག་ལ་ཡོད་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་གོས་གཅིག་གོན་པ་ལས་གྱུར་གྱིས་དེ་བས་ན་དགེ་སློང་གིས་གོས་གཅིག་
D6.010.0055a01.01དང་ཟན་བཟའ་བར་མི་བྱའོ། །ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གོས་གཅིག་དང་ཟན་བཟའ་བར་མི་བྱའོ་ཞེས་བཀའ་སྩལ་པ་དང་། རྒན་པོ་རྒན་ཏེ་ཉམ་ཆུང་བ་དང་། ནད་པ་སྦྱོར་མི་བཟོད་པ་དག་ཆོས་གོས་རྣམས་གྱོན་ཏེ་ཟན་བཟའ་བར་མི་ནུས་ནས།
D6.010.0055a02.01བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་རྔུལ་ཟན་འཇམ་པོ་དང་། ཟན་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །འོན་ཀྱང་གཞན་དག་ཅིག་གིས་མ་ནུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཕྱོགས་དབེན་པར་བཟའ་བར་བྱ་སྟེ། འདི་
D6.010.0055a03.01ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ཆུ་བོ་དྲེགས་ལྡན་ལ་གཅེར་བུར་ཁྲུས་བྱེད་པ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་དྲིས་པ། ཤེས་ལྡན་དག་
D6.010.0055a04.01གཅེར་བུ་པ་ཁྲུས་བྱེད་པ་འདི་དག་སུ་ཞིག་གཞན་དག་གིས་སྨྲས་པ། དགེ་སློང་ཤཱཀྱའི་བུ་ཡིན་ནོ། །དེ་དག་འཕྱ་ཞིང་ཤེས་ལྡན་དག་སྟོན་པ་ངོ་ཚ་ཤེས་པ་དང་ལྡན་པ་དེ་ལྟ་བུ་ལ་ངོ་ཚ་ཤེས་པ་དང་ཁྲེལ་ཡོད་པ་དང་བྲལ་བ་འདི་ལྟ་བུ་དག་ག་ལ་ཡོད་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་
D6.010.0055a05.01ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་སྒྲེན་མོར་ཁྲུས་བྱེད་པ་ལས་གྱུར་གྱིས་དེ་ལྟ་བས་ན་དགེ་སློང་གིས་སྒྲེན་མོར་ཁྲུས་མི་བྱའོ། །བྱེད་ན་འགལ་ཚབས་ཅན་དུ་འགྱུར་རོ། །འོན་ཀྱང་ཁྲུས་རས་བཅང་
D6.010.0055a06.01བར་བྱའོ། །བཅོམ་ལྡན་འདས་ཀྱིས་ཁྲུས་རས་བཅང་བར་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཉིས་སྦྱར་འཆང་ནས། བཅོམ་ལྡན་འདས་ཀྱིས་བཀའ་སྩལ་པ། ཆིག་རྐྱང་བཅང་བར་བྱ་སྟེ། གང་ལ་ཉིས་སྦྱར་ཡོད་པ་དེས་ནི་ཆུ་བརྟགས་ལ་བཀྲུ་བར་བྱའོ། །ཆོས་གོས་
D6.010.0055a07.01