完整藏文原文 · 德格版页 当前仅加载第 10 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཁྱིམ་བདག་གཉིས་ཤིག་ཡང་ཏོག་ཏུ་འཛེགས་ཏེ་འདུག་པ་དང་། རྐུན་པོ་རྣམས་ཀྱིས་སྨྲས་པ། ཤེས་ལྡན་དག་གང་དག་འདིར་འཛེགས་པ་དེ་དག་བོབས་ཤིག །ཐམས་ཅད་ཀྱི་ཐམས་ཅད་དུ་མེད་པར་གྱུར་ཏ་རེ། དེ་གཉིས་ཀྱིས་སྨྲས་པ། ཇི་སྲིད་འཚོ་བ་དེ་སྲིད་དུ་མི་
D6.010.0096a01.01འབབས་སོ། །དེ་རྣམས་ཀྱིས་རྩྭ་དང་ཤིང་ཕལ་མོ་ཆེ་བཅེར་ནས་ཡང་ཏོག་དེ་མེ་བཏང་བ་དང་དེ་གཉིས་ཚ་བས་སྡུག་བསྔལ་བསྐྱེད་པས་གདུངས་ཏེ་འདི་ལྟ་བུ་སེམས་བསྐྱེད་དོ། །བདག་ཅག་ཉེས་པ་ཡང་མེད། གནོད་པ་བྱས་པ་ཡང་མེད་པར་འདི་རྣམས་ཀྱིས་བསད་པས་བདག་ཅག་ཀྱང་འདི་རྣམས་ཉེས་
D6.010.0096a02.01པ་ཡང་མེད། གནོད་པ་བྱས་པ་ཡང་མེད་པར་གསོད་པར་གྱུར་ཅིག །དགེ་སློང་དག་ཇི་སྙམ་དུ་སེམས། ཁྱིམ་བདག་གཉིས་པོ་གང་དག་ཡིན་པ་དེ་དག་ནི་འཕགས་སྐྱེས་པོ་དང་མ་ལ་གནོད་འདི་དག་ཁོ་ན་ཡིན་ནོ། །གཡོན་ཅན་ལྔ་བརྒྱ་པོ་གང་དག་ཡིན་པ་དེ་དག་ནི་ཤཱཀྱ་ལྔ་བརྒྱ་པོ་འདི་དག་ཁོ་ན་ཡིན་
D6.010.0096a03.01ཏེ། གང་འདི་རྣམས་ཆོམ་རྐུན་པར་གྱུར་པས་དེ་དག་ཉེས་པ་ཡང་མེད། གནོད་པ་བྱས་པ་ཡང་མེད་པར་སྲོག་དང་བྲལ་བའི་ལས་དེའི་རྣམ་པར་སྨིན་པས་ད་ལྟར་འཕགས་སྐྱེས་པོས་མ་ལ་གནོད་དང་བསྡོངས་ནས་ཤཱཀྱ་ལྔ་བརྒྱ་པོ་འདི་དག་ཉེས་པ་ཡང་མེད། གནོད་པ་བྱས་པ་ཡང་མེད་པར་སྲོག་
D6.010.0096a04.01དང་ཕྲལ་ལོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག་ལ་གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར། འདྲེན་མ་རྣམས་ཀྱི་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང་འདྲེན་མ་རྣམས་སྤངས་ནས་
D6.010.0096a05.01ལས་གཅིག་ཏུ་དཀར་བ་དག་ལ་བརྩལ་བར་བྱ་སྟེ། དགེ་སློང་རྣམས་ཀྱིས་དེ་ལྟ་བུ་ལ་བསླབ་པར་བྱའོ། །འཕགས་སྐྱེས་བོས་ཤཱཀྱ་རྣམས་དེ་ལྟར་བསད་ནས་མཉན་ཡོད་དུ་སོང་ངོ་། །དེ་ནང་དུ་ཞུགས་པ་དང་། རྒྱལ་པོའི་གཞོན་ནུ་རྒྱལ་བུ་རྒྱལ་བྱེད་སྟེང་གི་ཁང་{བཟངས་སུ་,བཟང་དུ་}སོང་ནས་སྐྱེས་པ་མེད་པར་
D6.010.0096a06.01རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ། འཕགས་སྐྱེས་པོས་མཐོང་ནས་དེས་སྨྲས་པ། ཤེས་ལྡན་དག་རྩེ་བའོ་ནི་སུ་ཞིག་བློན་པོ་རྣམས་ཀྱིས་སྨྲས་པ། གཞོན་ནུ་རྒྱལ་བུ་རྒྱལ་བྱེད་ལགས་སོ། །དེས་སྨྲས་པ། ཤེས་ལྡན་དག་དེ་བོས་ཤིག །དེ་རྣམས་
D6.010.0096a07.01