完整藏文原文 · 德格版页 当前仅加载第 10 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་གནང་བ་གཉིས་ཡིན་ནོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྒྱལ་བུ་རྒྱལ་བྱེད་ཀྱི་ཚལ་
D6.010.0008b01.01ཕུལ་བ་དེའི་ཚེ། དེས་འབྲེག་མཁན་གྱི་མི་ལ་སྨྲས་པ། ཀྱེ་སྐྱེས་བུ་རྒྱལ་བུ་རྒྱལ་བྱེད་ཀྱི་ཚལ་དུ་སོང་ལ་འཕགས་པ་རྣམས་ཀྱི་སྐྲ་དང་ཁ་སྤུ་བྲེགས་ཤིག །དེ་རྒྱལ་བུ་རྒྱལ་བྱེད་ཀྱི་ཚལ་དུ་སོང་བ་དང་། དྲུག་སྡེ་རྣམས་ཀྱི་ཀུན་དུ་སྤྱོད་པ་ནི་དྲུག་སྡེ་གང་ཡང་རུང་བ་ཞིག་གིས་རྒྱལ་
D6.010.0008b02.01བུ་རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་ཡིན་ཏེ། ཚེ་དང་ལྡན་པ་ཉེ་དགའ་བོ་རྒྱལ་བུ་རྒྱལ་བྱེད་ཀྱི་ཚལ་ན་འཆག་ཅིང་འདུག་པ་དེས་དེ་རྒྱང་རིང་པོ་ནས་མཐོང་ནས་སྨྲས་པ། བཞིན་{བཟངས་,བཟང་}འོངས་པ་ལེགས་སོ། །འོངས་པ་ལེགས་སོ། །ཁྱོད་ཟླ་བ་ལྟ་བུར་གནས་ན་རིང་མོ་ཞིག་ལོན་
D6.010.0008b03.01ཏེ། གང་ནས་འོངས། དེས་སྨྲས་པ། འཕགས་པ་ཁྱིམ་བདག་གིས་འཕགས་པ་རྣམས་ཀྱི་སྐྲ་དང་ཁ་སྤུ་བྲེག་པའི་སླད་དུ་འདིར་བཏང་ངོ་། །དེས་སྨྲས་པ། སེན་མོ་ལེགས་པར་འབྲེག་ཤེས་སམ། འཕགས་པ་འདི་ཉིད་བདག་གི་བཟོ་ལགས་སོ། །བལྟས་ཚུར་དེ་
D6.010.0008b04.01ཉེ་བར་འོངས་པ་དང་། ཉེ་དགའ་བོས་ལག་པ་བརྐྱང་ངོ་། །འབྲེག་མཁན་གྱིས་སྨྲས་པ། འཕགས་པ་ཅི་འདྲ་བར་བྲེག །བཞིན་{བཟངས་,བཟང་}འབྲུའི་རྩེ་མོ་ལྟར་བྲེགས་ཤིག །དེས་འབྲུའི་རྩེ་མོ་ལྟར་བྲེགས་པ་དང་། དེས་སྨྲས་པ། ད་ནི་ར་བའི་ཅོག་ལྟ་བུ་དང་། སྤུ་གྲིའི་སོ་
D6.010.0008b05.01དང་། སྟེའུ་ཀ་དང་། ཟླ་བ་ཚེས་པ་ལྟར་གྱིས་ཤིག །དེས་དེ་ཇི་ལྟ། ཇི་ལྟར་སྒོ་བ་དེ་ལྟ་བུར་བྱས་པ་དང་། མཇུག་ཏུ་སྨྲས་པ། བཀྲེན་པ་ཁྱོད་ཀོ་ཅུང་ཟད་ཀྱང་མི་ཤེས་པ་ཞིག །འདི་ཁོ་ན་ལྟར་མཉམ་པར་གྱིས་ལ་སོང་ཤིག་ཅེས་དེས་དེ་ཉི་མ་ནུབ་ཀྱི་བར་དུ་མ་བཏང་ངོ་། །དེ་ཉི་
D6.010.0008b06.01མ་ནུབ་ནས་ཁྱིམ་བདག་མགོན་མེད་ཟས་སྦྱིན་གྱི་དྲུང་དུ་སོང་བ་དང་། མགོན་མེད་ཟས་སྦྱིན་གྱིས་སྨྲས་པ། ཀྱེ་སྐྱེས་བུ་ཁྱོད་ཀྱིས་འཕགས་པ་མང་པོ་ཇི་སྙེད་ཅིག་གི་མགོ་དང་ཁ་སྤུ་བྲེགས། བདག་གིས་འཕགས་པ་རྣམས་ཀྱི་སྐྲ་དང་ཁ་སྤུ་ག་ལ་བྲེགས། དགེ་སྦྱོང་གཟུ་ལུམས་ཅན་
D6.010.0008b07.01