'dul ba phran tshegs kyi gzhi/
当前为德格木刻版 184a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 184a
- 可引用原文
- 7 行
- 全文规模
- 全经 8970 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 10 函 · 德格 184a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བོ་བསེང་བསེང་པོ་ལུས་ཤ་བྲི་ངན་པ་ཉམ་ཆུང་བ་ཤིག་ཤིག་པོར་གྱུར། དེས་སྨྲས་པ། བཞིན་{བཟངས་,བཟང་}ཚ་བས་བདག་གི་ལུས་ཀྱི་གནས་འདི་ལྟ་བུར་གྱུར་ཏོ། །གནས་བརྟན་ཁྱོད་ཀྱིས་སྔོན་སོ་གའི་དུས་སུ་ཅི་ཞིག་བཅངས། བཞིན་{བཟངས་,བཟང་}སེང་རས་སོ། །གནས་བརྟན་གལ་ཏེ་དེ་ལྟ་ན་ད་ཅི་སྟེ་མི་བཅང་། བཞིན་{བཟངས་,བཟང་}བཅོམ་ལྡན་འདས་ཀྱིས་མ་གནང་ངོ་། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་སློང་གིས་སེང་རས་བཅང་བར་བྱའོ། །སངས་
རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ཆམ་ལུད་བདོ་སྟེ་ན་བ་དེས་ས་ལ་མཆིལ་མ་བོར་བས་མལ་གྱི་གཡས་གཡོན་གཉིས་མི་མཛེས་པར་བྱས་སོ། །ཇི་ཙམ་ན་དེའི་ལྷན་ཅིག་གནས་པ་ནང་པར་སྔར་ལངས་ཏེ་གནས་ཁང་དུ་ཞུགས་ནས་ཕྱག་བྱས་ཏེ་ནད་དྲིས་ནས་བྱུང་ངོ་། །དེ་ཕྱག་འཚལ་བ་ན་དཔྲལ་བ་ལ་མཆིལ་མའི་ཐལ་བ་རེག་པ་དེ་དགེ་སློང་རྣམས་ཀྱིས་མཐོང་ནས་དེ་དག་གིས་སྨྲས་པ། ཚེ་དང་ལྡན་པ་གང་དུ་ཁྱོད་ཀྱིས་དཔྲལ་བ་ལ་མཆིལ་མ་འདི་རེག །དེས་སྨྲས་པ།
མཁན་པོ་ཆམ་ལུད་ན་བ་དེས་ས་ལ་མཆིལ་མ་བོར་བར་མ་གྱུར་གྲང་། རེ་ཞིག་བལྟའོ་ཞེས་དེ་གནས་ཁང་དུ་ཞུགས་པ་དང་། ཇི་ཙམ་ན་མལ་གྱི་གློ་གཡས་གཡོན་དུ་མཆིལ་མ་བོར་བ་མཐོང་ངོ་། །དེས་དགེ་སློང་དག་ལ་བསྙད་པ་དང་། དེ་དག་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དེ་ད་ཇི་ལྟ་བུ་ཞིག་ཏུ་གྱུར། དགེ་སློང་དག་མཆིལ་མས་དགེ་འདུན་གྱི་གནང་ཁང་མ་རུང་བར་བྱེད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གི་
གནས་མལ་བཅས་པར་མཆིལ་མ་དོར་བར་ཡང་མི་བྱ། མུན་པར་ཕྱག་བྱེད་པས་མགོས་དྲུང་དུ་གཏུགས་པར་ཡང་མི་བྱའི། ཚིག་ཙམ་གྱིས་ཕྱག་བྱ་ཞིང་གང་ཅུང་ཟད་བྱ་བ་ཡོད་ན་ཡང་དེར་ཚིག་ཙམ་གྱིས་དྲི་བར་བྱའོ། །གཞན་ཡང་གང་ལ་ཆམ་པ་དང་ཁ་ཆུ་བདོ་བ་དེས་མཆིལ་མའི་སྣོད་ཉེ་བར་གཞག་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D6
- 德格版页
- 184a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0006 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。