完整藏文原文 · 德格版页 当前仅加载第 10 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
བསད་ན་ཤ་ལྡོམ་པར་མི་འགྱུར་ཏེ། དེ་འདྲུལ་བར་འགྱུར་རོ། །དེ་ན་ཁ་ཅིག་གིས་སྨྲས་པ། འདི་ལ་ཅི་ཞིག་བསྒྲུབ་ཏུ་ཡོད། གཅིག་ནི་བསད་ལ་གཅིག་ནི་བཏགས་ཏེ་གཞག་མོད། གཞན་དག་གིས་སྨྲས་པ། འདི་ཡང་ཆེ་སྟེ། འདི་ཡང་ལྡོམ་པར་མི་འགྱུར་བས་སྡོང་པོ་ལ་བཏགས་ལ་
D6.010.0095b01.01གསོན་པར་ཤ་བཅད་ཅིང་བཅད་ཅིང་བཙོང་ངོ་། །དེ་རྣམས་ཀྱིས་སྨྲས་པ། ལེགས་ཏེ་དེ་ལྟར་བྱའོ་དེ་དག་གིས་དེ་ལྟར་བྱ་བར་བརྩམས་པ་དང་། དེ་དག་དེ་ལྟར་གཅོད་པ་ན་རང་གི་སྐད་དུ་འོ་དོད་འབོད་པར་བརྩམས་སོ། །དེ་དག་མི་བདེ་བ་དེ་ཉ་པའི་ཁྱེའུ་ཞིག་གིས་ཐོས་ནས་རབ་ཏུ་དགའ་བ་སྐྱེད་པར་བྱེད་དོ། །
D6.010.0095b02.01དེ་ནས་ཉ་དེ་གཉིས་དེ་ལྟར་བཅད་པའི་ཚེ་དེ་རྣམས་ལ་འདི་ལྟ་བུའི་སེམས་བསྐྱེད་དེ། གང་བདག་ཅག་གིས་ཉེས་པ་ཡང་མེད། གནོད་པ་བྱེད་པ་ཡང་མེད་པར་འདི་དག་གིས་འདི་ལྟར་བསད་དེ། དེའི་ཕྱིར་བདག་ཅག་ཀྱང་གང་དུ་འདི་དག་ཉེས་པ་ཡང་མེད། གནོད་པ་བྱས་པ་ཡང་མེད་པར་གསོད་པར་འགྱུར་བ་
D6.010.0095b03.01དེར་སྐྱེ་བར་གྱུར་ཅིག །དགེ་སློང་དག་ཇི་སྙམ་དུ་སེམས། ཉ་གཉིས་པོ་གང་དག་ཡིན་པ་དེ་དག་ནི་འཕགས་སྐྱེས་པོ་དང་། མ་ལ་གནོད་འདི་དག་ཁོ་ན་ཡིན་ནོ། །ཉ་པ་ལྔ་བརྒྱ་གང་དག་ཡིན་པ་དེ་དག་ནི་ཤཱཀྱ་ལྔ་བརྒྱ་པོ་འདི་དག་ཁོ་ན་ཡིན་ཏེ། གང་འདི་གཉིས་ཀྱིས་ཉ་དེ་དག་དེ་ལྟར་བསད་པའི་ལས་ཀྱི་
D6.010.0095b04.01རྣམ་པར་སྨིན་པས། ད་ལྟར་འཕགས་སྐྱེས་པོ་དང་མ་ལ་གནོད་དག་གིས་ཤཱཀྱ་གྱུར་པ་ཉེས་པ་ཡང་མེད། གནོད་པ་བྱས་པ་ཡང་མེད་པ་རྣམས་ལྕགས་ཀྱི་ཤལ་བས་མནན་ཅིང་འོ་དོད་འབོད་བཞིན་བསད་དོ། །ཉ་པའི་ཁྱེའུ་གང་ཡིན་པ་དེ་ནི་ང་ཉིད་དེའི་ཚེ་དེའི་དུས་ན་དེ་ཡིན་ཏེ། གང་ངས་ཉ་བསད་པ་ན་
D6.010.0095b05.01རབ་ཏུ་དགའ་བ་བསྐྱེད་པའི་ལས་དེའི་རྣམ་པར་སྨིན་པས་ད་ལྟར་ང་མངོན་པར་རྫོགས་པར་སངས་རྒྱས་ཀྱང་དབུ་སྙུན་ཚབས་ཆེན་པོས་ཐེབས་པར་གྱུར་ཏོ། །གལ་ཏེ་ངས་ཡོན་ཏན་གྱི་ཚོགས་འདི་ལྟ་བུ་ཐོབ་པར་མ་གྱུར་ན་ང་ཡང་ལས་འདི་ལྟ་བུ་དག་ཐོབ་པར་འགྱུར་རོ། །དགེ་སློང་དག་གཞན་ཡང་སེར་སྐྱ་ན་གནས་
D6.010.0095b06.01པའི་ཤཱཀྱ་རྣམས་ཀྱིས་ལས་གང་བྱས་པ་དེ་ཉོན་ཅིག །དགེ་སློང་དག་སྔོན་བྱུང་བ་ཆོམ་རྐུན་ལྔ་བརྒྱ་ཞིག་གིས་ལམ་དུ་འགྲོ་བ་དག་བཅོམ་ནས་ཕྲོགས་པའི་རྫས་དག་ཁྱེར་ཏེ། རི་བྲགས་ཤིག་ཏུ་འཇོམས་སུ་སོང་ངོ་། །དེ་དག་གིས་རི་བྲགས་ན་གནས་པའི་སྐྱེ་བོའི་ཚོགས་དེ་ཐམས་ཅད་བཅོམ་ནས་ཕྲོགས་
D6.010.0095b07.01