完整藏文原文 · 德格版页 当前仅加载第 10 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ཅིག་ནི་ཡུལ་གཞན་དུ་འགྲོ། །ཁ་ཅིག་ནི་བསྟན་པ་ལས་འདའ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་དེ་སྡུམས་བྱེད་པའི་དགེ་སློང་བསྐོ་བར་བྱའོ། །དེ་དག་གིས་མི་མཁས་པ་བསྐོས་ཏེ། དེ་སོང་ནས་ཚེ་དང་ལྡན་པ་ཁྱོད་ཀྱི་མཁན་པོ་ན་རེ་ཚུར་སྤྱོན་བཟོད་པ་
D6.010.0170b01.01མཛོད་ཅིག་ཅེས་ཟེར་རོ་ཞེས་བྱས་པ་དང་། དེ་ཇེ་ཁེངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་རང་གི་བློ་གྲོས་ཀྱིས་སྡུམས་བྱེད་པའི་མཁས་པ་བསྐོ་བར་བྱའོ། །ཐམས་ཅད་ལ་ཁྱད་པར་མེད་པར་བཟོད་པ་གསོལ་བས་དེ་དག་དགེ་བའི་ཆོས་མི་འཕེལ་
D6.010.0170b02.01ཞིང་གསར་བུ་གཞན་དག་ཀྱང་བསྟན་པ་ལས་གྱེད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པ་ལ་བཟོད་པ་གསོལ་བར་བྱ་སྟེ། དད་པ་ཅན་དང་བརྩོན་འགྲུས་བརྩམས་པ་དང་། གུས་པ་དང་བཀའ་བློ་བདེ་བ་དང་དགེ་བའི་བཤེས་གཉེན་ཅན་ནོ། །
D6.010.0170b03.01དགེ་སློང་དག་གང་ཞིག་ཆོས་ལྔ་ཅར་ལྡན་པ་དེ་ལ་བཟོད་པ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་དེ་དག་ལས་གང་ཡང་རུང་བ་ཞིག་དང་ལྡན་པ་དེ་ལ་བཟོད་པ་གསོལ་བར་བྱའོ། །དགེ་སློང་ཐུལ་གཞུག་པར་མི་འོས་པ་ཐུལ་འཇུག་ན་འགལ་ཚབས་ཅན་དུ་
D6.010.0170b04.01འགྱུར་རོ། །ཐུལ་གཞུག་པར་འོས་པ་ཐུལ་མི་འཇུག་ན་འགལ་ཚབས་ཅན་དུ་འགྱུར་རོ། །བཟོད་པ་གསོལ་བར་འོས་པ་ལ་བཟོད་པ་མི་གསོལ་ན་འགལ་ཚབས་ཅན་དུ་འགྱུར་རོ། །བཟོད་པ་གསོལ་བར་མི་འོས་པ་ལ་བཟོད་པ་གསོལ་ན་འགལ་ཚབས་ཅན་དུ་འགྱུར་རོ། །དེ་ལ་ཆོས་གོང་མ་ལྔ་ལས་གང་ཡང་
D6.010.0170b05.01རུང་བ་ཞིག་དང་ལྡན་པ་བཟོད་པ་གསོལ་ཏེ། གལ་ཏེ་སེམས་ངད་ལྡང་བར་འགྱུར་བ་ལྟ་ན་བཟོད་པ་གསོལ་བར་བྱའོ། །སེམས་ངད་མི་ལྡང་བ་ལྟ་ན་བཟོད་པ་གསོལ་བར་མི་བྱའོ། །གང་ཞིག་ཆོས་ལྔ་ཅར་དང་ལྡན་པ་དེ་ལ་ནི་བཟོད་པ་གསོལ་བར་མི་བྱ་བ་ཉིད་དེ། བཟོད་པ་གསོལ་བར་བྱེད་ན་འགལ་ཚབས་ཅན་དུ་འགྱུར་
D6.010.0170b06.01རོ། །གང་ཞིག་བཟོད་པ་མི་བྱེད་པ་དེ་གལ་ཏེ་དགེ་ཚུལ་ཡིན་ན་ཆུ་ཚགས་དང་། རིལ་བ་དང་སྟོད་གཡོགས་དང་། སྨད་གཡོགས་བཅས་པ་བྱིན་ཏེ་བསྐྲད་པར་བྱའོ། །འོན་ཏེ་བསྙེན་པར་རྫོགས་པའམ་བསྙེན་པར་རྫོགས་པར་འདོད་པ་ཞིག་ཡིན་ན་ཡོ་བྱད་ལྔ་བྱིན་ཏེ་བསྐྲད་པར་བྱའི་སྒྲེན་མོར་ནི་མི་བྱའོ།། །།
D6.010.0170b07.01