完整藏文原文 · 德格版页 当前仅加载第 10 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ན་མའི་མངལ་དུ་འཇུག་པར་འགྱུར་ཞེ་ན། དགའ་བོ་འདི་ན་ཕ་དང་མ་ཆགས་པར་གྱུར་ཅིང་འདུས་པ་དང་། མ་ཡང་རུང་ཞིང་ཟླ་མཚན་དང་ལྡན་པར་འགྱུར། དྲི་ཟ་ཡང་ཉེ་བར་གནས་ཤིང་འཇུག་འདོད་པར་གྱུར། ཕ་དང་མ་ལས་ཀྱང་ཁུ་བ་བྱུང་། ཕ་དང་མ་དག་པར་ཡང་གྱུར། དེའི་ཚེ་
D6.010.0126b01.01མའི་མངལ་རླུང་གིས་བགགས་པར་མ་གྱུར། མཁྲིས་པས་མ་བགགས། བད་ཀན་གྱིས་མ་བགགས། ཁྲག་གིས་མ་བགགས། ཚིལ་གྱིས་མ་བགགས། མཚམས་ཤས་གང་བ་མ་ཡིན། སྨན་གྱིས་མ་བསྒྱུར། དབུས་ནས་འདྲ་བ་མ་ཡིན། གྲོག་མོའི་རྐེད་པ་འདྲ་བ་མ་ཡིན།
D6.010.0126b02.01རྔ་མོའི་ཁ་ལྟ་བུ་མ་ཡིན། སྒོ་ཤིང་འབའ་ཏ་ཁ་འབུས་པ་ལྟ་བུ་མ་ཡིན། སྒོ་གཤོལ་མདའ་ལྟ་བུ་མ་ཡིན། སྒོ་ཤིང་རྟ་ལྟ་བུ་མ་ཡིན། སྦ་ལྟ་བུ་མ་ཡིན། ལོ་མ་ལྟ་བུ་མ་ཡིན། ནང་དུ་གྲ་མ་ལྟ་བུ་སྐྱེས་པ་མ་ཡིན། འོག་ཟབ་པ་མ་ཡིན། སྟེང་ཟབ་པ་མ་ཡིན། མངལ་སྣོད་དུ་མི་རུང་བ་མ་ཡིན།
D6.010.0126b03.01ཁྲག་ཟག་པ་མ་ཡིན། ཐུང་བ་མ་ཡིན། བྱ་རོག་གི་མཆུ་ལྟ་བུ་མ་ཡིན། གཡོན་ཡངས་པ་མ་ཡིན། གཡས་ཡངས་པ་མ་ཡིན། སྟེང་ཡངས་པ་མ་ཡིན། འོག་ཡངས་པ་མ་ཡིན། མཐོ་བ་མ་ཡིན། དམའ་བ་མ་ཡིན། ཁས་བུབ་པ་མ་ཡིན། མཚན་མ་ཙམ་ཡོད་པ་མ་ཡིན།
D6.010.0126b04.01ཡོ་བ་མ་ཡིན། སྐྱོན་དང་བཅས་པ་མ་ཡིན། སྐབས་མ་བསྒྱུར། སྲོག་ཆགས་བེ་ས་ར་ཀས་ཟོས་པར་མ་གྱུར། ཕ་དང་མ་དག་དབང་ཆེ་བར་གྲགས་ན་དྲི་ཟ་ཡང་དབང་ཆེ་བར་གྲགས། ཕ་དང་མ་དག་དབང་ཆུང་བར་གྲགས་ན། དྲི་ཟ་ཡང་དབང་ཆུང་བར་གྲགས། ཐམས་ཅད་དབང་ཆེ་བར་གྲགས་
D6.010.0126b05.01པར་གྱུར་ལ། ཕ་དང་མ་དག་གིས་ཀྱང་བུ་རྙེད་པར་འགྱུར་བའི་ལས་བྱས་ཤིང་བསགས་པར་གྱུར། དྲི་ཟས་ཀྱང་ཕ་མར་འགྱུར་བའི་ལས་བྱས་ཤིང་བསགས་པར་གྱུར། དྲི་ཟས་སེམས་གཉིས་པོ་ཕོའི་སེམས་སམ། མོའི་སེམས་ལས་སེམས་གང་ཡང་རུང་བ་ཞིག་ཉེ་བར་བཞག་ན་མའི་མངལ་དུ་
D6.010.0126b06.01འཇུག་པར་འགྱུར་རོ། །དགའ་བོ་དེ་ལ་དྲི་ཟ་མའི་མངལ་དུ་འཇུག་པར་འདོད་པ་ན་སེམས་ཕྱིན་ཅི་ལོག་དང་ལྡན་པ། ལོག་པའི་ང་རྒྱལ་ཅན་གྱིས་སྐྱེ་བ་སོ་སོ་ཐ་དད་པར་སྔོན་གྱི་ལས་ཀྱི་རྒྱུ་དང་། རྐྱེན་གྱི་སྟོབས་ཀྱིས་ཡང་དག་པ་མ་ཡིན་པའི་འདུ་ཤེས་བཅུ་པོ་འདི་ལྟ་སྟེ། དྲོ་བའི་འདུ་ཤེས་དང་། ཉི་མའི་
D6.010.0126b07.01