完整藏文原文 · 德格版页 当前仅加载第 10 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འོངས། དེས་ཇི་ལྟར་གྱུར་པ་སྨྲས་སོ། །དེས་སྨྲས་པ། ཚེ་དང་ལྡན་པ་ལེགས་སོ་ལེགས་སོ། །ཁྱོད་ཇི་ལྟར་ཞུགས་པ་དེ་ལྟར་གནས་པ་དང་ཉེ་གནས་དག་གིས་མཁན་པོ་དང་། སློབ་དཔོན་དག་ལ་བསྒྲུབ་པར་བྱའོ། །དེ་ལྟར་བསྒྲུབས་ན་ཇི་ལྟར་ཨུཏྤ་ལ་ཆུ་ནས་
D6.010.0213b01.01འབྱུང་བ་བཞིན་དུ་དགེ་བའི་ཆོས་རྣམས་ཀྱིས་འཕེལ་བར་འགྱུར་རོ། །དགེ་སློང་དེ་འགྱོད་པ་སྐྱེས་ཏེ། འདིའི་གནས་དེ་ཉིད་ཀྱིས་ཆོག་གམ། འོན་ཏེ་གཞན་ཞིག་སྦྱིན་དགོས་སྙམ་ནས་དེས་སྐབས་དེ་དགེ་སློང་དག་ལ་སྨྲས་ཏེ། དགེ་སློང་དག་གིས་བཅོམ་ལྡན་འདས་ལ་གསོལ་
D6.010.0213b02.01པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེས་རེ་ཞིག་པའི་གནས་བཅས་པར་ཟད་དེ། དེ་ལྟ་བས་ན་དེའི་གནས་དེ་ཁོ་ནས་ཆོག་གི་གཞན་ནི་མ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
D6.010.0213b03.01ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་སྤོང་བ་པ་ཞིག་ལ་དགེ་སློང་གཞོན་ནུ་ཞིག་གིས་གནས་བཅས་པ་དང་། དེ་འདི་སྙམ་དུ་བཅོམ་ལྡན་འདས་ཀྱིས་དགེ་སློང་དག་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ནས་གདམས་ངག་མ་བྱིན་ཞིང་རྗེས་སུ་མ་བསྟན་པ་བས་
D6.010.0213b04.01ནི་ཤན་པ་བྱེད་ཀྱང་བླའོ་ཞེས་གསུངས་ཏེ། འདི་ལྟར་ཉེ་གནས་ཀྱང་དེ་བཞིན་དུ་སློབ་མ་ཡིན་ན། བདག་ཀྱང་སྤོང་བ་པ་ཞིག་པས་འདི་གང་ཞིག་སྦྱིན་པར་བྱེད་པ་འགའ་ཞིག་ལ་གཏད་དོ་སྙམ་བསམས་ནས་དེ་དགེ་སློང་ཞིག་གི་ཐད་དུ་སོང་ནས་ཚེ་དང་ལྡན་པ་གཞོན་ནུ་འདི་བསླབ་པར་གྱིས་
D6.010.0213b05.01ཤིག །དེས་སྨྲས་པ། གལ་ཏེ་ཁྱོད་བདག་གི་གཡོག་བྱེད་ན་དམ་བཅས་ཏེ་བསླབ་པར་བྱའོ། །དེས་སྨྲས་པ། བསླབ་ཏུ་གསོལ་བགྱིའོ། །དེས་དེ་བསླབ་པར་བརྩམས་སོ། །དུས་གཞན་ཞིག་ན་དེ་ན་བར་གྱུར་ནས་གནས་བཅས་པའི་སློབ་དཔོན་དེས་དེའི་ནད་གཡོག་བྱས་སོ། །
D6.010.0213b06.01ཇི་ཙམ་དུས་གཞན་ཞིག་ན་གནས་བཅས་པའི་སློབ་དཔོན་དེ་ན་བར་གྱུར་ན། དེས་དེ་སླར་མ་བལྟས་ཤིང་དེ་བཞིན་དུ་ལན་གསུམ་གྱི་བར་དུ་ཡང་མ་བལྟས་ནས། དེས་དེ་ལ་སྨྲས་པ། ཚེ་དང་ལྡན་པ་ཁྱོད་གཞན་ཞིག་གི་དྲུང་དུ་སོང་ལ་གནས་ཆོས་ཤིག །དེས་སྨྲས་པ། འཕགས་
D6.010.0213b07.01