完整藏文原文 · 德格版页 当前仅加载第 10 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུད་བསྒོས་པས་དེ་ཉིད་ཀྱི་ཉིན་པར་ནས་ན་བར་གྱུར་ཏེ། དེས་བསམ་པ། ཚེ་དང་ལྡན་པ་མཽད་གལ་གྱི་བུ་ཆེན་པོ་ཡོངས་སུ་མྱ་ངན་ལས་འདའ་ན་བདག་ཅི་སྟེ་འདུག །བདག་ཆེས་སྔར་མྱ་ངན་ལས་འདའ་བར་བྱའོ་སྙམ་དུ་བསམས་ཏེ། རྒྱལ་པོའི་ཁབ་ནས་གྲོང་ན་ལ་དར་
D6.010.0240b01.01སོང་སྟེ། དེ་ནས་ཚེ་དང་ལྡན་པ་ཤཱ་རིའི་བུ་ཡུལ་མ་ག་དྷཱའི་གྲོང་ཁྱེར་ན་ལ་ད་ན་རིམ་གྲོ་པ་དགེ་སྦྱོང་གི་ཆེད་སྐུལ་བྱེད་དང་། ནད་ཚབས་ཆེན་པོས་མི་བདེ་ཞིང་སྡུག་བསྔལ་ཏེ་འདུག་གོ། །དེ་ནས་ཚེ་དང་ལྡན་པ་ཤཱ་རིའི་བུ་ནད་དེ་ཉིད་ཀྱིས་ཡོངས་སུ་མྱ་ངན་ལས་འདས་པ་དང་།
D6.010.0240b02.01ཚེ་དང་ལྡན་པ་མཽད་གལ་གྱི་བུ་ཆེན་པོ་ཡང་གྲོང་ཁྱེར་ཤིང་ཐགས་ཅན་དུ་སོང་ནས། དེའི་ཕྱི་དྲོ་ཡོངས་སུ་མྱ་ངན་ལས་འདས་སོ། །གང་གི་ཚེ་ཚེ་དང་ལྡན་པ་ཤཱ་རིའི་བུ་ཡོངས་སུ་མྱ་ངན་ལས་འདས་པ་དེའི་ཚེ། དགེ་སློང་ཕལ་ཆེར་དབང་དང་ལྡན་པ་ཤ་སྟག་ལ་བརྒྱད་ཁྲི་ཡོངས་
D6.010.0240b03.01སུ་མྱ་ངན་ལས་འདས་སོ། །གང་གི་ཚེ་ཚེ་དང་ལྡན་པ་མཽད་གལ་གྱི་བུ་ཆེན་པོ་ཡོངས་སུ་མྱ་ངན་ལས་འདས་པ་དེའི་ཚེ། ཡང་དགེ་སློང་ཕལ་ཆེར་དབང་དང་ལྡན་པ་ཤ་སྟག་ལ་བདུན་ཁྲི་བདུན་སྟོང་ཡོངས་སུ་མྱ་ངན་ལས་འདས་སོ། །དེ་ནས་དགེ་སྦྱོང་གི་ཆེད་སྐུལ་བྱེད་
D6.010.0240b04.01ཀྱིས་ཚེ་དང་ལྡན་པ་ཤཱ་རིའི་བུའི་རིང་བསྲེལ་ལ་ལུས་ཀྱིས་མཆོད་པ་བྱས་ཏེ། རིང་བསྲེལ་དང་། ལྷུང་བཟེད་དང་། ཆོས་གོས་དག་ཁྱེར་ནས། རྒྱལ་པོའི་ཁབ་ག་ལ་བ་དེར་རྒྱུ་ཞིང་སོང་སྟེ་རིམ་གྱིས་རྒྱུ་ཞིང་སོང་བ་ན་རྒྱལ་པོའི་ཁབ་ཏུ་ཕྱིན་ཏོ། །དགེ་སྦྱོང་གི་ཆེད་སྐུལ་བྱེད་ལྷུང་
D6.010.0240b05.01བཟེད་དང་ཆོས་གོས་ཆམ་དུ་ཕབ་ནས། རྐང་པ་གཉིས་བཀྲུས་ཏེ། ཚེ་དང་ལྡན་པ་ཀུན་དགའ་བོ་གང་ན་བ་དེར་སོང་སྟེ་ཕྱིན་པ་དང་། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་དགེ་སྦྱོང་
D6.010.0240b06.01གི་ཆེད་སྐུལ་བྱེད་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོས་མཁྱེན་པར་མཛོད་ཅིག །བདག་གི་མཁན་པོ་བཙུན་པ་ཤཱ་རིའི་བུ་ནི་ཡོངས་སུ་མྱ་ངན་ལས་འདས་ཏེ། དེའི་རིང་བསྲེལ་དང་། ལྷུང་བཟེད་དང་། ཆོས་གོས་ཀྱང་
D6.010.0240b07.01