完整藏文原文 · 德格版页 当前仅加载第 10 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ཙམ་ན་དེ་ན་ལྕགས་ཀྱི་ཟངས་པོ་ཆེ་ཁོལ་བ་ཞིག་མཐོང་ངོ་། །མཐོང་ནས་ཀྱང་མི་དགའ་ནས་དམྱལ་བའི་སྲུང་མ་རྣམས་ལ་དྲིས་པ། ཤེས་ལྡན་དག་གང་གིས་ན་ལྕགས་ཀྱི་ཟངས་པོ་ཆེ་གཞན་དག་ཏུ་ནི་སེམས་ཅན་དག་བཅུག་ལ་འདི་གཅིག་པོ་ཁོལ་ཞིང་འདུག་པ་འདི་ལ་རྒྱུ་ཅི་ཡོད། དེ་དག་གིས་སྨྲས་པ།
D6.010.0124b01.01བཅོམ་ལྡན་འདས་ཀྱི་གཅུང་དགའ་བོ་ཞེས་བྱ་བ་དེ་ལྷའི་འཇིག་རྟེན་ལ་མངོན་པར་དགའ་བས། བཅོམ་ལྡན་འདས་ཀྱི་སྤྱན་སྔ་ན་ཚངས་པར་སྤྱད་པ་སྤྱོད་པ་དེ་ཤི་ནས་འདིར་འོང་སྟེ། དེའི་ཕྱིར་འདི་བསྡོགས་ཤིང་ཁོ་བོ་ཅག་ཀྱང་དེ་ལ་སྡོད་ཅིང་འཁོད་དོ། །དེས་ཐོས་ནས་འཇིགས་སྐྲག་མི་དགའ་ཞིང་སྤུ་ཟིང་ཞེས་
D6.010.0124b02.01བྱེད་ནས་བསམས་པ། ད་ལྟ་ཉིད་དུ་བཅུག་པར་འགྱུར་དུ་འོང་གིས། མྱུར་དུ་འབྲོས་སོ་སྙམ་དུ་རིག་ནས། རིངས་པ་རིངས་པར་བྲོས་ནས་རོད་ཉམས་ཤིང་ངོམ་ཟུང་ནག་པོར་བཅོམ་ལྡན་འདས་ཀྱི་སྤྱན་སྔར་སོང་བ་དང་། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་ཁྱོད་ཀྱིས་
D6.010.0124b03.01དམྱལ་བ་རྣམས་མཐོང་ངམ། དེ་སྲོ་ཤི་ཞིང་ལྕེ་ལྡིབ་བཞིན་ཚིག་སྙིང་རྗེ་རྗེ་སྐད་དུ་དལ་བུ་བགས་ཀྱིས་གཅོམ་ཆུང་ངུར་གསོལ་པ། བཅོམ་ལྡན་འདས་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་དེར་ཇི་ལྟ་བུ་དག་མཐོང་བ་སྨྲོས་ཤིག །དེས་ཇི་ལྟ་བུ་དག་མཐོང་བ་རྒྱས་
D6.010.0124b04.01པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་ལྷའི་འཇིག་རྟེན་ལ་སྨོན་པས་ཚངས་པར་སྤྱད་པ་སྤྱོད་པ་ལ་ནི་ཉེས་དམིགས་འདི་ལྟ་བུ་དང་གཞན་དག་ཀྱང་ཡོད་དེ། དེ་ལྟ་བས་ན་ཁྱོད་ཀྱིས་མྱ་ངན་ལས་འདས་པ་ལ་མངོན་པར་དགའ་བར་བྱའི་ལྷའི་འཇིག་རྟེན་ལ་མངོན་པར་དགའ་
D6.010.0124b05.01བར་མི་བྱའོ། །དེ་ངོ་ཚ་བར་གྱུར་པའི་སེམས་ཀྱིས་ཅང་མི་སྨྲ་བར་འདུག་གོ། །དེ་ནས་བཅོམ་ལྡན་འདས་དམྱལ་བའི་གནས་ནས་མི་སྣང་བར་གྱུར་ཅིང་གྲོང་ཁྱེར་ཙམ་པར་དྲང་སྲོང་གརྒའི་རྫིང་དྲུང་དུ་གཤེགས་སོ། །དེ་ནས་དུས་གཞན་ཞིག་ན་ཚེ་དང་ལྡན་པ་དགའ་བོ་འཁོར་དགེ་སློང་ལྔ་བརྒྱ་དང་ཕྱི་དྲོ་ནང་དུ་ཡང་
D6.010.0124b06.01དག་འཇོག་ལས་ལངས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །དགེ་སློང་ལྔ་བརྒྱ་པོ་དེ་དག་ཀྱང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་ཕྱོགས་གཅིག་
D6.010.0124b07.01