完整藏文原文 · 德格版页 当前仅加载第 10 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
དྲུབས་ཤིག་ཅེས་གསུངས་པ་དང་། ལྕི་བ་མ་རྙེད་ནས། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེར་ཆག་ཆག་བཏབ་ཅིང་ཕྱགས་ཏེ་དྲུབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་
D6.010.0159b01.01དགའ་ར་བ་ན་བཞུགས་སོ། །དགེ་སློང་དག་གིས་ཁྲིའི་རྐང་པ་རྣོན་པོར་བྱས་པ་དང་། དེ་དག་གིས་ས་བསྟར་བ་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཁྲིའི་རྐང་པ་རྣོན་པོར་མི་བྱའི་འོན་ཀྱང་ཟླུམ་པོར་གཅད་པར་བྱའོ། །འོན་ཀྱང་མ་རུང་པར་གྱུར་
D6.010.0159b02.01ནས་བཅོམ་ལྡན་འདས་ཀྱིས་བཀའ་སྩལ་པ། ཕུབ་མའི་ཐུམ་པོ་ལ་གཞག་གམ། རས་མས་དཀྲི་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་
D6.010.0159b03.01འདུག་པ་དེ་དགོས་པ་ཞིག་གི་ཕྱིར་ཕྱི་རོལ་དུ་བྱུང་ནས་དེ་དེ་དང་དེ་དག་ཏུ་འཁྱམ་པ་ལས་ཉི་མ་ཕྱེད་ཀྱི་དུས་ཀྱི་ཚེ་ཡོངས་སུ་ངལ་ནས་རྒྱལ་བྱེད་ཀྱི་ཚལ་དུ་ཞུགས་པ་དང་། དེས་དེ་ན་སྟན་བཟང་པོ་བཤམས་པ་དང་། ཁ་ཟས་བསོད་པར་སྦྱར་བ་མཐོང་ངོ་། །དེས་མཐོང་ནས་མངོན་
D6.010.0159b04.01པར་དད་དེ། དེས་ཆེན་པོ་ལ་འོས་པའི་གོས་གྱོན་པ་དེ་དེས་གདིང་བའི་ཕྱིར་རྒན་པའི་མཐའ་ལོགས་སུ་གོས་དེ་ཕུལ་ལོ། །དེ་དུས་གཞན་ཞིག་ན་དྲི་མ་ཅན་དུ་གྱུར་ནས་དགེ་སྐོས་ཀྱིས་གཞོན་པའི་མཐའ་ལོགས་སུ་བཏིང་ངོ་། །རེ་ཞིག་ཅིག་ན་བྲམ་ཟེ་དེ་གཙུག་ལག་ཁང་དུ་ཞུགས་
D6.010.0159b05.01པ་དང་། དེས་གོས་དེ་རྒན་པའི་མཐའ་ལོགས་ན་མི་སྣང་ནས་དེ་རིམ་གྱིས་ལྟ་ཞིང་གཞོན་པའི་མཐའ་ལོགས་སུ་སོང་བ་དང་། ཇི་ཙམ་ན་དྲི་མ་ཅན་དུ་གྱུར་ནས་གཞོན་པའི་མཐར་བཏིང་བ་མཐོང་སྟེ། དེས་བསམས་པ། གོས་འདི་སར་པ་ཆེན་པོ་ལ་འོས་པ་ཡིན་ན། གང་གིས་
D6.010.0159b06.01འདི་ལྟ་བུའི་གནས་སྐབས་སུ་གྱུར་པ་འདི་ལ་རྒྱུ་གང་ཡིན་རེ་ཞིག་བལྟའོ་སྙམ་ནས་ཅུང་ཞིག་བསྡད་པ་དང་། ཇི་ཙམ་ན་དགེ་སྐོས་ཀྱིས་གདན་རིམ་བཞིན་བཤམས་ནས་ཕྱག་དར་བྱ་བར་བརྩམས་པ་དང་། དེས་བསམས་པ། གང་གིས་གོས་འདི་དྲི་མ་ཅན་དུ་གྱུར་པ་འདི་ལ་
D6.010.0159b07.01