完整藏文原文 · 德格版页 当前仅加载第 10 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །དགེ་སློང་ལྷམ་མ་ཕུད་པར་ཟན་ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ལྷམ་མ་ཕུད་པར་ཟན་བཟའ་བར་མི་བྱའོ་ཞེས་བཀའ་སྩལ་ནས། དགེ་སློང་དག་གིས་ལྷམ་ཕུད་དེ་ཟན་ཟ་བར་བརྩམས་པ་དང་། དེ་དག་ན་བར་གྱུར་པའི་སྐབས་
D6.010.0227b01.01དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ནད་པ་གང་དག་ཡིན་པ་དེ་དག་གིས་ནི་མ་ཕུད་པར་ཟན་བཟའ་བར་བྱ་སྟེ་འདི་ལ་འགྱོད་པར་མི་བྱའོ།། །།སྡོམ་ནི། ལྷུང་བཟེད་མེད་དང་གྲགས་པ་དང་། །དབྱར་
D6.010.0227b02.01གནས་པ་དང་གནས་མེད་དང་། །ལོ་ལྔ་རྙེད་པ་གཅིག་པ་དང་། །གློ་དང་རྒྱབ་དང་རྐེད་པ་མགོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཉེ་དགའ་བོས་གཅིག་ཅིག་རབ་ཏུ་ཕྱུང་བ་དེ་ལ་
D6.010.0227b03.01སྔ་ནས་ལྷུང་བཟེད་ཉེ་བར་མ་བཞག་གོ། །ཇི་ཙམ་ན་དགེ་སློང་རྣམས་ཟས་ཀྱི་དུས་ལ་བབ་སྟེ་རང་རང་གི་ལྷུང་བཟེད་དག་བཀྲུས་ནས་ལྷུང་བཟེད་ཀྱི་གཞི་ལ་བཞག་སྟེ་མཆོད་རྟེན་ལ་ཕྱག་འཚལ་དུ་དོང་བ་དང་། དེས་བསམས་པ། ལྷུང་བཟེད་འདི་དག་མང་མོ་ཞིག་འདུག་པས་གདོན་མི་ཟ་བར་
D6.010.0227b04.01གང་གང་གིས་ཇི་ལྟར་བླངས་པ་དེས་ཟོས་ཤིང་ཟོས་ནས་འདི་ཉིད་དུ་འཇོག་གོ། །དེ་ལྟ་བས་ན་རེ་ཞིག་བདག་གིས་ཀྱང་བླངས་ལ་སླར་བཞག་གོ་སྙམ་ནས་དེས་གནས་བརྟན་ཀུན་ཤེས་ཀཽཎྜི་ནྱའི་ལྷུང་བཟེད་བླང་བར་བརྩམས་པ་དང་། གཞན་ཞིག་གིས་དེ་ལ་སྨྲས་པ། ཚེ་དང་ལྡན་པ་ལྷུང་བཟེད་
D6.010.0227b05.01འདི་ནི་གནས་བརྟན་ཀུན་ཤེས་ཀཽཎྜི་ནྱའི་ཡིན་གྱིས་འདི་མ་ལེན་ཅིག །དེས་དེ་བཞག་ནས་ཚེ་དང་ལྡན་པ་རྟ་ཐུལ་དང་། བཟང་པོ་དང་། རླངས་པ་དང་། མིང་ཆེན་དང་། གང་པོ་དང་། དྲི་མ་མེད་པ་དང་། བ་ལང་བདག་དང་། ལག་{བཟངས་,བཟང་}དང་། དགེ་སློང་གཞན་དག་ཅིག་གི་ལྷུང་བཟེད་དག་བླང་
D6.010.0227b06.01བར་བརྩམས་པ་དང་། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཁྱོད་ལ་ལྷུང་བཟེད་མེད་ན་ལྷུང་བཟེད་མེད་པ་ཁྱོད་སུས་རབ་ཏུ་ཕྱུང་། དེས་སྨྲས་པ། མཁན་པོ་ཉེ་{དགའས་,དགས་}སོ། །དགེ་སློང་རྣམས་འཕྱ་བར་བྱེད་དེ་གནས་ངན་ལེན་ཀུན་ཏུ་སྤྱོད་པ་དེ་མ་ཡིན་པ་གཞན་སུ་ཞིག་གིས་ལྷུང་
D6.010.0227b07.01