完整藏文原文 · 德格版页 当前仅加载第 10 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དགའ་བོ་དཔེར་ན་བ་ལང་གི་པགས་པ་བཤུས་པ་ནི་གལ་ཏེ་རྩིག་པ་ལ་རྟེན་ཅིང་འདུག་ན་དེ་ན་དེ་ལ་རྩིག་པ་ལ་རྟེན་པའི་སྲོག་ཆགས་གང་དག་ཡིན་པ་དེ་དག་ཟ་ལ། གལ་ཏེ་ཤིང་ངམ། གལ་ཏེ་རྩྭའི་ཕུང་པོའམ། གལ་ཏེ་ནམ་མཁའ་ལ་རྟེན་ཅིང་འདུག་ན་དེ་ན་དེ་ལ་ནམ་མཁའ་ལ་
D6.010.0137b01.01རྟེན་པའི་སྲོག་ཆགས་གང་ཡིན་པ་དེ་དག་ཟ་སྟེ། དགའ་བོ་བ་ལང་པགས་པ་བཤུས་པ་དེ་གང་ལ་བརྟེན་ཅིང་འདུག་ཀྱང་དེ་ལ་བརྟེན་པའི་སྲོག་ཆགས་རྣམས་ཟ་བར་བྱེད་ཅིང་གཞི་དེ་ལས་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དགའ་
D6.010.0137b02.01བོ་དེ་བཞིན་དུ་ཁྱེའུའམ། བུ་མོ་བཙས་མ་ཐག་པ་ཡང་གལ་ཏེ་ལག་པས་བླངས་ན་དེ་གཞི་དེ་ལས་སྡུག་བསྔལ་གྱི་ཚོར་བ་ཞེས་བྱ་བ་ནས་ཡིད་དུ་མི་འོང་བ་སོ་སོར་མྱོང་བར་འགྱུར་རོ་ཞེས་བྱ་བའི་བར་སྔ་མ་བཞིན་ནོ། །གལ་ཏེ་གོས་ཀྱིས་བླངས་སམ། གལ་ཏེ་པང་དུ་བླངས་སམ། གལ་ཏེ་ཁྲི་ལ་བཞག་
D6.010.0137b03.01གམ། གལ་ཏེ་ཁྲིའུ་འམ། གལ་ཏེ་སའམ། གལ་ཏེ་ཤིང་ལེབ་བམ། གལ་ཏེ་བླ་གབ་ཅན་ནམ། གལ་ཏེ་བླ་གབ་མེད་པའམ། གལ་ཏེ་གྲིབ་མ་ལ་བཞག་གམ། གལ་ཏེ་ཚ་བའམ། གལ་ཏེ་གྲང་བས་རེག་ན་དེ་གཞི་དེ་ལས་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང་དྲག་པ་
D6.010.0137b04.01ཉིད་དང་། རྩུབ་པ་ཉིད་དང་། མི་བཟད་པ་ཉིད་དང་། ཡིད་དུ་མི་འོང་བ་ཉིད་སོ་སོར་མྱོང་བར་འགྱུར་རོ། །དགའ་བོ་བྱིས་པ་བཙས་མ་ཐག་པ་ནི་ཆུ་འཇམ་ཙམ་གྱིས་བཏབ་ན་ཡང་དེ་གཞི་དེ་ལས་སྡུག་བསྔལ་ཁོ་ན་ཞེས་བྱ་བ་ནས། ཡིད་དུ་མི་འོང་བ་ཁོ་ནའི་བར་སོ་སོར་མྱོང་བར་འགྱུར་རོ། །དགའ་
D6.010.0137b05.01བོ་དཔེར་ན་སྐྱེས་བུ་མཛེ་ཅན་ལུས་འཛག་པ། ལུས་ཚོས་པ། ལུས་ཞིགས་པ། སྡུག་བསྔལ་བ། དབང་པོ་ཉམས་པ་ལ་ལྕག་གིས་གཞུས་ན་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང་དྲག་པ་ཉིད་དང་། རྩུབ་པ་ཉིད་དང་། མི་བཟད་པ་ཉིད་དང་། ཡིད་དུ་མི་འོང་བ་ཉིད་སོ་སོར་
D6.010.0137b06.01མྱོང་བར་འགྱུར་རོ། །དགའ་བོ་དེ་བཞིན་དུ་བྱིས་པ་བཙས་མ་ཐག་པ་དེ་གལ་ཏེ་ཆུ་འཇམ་ཙམ་གྱིས་བཏབ་ན་ཡང་དེ་གཞི་དེ་ལས་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང་དྲག་པ་ཉིད་དང་། རྩུབ་པ་ཉིད་དང་། མི་བཟད་པ་ཉིད་དང་། ཡིད་དུ་མི་འོང་བ་ཉིད་སོ་སོར་མྱོང་བར་འགྱུར་རོ། །དགའ་བོ་
D6.010.0137b07.01