完整藏文原文 · 德格版页 当前仅加载第 10 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱུར་བ་དང་། རྩུབ་པ་དང་། ལན་ཚྭ་དང་། ཚ་བ་དང་། བསྐ་བ་མེ་སྟག་ལྟ་བུ་དག་གིས་ནི་རེག །སྲིན་གྲོལ་མ་བཞིན་མི་གཙང་བའི་ཁུ་བས་ནི་གསོ། །མི་གཙང་བ་མྱགས་པ་རབ་ཏུ་འབར་བའི་འདམ་གྱི་ནང་དུ་ནི་སོང་། སྲོག་གི་དབང་པོ་ནི་མི་བརྟན། མའི་ལུས་ཀྱི་ནང་གི་མེས་ནི་ཀུན་ནས་གདུང་།
D6.010.0143a01.01ཀུན་དུ་གདུང་། ཡོངས་སུ་གདུང་། ཚ་ཀུན་དུ་ཚ། ཡོངས་སུ་ཚ། སྲེག་ཀུན་དུ་སྲེག །ཡོངས་སུ་སྲེག་ཅིང་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །ཇི་ལྟ་ཇི་ལྟར་དེའི་མ་གཡོ་བ་དང་། ཀུན་དུ་གཡོ་བ་དང་། ཡོངས་སུ་གཡོ་བ་དང་ཁུར་ལྕི་བ་ཁྱེར་
D6.010.0143a02.01རམ། ལུས་འཕྱང་བ་དེ་ལྟ་དེ་ལྟར་ཡང་དེ་བཅིང་བ་ལྔས་བཅིངས་པ་དང་། མེ་མ་མུར་གྱི་དོང་དུ་བཅུག་པ་ལྟ་བུར་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། དཔེ་བྱ་བར་དཀའ་བ་མྱོང་བར་འགྱུར་རོ། །དེ་དེ་ལྟར་མའི་མངལ་གྱི་གནས་ན་གནས་ཤིང་སྡུག་བསྔལ་གྱིས་
D6.010.0143a03.01ཉེན་ཀྱང་དབང་པོ་རྣོ་བའི་ཕྱིར་དྲན་པ་ཉམས་པར་མི་འགྱུར་རོ། །དེ་ལྟར་མའི་མངལ་ན་གནས་པ་རྣམས་ལ་ཡང་ཁ་ཅིག་ལ་སྔོན་གྱི་ལས་ཀྱི་རྒྱུ་དང་རྐྱེན་གྱི་དབང་གིས་མངལ་ལོག་པར་འགྱུར་ཞིང་། མངལ་ན་གནས་པ་ལ་མི་བདེ་བར་འགྱུར་རོ། །མས་བཟའ་བ་དང་བཏུང་བ་མི་མཐུན་པ་ཧ་ཅང་གྲང་བའམ། ཧ་ཅང་
D6.010.0143a04.01དྲོ་བའམ། ཧ་ཅང་སྐྱུར་བའམ། ཧ་ཅང་མངར་བའམ། ཧ་ཅང་ཁ་བ་འམ། ཧ་ཅང་ཚ་བའམ། ཧ་ཅང་བསྐ་བ་འམ། ཧ་ཅང་རྩུབ་པའམ། ཧ་ཅང་ལན་ཚྭ་ཆེ་བ་བསྟེན་པའམ། བཏུང་བས་མུས་བྱུང་བར་གྱུར་པའམ། སྐྱེས་པས་མུས་བྱུང་བར་གྱུར་པ་འམ། ནད་མང་བ་འམ། སྨྲ་བ་མང་བ་འམ།
D6.010.0143a05.01མྱ་ངན་མང་བའམ། ཆགས་ཆེས་པའམ། སྒྱེལ་བའམ། བརྒྱབ་པར་གྱུར་ན་རྒྱུ་དེ་དག་གིས་དེའི་ལུས་ལ་གནོད་པར་འགྱུར་རོ། །ལུས་ལ་གནོད་ན་དེ་ལ་བརྟེན་པ་མངལ་ན་གནས་པ་ལ་ཡང་གནོད་པར་འགྱུར་རོ། །དེ་དེ་ན་གནོད་ཅིང་ཤིན་ཏུ་སྡུག་བསྔལ་བས་ཉེན་པ་ན་འགུལ་ཏེ་འགུལ་བས་ལོག་
D6.010.0143a06.01པར་འགྱུར་རོ། །དེ་ནས་དེ་ཤེས་པའི་བུད་མེད་དམ། གཞོན་ནུ་གསོ་བ་ལ་མཁས་པས་ཆུ་འཇམ་ཙམ་དང་། མར་དཀར་དང་། འབྲུ་མར་གྱིས་ལག་པ་བྱུགས་ནས་ཆབ་ཁུངས་ལྟ་བུར་དྲི་ང་བ། མནམ་པ། མི་བཟད་པ། མུན་གནག །ལྗན་ལྗིན་གྱི་འདམ་ཅན། སྲིན་བུའི་རིགས་སྟོང་ཕྲག་ཤིན་ཏུ་མང་པོའི་
D6.010.0143a07.01