完整藏文原文 · 德格版页 当前仅加载第 10 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་དགོངས་ཏེ། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་ལྷུང་བཟེད་ནས་ལྷག་རོལ་དོར་བར་མི་བྱའོ། །འདོར་ན་འགལ་ཚབས་ཅན་དུ་འགྱུར་རོ། །འོན་ཀྱང་ངས་དགེ་སློང་གིས་ལྷུང་བཟེད་ཀྱི་ཆུ་སྦྱིན་པར་བྱེད་པའི་
D6.010.0227a01.01ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ལྷུང་བཟེད་ཀྱི་ཆུ་སྦྱིན་པར་བྱེད་པས་ལྷུང་བཟེད་ལན་གསུམ་བཀྲུས་ཏེ། ལྷུང་བཟེད་ཀྱི་ཆུ་ལ་གཙུག་ལག་གི་ཚིགས་སུ་བཅད་པས་མངོན་པར་བསྔགས་ནས་སྦྱིན་པར་བྱའོ། །དགེ་སློང་ལྷུང་བཟེད་ཀྱི་ཆུ་སྦྱིན་པར་བྱེད་པས་ཀུན་
D6.010.0227a02.01ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་མི་འཇུག་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ལྷུང་བཟེད་ཀྱི་གཞི་ལ་རྐང་
D6.010.0227a03.01པ་བཞག་སྟེ་ཟན་ཟ་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས། ཤཱཀྱའི་བུའི་དགེ་སྦྱོང་རྣམས་ནི་གཙང་སྦྲ་མེད་པ་སྟེ། ལྷུང་བཟེད་ཀྱི་གཞི་ལ་རྐང་པ་བཞག་སྟེ་ཟན་ཟའོ། །ཞེས་འཕྱ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་
D6.010.0227a04.01འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཐོག་ཏུ་བབ་པོ། །དེ་ལྟ་བས་ན་དགེ་སློང་གིས་ལྷུང་བཟེད་ཀྱི་གཞི་ལ་རྐང་པ་བཞག་སྟེ་ཟན་བཟའ་བར་མི་བྱའོ། །དགེ་སློང་ལྷུང་བཟེད་ཀྱི་གཞི་ལ་རྐང་པ་བཞག་སྟེ་ཟན་ཟ་ན་འགལ་ཚབས་ཅན་དུ་
D6.010.0227a05.01འགྱུར་རོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པ་ན་བཞུགས་སོ། །དགེ་སློང་དག་ལྷམ་མ་ཕུད་པར་ཟན་ཟ་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས། ཤཱཀྱའི་བུའི་དགེ་སྦྱོང་རྣམས་ནི་གཙང་སྦྲ་མེད་པ་སྟེ་ལྷམ་མ་ཕུད་
D6.010.0227a06.01པར་ཟན་ཟའོ་ཞེས་འཕྱ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་འཕྱ་བ་ནི་ཐོག་ཏུ་བབ་བོ། །དེ་ལྟ་བས་ན་དགེ་སློང་གིས་ལྷམ་མ་ཕུད་པར་ཟན་བཟའ་བར་མི་
D6.010.0227a07.01