'dul ba phran tshegs kyi gzhi/
当前为德格木刻版 136a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 136a
- 可引用原文
- 7 行
- 全文规模
- 全经 8970 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 10 函 · 德格 136a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དགའ་བོ་ཞག་བདུན་པ་ཉི་ཤུ་རྩ་བརྒྱད་པ་ལ་ནི་མངལ་ན་གནས་པ་དེས་མའི་མངལ་གྱི་ནང་དུ་ཕྱིན་ཅི་ལོག་གི་འདུ་ཤེས་བརྒྱད་པོ་ཁྱིམ་གྱི་འདུ་ཤེས་དང་། བཞོན་པའི་འདུ་ཤེས་དང་། སྐྱེད་མོས་ཚལ་གྱི་འདུ་ཤེས་དང་། ཁང་པ་བརྩེགས་པའི་འདུ་ཤེས་དང་། ཀུན་དགའ་ར་བའི་འདུ་ཤེས་དང་། ཁྲིའི་འདུ་ཤེས་དང་། ཆུ་བོའི་འདུ་ཤེས་དང་། རྫིང་བུའི་འདུ་ཤེས་ཐོབ་པར་འགྱུར་རོ། །དགའ་བོ་ཞག་བདུན་པ་ཉི་ཤུ་རྩ་དགུ་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་རླུང་ཡང་དག་སྐྱེད་པ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ཀྱི་པགས་པའི་
མདོག་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ་དེ་ལ་ཁ་ཅིག་གི་པགས་པའི་མདོག་ནི་ལས་ཀྱི་རྣམ་པར་སྨིན་པས་ནག་པོ། ཁ་དོག་ནག་པོ། ནག་པོ་ལྟ་བུར་སྟོན་པ། འོད་ནག་པོ་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །ཁ་ཅིག་གི་པགས་པའི་མདོག་ནི་སྔོ་བསངས། ཁ་དོག་སྔོ་བསངས། སྔོ་བསངས་ལྟ་བུར་སྟོན་པ། འོད་སྔོ་བསངས་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །ཁ་ཅིག་གི་པགས་པའི་མདོག་ནི་རྩུབ་པ། ཁ་དོག་རྩུབ་པ། རྩུབ་པ་ལྟ་བུར་སྟོན་པ། འོད་རྩུབ་པོ་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་
བྱེད་དོ། །དེ་བཞིན་དུ་ཁ་ཅིག་གི་མདོག་སྣུམ་པ་དང་། དཀར་པོ། ཁ་དོག་དཀར་པོ་ཞེས་བྱ་བ་ལ་སོགས་པ་སྔ་མ་བཞིན་ནོ། །ཁ་ཅིག་གི་པགས་པའི་མདོག་ནི་རྩྭ་དཱུར་བའི་ཤུན་པའི་མདོག་ལྟ་བུ། མདོག་རྩྭ་དཱུར་བའི་ཤུན་པའི་ལྟ་བུ། མདོག་རྩ་དཱུར་བའི་ཤུན་པའི་མདོག་ལྟ་བུར་སྟོན་པ། རྩྭ་དཱུར་བའི་ཤུན་པའི་མདོག་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ་ཞག་བདུན་པ་སུམ་བཅུ་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་རླུང་ལྕགས་ཀྱི་སྒོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་སྐྲ་དང་སྤུ་དང་སེན་མོའི་བར་ཡོངས་སུ་བྱང་བར་བྱེད། རབ་ཏུ་དང་
བར་བྱེད་ཅིང་། ཁ་ཅིག་གི་ནི་སྐྲ་དང་སྤུ་དང་སེན་མོའི་བར་གནག་པ། ཁ་དོག་གནག་པ། ཁ་ཅིག་གི་ནི་སེར་སྐྱ། ཁ་དོག་སེར་སྐྱ། རྩུབ་པ། ཁ་དོག་རྩུབ་པ། སྣུམ་པ་ཁ་དོག་སྣུམ་པ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ་ཞག་བདུན་པ་སུམ་བཅུ་རྩ་གཅིག་པ་ལ་ནི་མངལ་ན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D6
- 德格版页
- 136a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0006 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。