完整藏文原文 · 德格版页 当前仅加载第 10 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མི་བྱའོ། །བཅོམ་ལྡན་འདས་ཀྱིས་དགེ་སློང་ཤིང་སྐྱེད་པར་བྱེད་པས། ཇི་སྲིད་དུ་མེ་ཏོག་དང་འབྲས་བུ་མ་ཆགས་པ་དེ་སྲིད་དུ་འགྲོ་བར་མི་བྱའོ་ཞེས་བཀའ་སྩལ་པ་དང་། དགེ་སློང་རྣམས་ལ་བྱ་བ་རིངས་པ་དག་ཅིག་བྱུང་སྟེ། དེ་དག་གིས་ཇི་ལྟར་བསྒྲུབ་པ་
D6.010.0235a01.01མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཀུན་དགའ་ར་བ་པའམ། དགེ་སློང་སྨོས་འདྲིན་ལ་བཅོལ་ནས་འགྲོ་བར་བྱ་སྟེ་འདི་ལ་འགྱོད་པར་མི་བྱའོ། །གླེང་གཞི་ནི་རྒྱལ་པོའི་ཁབ་ནའོ། །རྒྱལ་པོ་ས་འཛིན་གྱིས་རྒྱལ་པོ་གཟུགས་ཅན་སྙིང་པོ་
D6.010.0235a02.01ལ་ལ་བ་རིན་པོ་ཆེ་ཞིག་སྐྱེས་སུ་བསྐུར་བ་དང་། དེ་རྒྱལ་པོ་གཟུགས་ཅན་སྙིང་པོས་ཚེ་དང་ལྡན་པ་པི་ལིན་དའི་བུ་ལ་བྱིན་ནོ། །ཚེ་དང་ལྡན་པ་པི་ལིན་དའི་བུས་དེ་གྱོན་ནས་དགོན་པའི་གནས་སུ་སོང་སྟེ་འདུག་པ་དང་། རྐུན་པོ་རྣམས་ཀྱིས་རྒྱལ་པོ་ས་འཛིན་གྱིས་རྒྱལ་པོ་གཟུགས་
D6.010.0235a03.01ཅན་སྙིང་པོ་ལ་ལ་བ་རིན་པོ་ཆེ་ཞིག་བསྐུར་བ་དེ་དེས་འཕགས་པ་པི་ལིན་དའི་བུ་ལ་བྱིན་པ་དང་། དེས་དེ་གྱོན་ནས་དགོན་པའི་གནས་ཆེ་གེ་མོ་ཞིག་ན་འདུག་གོ་ཞེས་ཇི་ལྟ་བ་བཞིན་དུ་ཐོས་ནས་དེ་དག་ཕན་ཚུན་གྲོས་བྱ་བར་བརྩམས་པ། ཤེས་ལྡན་དག་དེ་སྐད་ཅེས་གྲག་ན་འདི་
D6.010.0235a04.01ལ་ཇི་ལྟར་བསྒྲུབ་པར་བྱ། ཁ་ཅིག་གིས་སྨྲས་པ། འདི་ལ་ཅི་ཞིག་བསྒྲུབ་ཏུ་ཡོད། ཚུར་དོང་ལ་དབྲོག་མོད། དེ་དག་དོང་སྟེ་སྒོ་ལ་དལ་གྱིས་བརྡུངས་པ་དང་། ཚེ་དང་ལྡན་པ་པི་ལིན་དའི་བུས་སྨྲས་པ། འདི་སུ་ཞིག །དེ་དག་གིས་སྨྲས་པ། འཕགས་པ་བདག་
D6.010.0235a05.01ཅག་ནི་རྐུན་པོའོ། །ཅི་འདོད། འཕགས་པ་ལ་བ་རིན་པོ་ཆེའོ། །བཞིན་{བཟངས་,བཟང་}དག་གལ་ཏེ་དེ་ལྟ་ན་སྐར་ཁུང་ནས་ལག་པ་རྐྱོང་ཤིག །དེ་ནས་གཅིག་ཅིག་གིས་ལག་པ་བརྐྱང་བ་དང་། ཚེ་དང་ལྡན་པ་པི་ལིན་དའི་བུས་ལ་བ་རིན་པོ་ཆེ་དེ་མ་འཆད་ཅིག །མ་
D6.010.0235a06.01འཚིག་ཅིག་འདྲེན་པ་ན་ཟད་པར་མ་གྱུར་ཅིག་ཅེས་དེ་ལྟར་བྱིན་གྱིས་བརླབས་ནས་སྐར་ཁུང་ནས་དེའི་ཕྱོགས་ཅིག་ཕྱུང་བ་དང་། རྐུན་པོ་རྣམས་ཀྱིས་དྲང་ཤིང་དྲང་ནས་ཕུང་པོར་བྱས་ཏེ་དྲངས་ནས་ཟད་དུ་མ་བཏུབ་ནས་དེ་དག་གིས་མཚོན་གྱིས་བཅད་པར་བརྩམས་ན་ཡང་མ་
D6.010.0235a07.01