完整藏文原文 · 德格版页 当前仅加载第 10 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
མགོན་མེད་ཟས་སྦྱིན་ལ་གནང་སྟེ། རྩིག་པ་རི་མོ་བྲི་བར་བྱའོ་ཞེས་བཀའ་སྩལ་པ་དེ་ཚོན་སྣ་དུ་ཞིག་གིས་བྲི་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱིམ་བདག་མགོན་མེད་ཟས་སྦྱིན་གྱིས་མ་ཤེས་པ་དེ་ཁྱེད་ཀྱིས་དྲིས་པ་ལེགས་
D6.010.0192a01.01སོ་ལེགས་སོ། །ཚོན་སྣ་བཞི་པོ་སྔོན་པོ་ཐམས་ཅད་དང་། སེར་པོ་ཐམས་ཅད་དང་། དམར་པོ་ཐམས་ཅད་དང་། དཀར་པོ་ཐམས་ཅད་ཀྱིས་བྲི་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་བདུན་པ། སྡོམ་ནི། མཁར་ལེན་པ་ཡི་སྤྱད་དག་
D6.010.0192a02.01དང་། །བུ་ག་ཅན་གྱི་ཁྲིའུ་དང་ནི། །ཕྱག་དང་སྐྲ་རྣམས་བཟེད་པ་དང་། །ཕྲེང་བ་ཁབ་དང་ཚར་མའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་
D6.010.0192a03.01གནས་པ་དེའི་ཁྱིམ་དུ་བསོད་སྙོམས་པ་ཞིག་དུས་དུས་སུ་འོང་ཞིང་དེས་དེ་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཞག་གོ། །དུས་གཞན་ཞིག་ན་དེ་ལ་རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་གྱི་བསྔགས་པ་བརྗོད་པ་དང་། དེས་སྨྲས་པ། འཕགས་
D6.010.0192a04.01པ་བདག་གིས་རྫས་ལས་བྱུང་བའི་བསོད་ནམས་བྱ་བའི་དངོས་པོ་གང་ཡང་རུང་བ་ཞིག་བགྱིའོ། །བསོད་སྙོམས་པས་སྨྲས་པ། ཁྱིམ་བདག་ལེགས་ཀྱིས་དེ་བཞིན་དུ་གྱིས་ཤིག །འཕགས་པ་ཅི་ཞིག་བགྱི། ཁྱིམ་བདག་དགེ་འདུན་གྱི་གཙུག་ལག་ཁང་གྱིས་ཤིག །
D6.010.0192a05.01འཕགས་པ་བདག་ལ་ཀཱར་ཥཱ་པ་ཎ་དག་ནི་མཆིས་ན། འོན་ཀྱང་ཆོས་ཀྱི་གྲོགས་བགྱིད་པ་མ་མཆིས་སོ། །ཁྱིམ་བདག་ཀཱར་ཥཱ་པ་ཎ་དག་བྱིན་ཅིག་དང་། ཁྱོད་ཀྱི་ཆོས་ཀྱི་གྲོགས་ང་ཡིན་ནོ། །འཕགས་པ་ལེགས་ཀྱིས་ཀཱར་ཥཱ་པ་ཎ་འདི་རེ་ཞེས་དེས་དེ་ལ་ཀཱར་ཥཱ་པ་ཎ་དག་
D6.010.0192a06.01བྱིན་ནོ། །བསོད་སྙོམས་པ་དེས་བསམས་པ། འདི་ཕྱོགས་བཞིའི་ཚངས་པ་མཚུངས་པར་སྤྱོད་པ་རྣམས་ཀྱི་ནོར་ཡིན་པས་འདི་ལས་ཇི་ལྟར་སྤྱད་པར་བྱ། བཞག་ལ་རེ་ཞིག་གཞན་བསླང་བར་བྱའོ་སྙམ་ནས་དེས་ཀཱར་ཥཱ་པ་ཎ་མཛོད་དུ་བཅུག་སྟེ་བཞག་གོ། །ཇི་ཙམ་
D6.010.0192a07.01