完整藏文原文 · 德格版页 当前仅加载第 10 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་ཏེ་བཞག་ལ། ད་གཟོད་རྔ་དེ་ཡང་བརྡུངས་ཟིན་ན་ཅི་བདག་ལ་མགོ་གཉིས་ཡོད་དམ་འགྲོའོ་ཞེས་དེ་དགའ་མགུར་མ་སྤྱད་པ་ཉིད་དུ་སོང་ངོ་། །རྒྱལ་པོས་དྲིས་པ། སྒྲོལ་མ་ཁྱོད་ཀྱིས་དགའ་མགུར་སྤྱད་དམ། དེས་སྨྲས་པ། ལྷ་དགའ་མགུར་མ་སྤྱད་དོ། །ཅིའི་ཕྱིར་ཞེས་བྱས་པ་དང་།
D6.010.0307a01.01དེས་ཇི་ལྟར་གྱུར་པ་བརྗོད་ནས་རྒྱལ་པོ་ཅང་མི་ཟེར་བར་འདུག་གོ། །ཡང་རྒྱལ་པོས་དེ་བཞིན་དུ་དྲིལ་བསྒྲགས་པ་དང་། ཀུན་ཏུ་རྒྱལ་པོ་གཏུམ་པོ་རབ་སྣང་གིས་བཙུན་མོའི་འཁོར་ཇི་ལྟར་འདོད་པ་བཞིན་དུ་སྐྱེས་བུ་ལོངས་སྤྱོད་དུ་བཏང་ངོ་ཞེས་སྒྲ་གྲགས་སོ། །ཀཽ་ཤཱམ་བཱིའི་རྒྱལ་པོ་ཤར་བའི་བུས་ཇི་
D6.010.0307a02.01ལྟར་རྒྱལ་པོ་གཏུམ་པོ་རབ་སྣང་གིས་བཙུན་མོའི་འཁོར་ཇི་ལྟར་འདོད་པ་བཞིན་དུ་སྐྱེས་བུ་ལོངས་སྤྱོད་དུ་བཏང་ངོ་ཞེས་ཐོས་སོ། །ཐོས་ནས་ཀྱང་སྦྱོར་བ་འཆང་ལ་སྨྲས་པ། སྦྱོར་བ་འཆང་རྒྱལ་པོ་གཏུམ་པོ་རབ་སྣང་གིས་བཙུན་མོའི་འཁོར་ཇི་ལྟར་འདོད་པ་བཞིན་དུ་སྐྱེས་བུ་ལོངས་སྤྱོད་དུ་བཏང་ངོ་
D6.010.0307a03.01ཞེས་གྲག་གིས། རྒྱལ་པོ་གཏུམ་པོ་རབ་སྣང་གི་བཙུན་མོའི་འཁོར་རྣམས་དང་ལྷན་ཅིག་དགའ་མགུར་སྤྱོད་དུ་འགྲོའོ། །དེས་སྨྲས་པ། ལྷ་རྒྱལ་པོ་གཏུམ་པོ་རབ་སྣང་ནི་ཁྱོད་ཀྱི་ཡུན་རིང་པོ་ནས་གསོད་པ་ཕྱིར་རྒོལ་བ་མི་མཛའ་བ་ལགས་པས་གལ་ཏེ་ལྷ་དེར་བཞུད་དེ་མཇལ་ན་གནོད་པ་བགྱིད་པའི་
D6.010.0307a04.01གནས་གང་ལགས་པ་དེ་མཆིས་སོ། །དེས་སྨྲས་པ། སྦྱོར་བ་འཆང་མི་རྣམས་ཀྱི་ནང་ན་མི་གཟུ་ལུམས་ཅན་དག་ཡོད་མོད་ཀྱི་འོན་ཀྱང་ཁྱོད་འདིར་འདུག་ཤིག་ང་ནི་འགྲོའོ་དེས་སྨྲས་པ། གལ་ཏེ་ལྷ་དེ་ལྟར་བཞེད་ན། ལྷ་བག་མི་མངའ་བ་ལགས་མོད་ཀྱི་འོན་ཀྱང་བག་མཛད་པའི་རིགས་སོ། །རྒྱལ་པོ་
D6.010.0307a05.01ཤར་པའི་བུ་ཡང་ཤིན་ཏུ་བུད་མེད་ལ་བརྐམ་ཆགས་ཅན་ཞིག་པས་དེས་དེའི་ཚིག་ཁྱད་དུ་བསད་ནས་འཕགས་རྒྱལ་དུ་སོང་བ་དང་། སྐྱ་བསེང་གི་བུ་མོ་དེས་དེ་གཟུགས་བཟང་ཞིང་བལྟ་ན་སྡུག་པ་མཛེས་པ་མཐོང་ངོ་། །དེས་དེ་མཐོང་ནས་སྨྲས་པ། རྒྱལ་རིགས་ཚུར་སྤྱོན་སྐྱ་བསེང་གི་བུ་མོ་སྒྲོལ་མ་
D6.010.0307a06.01དང་དགའ་མགུར་སྤྱད་པར་བགྱིའོ། །དེས་སྨྲས་པ། ལེགས་ཀྱིས་མལ་གྱིས་ཤིག །དེས་སྨྲས་པ། ཁྱོད་མལ་གྱིས་ཤིག་དེ་གཉི་ག་ཡང་དྲེགས་ཤིང་ང་རྒྱལ་གྱིས་ཁེངས་པས་རྒྱལ་པོ་ཤར་པའི་བུས་ཀྱང་མལ་མ་བྱས། སྐྱ་བསེང་གི་བུ་མོ་སྒྲོལ་མས་ཀྱང་མ་བྱས་པར་དེ་གཉིས་ཁྱོད་མལ་བྱོས་ཤིག་ང་མི་
D6.010.0307a07.01