完整藏文原文 · 德格版页 当前仅加载第 10 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ། །བར་སྡོམ་དག་ཏུ་ཡང་དག་བསྟན། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་རིགས་ཀྱི་ཁྱིམ་དུ་སོང་བ་དང་། དེ་དག་གིས་ཁྲི་ཕྱུང་སྟེ་འཕགས་པ་ཅི་
D6.010.0217a01.01བདེར་བཞུགས་ཤིག །དེ་རྣམས་ཅིག་ཅར་འཁོད་ནས་ཁྲི་དེ་ཆག་པར་གྱུར་ཏེ། དེ་དག་གིས་རྟ་གད་ཀྱིས་བཏབ་པ་དང་། དགེ་སློང་གཞན་དག་ཀྱང་དེར་འོངས་ཏེ། དེ་དག་གིས་དེ་རྣམས་མཐོང་ནས། དེས་སྨྲས་པ། ཚེ་དང་ལྡན་པ་ཁྱེད་འདི་ལྟ་བུའི་འཕྱར་པོ་བྱས་ནས། དགོད་
D6.010.0217a02.01དམ་ཞེས་སྨྲས་པ་དང་། དེ་དག་གིས་སྨྲས་པ། ཅི་ཆང་འཐུངས་སམ། སྒོག་སྐྱ་ཟོས། དེས་སྨྲས་པ། ཅི་དེ་དག་ཀྱང་བྱེད་དམ། གཞན་ཅི་ཞིག་བྱས། ཁྲི་མ་བཅག་གམ། ཅི་ཤིང་ཟད་དམ། ཤིང་མཁན་དག་ཤིའམ། དེ་དག་མ་རངས་བཞིན་ཅང་མི་ཟེར་བར་འདུག་ནས་སྐབས་དེ་
D6.010.0217a03.01བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྲི་གཅིག་ལ་དྲུག་འདུག་པར་མི་བྱའོ། །བཅོམ་ལྡན་འདས་ཀྱིས་ཁྲི་གཅིག་ལ་དྲུག་འདུག་པར་མི་བྱའོ། །ཞེས་གསུངས་པ་དང་། ལྔ་འདུག་སྟེ་ཉེས་དམིགས་དེ་ཉིད་
D6.010.0217a04.01དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ལྔ་ཡང་འདུག་པར་མི་བྱའོ། །བཞི་འདུག་སྟེ་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བཞི་ཡང་འདུག་པར་མི་བྱའི་འོན་ཀྱང་ཁྲི་ལ་ནི་གསུམ་འདུག་པར་མི་བྱའོ། །ཁྲིའུ་ལ་ནི་གཉིས་
D6.010.0217a05.01སོ། །ཁྲིའུ་ཆུང་ལ་ནི་གཅིག་གོ།། །།སྡོམ་ནི། ནད་པ་ཡི་ནི་ནད་གཡོག་དང་། །ཤིང་ལ་འཛེག་པར་མི་བྱ་དང་། །བཀྲབས་པ་བསྙེན་རྫོགས་མི་བྱ་དང་། །ལག་པ་གཅད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་
D6.010.0217a06.01ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ནད་པའི་རིམ་གྲོ་བྱའོ་ཞེས་གསུངས་པ་གང་ལགས་པ་དེ་ཡོ་བྱད་ཇི་ལྟ་བུ་དག་གིས་བགྱི། བཅོམ་ལྡན་འདས་ཀྱིས་བཀའ་
D6.010.0217a07.01