完整藏文原文 · 德格版页 当前仅加载第 10 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་དག་བདེན་པ་མཐོང་ནས་བཅོམ་ལྡན་འདས་ཀྱི་ཞབས་ལ་གཏུགས་ཏེ་གསོལ་པ། བཙུན་པ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་ན།
D6.010.0178b01.01བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་འཚལ་ལོ། །བཅོམ་ལྡན་འདས་ཀྱིས་དེ་གཉིས་ལ་བྲན་བུ་དང་། སྐྱོང་བ་ཁྱེད་ཚུར་ཚངས་པར་སྤྱད་པ་སྤྱོད་ཅིག་ཅེས་དགེ་སློང་ཚུར་ཤོག་ཅེས་བྱ་བས་ཀུན་ཏུ་བཀའ་སྩལ་ཏོ། །བཅོམ་ལྡན་འདས་ཀྱིས་བཀའ་
D6.010.0178b02.01སྩལ་མ་ཐག་ཏུ་དེ་དག་སྐྲ་བྲེགས་པ་དང་། སྣམ་སྦྱར་གྱོན་པ་དང་། ལག་ན་ལྷུང་བཟེད་དང་། བྱ་མ་བུམ་ཐོགས་པ་དང་། སྐྲ་དང་ཁ་སྤུ་བྲེགས་ནས་ཞག་བདུན་ལོན་པ་ལྟ་བུ་དང་། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་
D6.010.0178b03.01ཏོ། །དེ་བཞིན་གཤེགས་པས་ཚུར་ཤོག་བཀའ་སྩལ་པས། །མགོ་བྲེགས་ལུས་ལ་སྣམ་སྦྱར་བགོས་གྱུར་ཅིང་། །མོད་ལ་དབང་པོ་རབ་ཏུ་ཞིར་གནས་ཏེ། །སངས་རྒྱས་དགོངས་པས་ལུས་ཀྱི་ཆ་ལུགས་བསྒྱུར།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་
D6.010.0178b04.01དྲུག་པ། བཅོམ་ལྡན་འདས་ཀྱིས་དེ་གཉིས་ལ་གདམས་ངག་གནང་བ་དང་། དེ་གཉིས་ཀྱིས་འབད་བརྩལ་བསྒྲིམས་པས་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་ལས་འདོད་ཆགས་དང་བྲལ་བ་སེམས་བོང་
D6.010.0178b05.01བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཉམ་པ། སྟེའུ་དང་ཙན་དན་དུ་མཚུངས་པ། མ་རིག་པའི་སྒོ་ངའི་སྦུབས་དྲལ་བ། རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་ལས་ཆགས་པ་དང་། བཀུར་
D6.010.0178b06.01སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དུ་བཅས་པའི་ལྷ་རྣམས་ཀྱིས་མཆོད་པ་དང་། རྗེད་པ་དང་། གུས་པར་སྨྲ་བར་བྱ་བར་གྱུར་ཏོ། །གང་གི་ཚེ་བཅོམ་ལྡན་འདས་ཀྱིས་བྲན་བུ་དང་། སྐྱོང་བ་དག་རབ་ཏུ་ཕྱུང་བ་དེའི་ཚེ་རྒྱལ་པོ་གསལ་རྒྱལ་བཅོམ་ལྡན་འདས་
D6.010.0178b07.01