完整藏文原文 · 德格版页 当前仅加载第 10 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་འབོད་དོ་ཞེས་བསྒོ་བ་དང་། དེས་ཤེས་ལྡན་དག་ལྷས་ཇི་ལྟར་བཀའ་སྩལ་པ་བཞིན་འཚལ་གྱིས་སོང་ཤིག་གོས་འཚལ་ལ་མཆིའོ་ཞེས་སྨྲས་སོ། །དེ་དག་སླར་སོང་བ་དང་བྲམ་ཟེ་མོ་དེས་སྨྲས་པ། བྲམ་ཟེ་བདག་གིས་སྔར་ཁྱོད་ལ་རྒྱལ་པོ་གཏུམ་པོ་ཁྲོ་བར་
D6.010.0297b01.01འགྱུར་བ་མ་སྨྲ་ཤིག་ཅེས་བྱས་ན་ཁྱོད་ངའི་ངག་ཉན་དུ་མ་བཏུབ་པས་ད་ནི་དེ་བྱུང་ངོ་། །དེས་བྲམ་ཟེ་མོ་ལ་ཐམས་ཅད་ལེགས་པར་འགྱུར་གྱིས་བག་མ་ཚ་ཞིག་ཅེས་སྨྲས་ནས་དེས་དེ་དབུགས་ཕྱུང་སྟེ་རྒྱལ་པོའི་དྲུང་དུ་སོང་ངོ་། །རྒྱལ་པོས་རྒྱང་རིང་པོ་ནས་མཐོང་ནས་
D6.010.0297b02.01བྱོན་པ་ལེགས་སོ་ཞེས་བྱ་བའི་ཚིག་བརྗོད་ནས། མཁན་པོ་བྱོན་པ་ལེགས་ཏེ་ཕྱོགས་འདིར་བཞུགས་ཤིག་ཅེས་བྱས་པ་དང་། དེ་ཡིད་དགའ་བ་སྐྱེས་ནས་རྒྱལ་པོ་ལ་རྒྱལ་བ་དང་ཚེ་སྤེལ་བ་བྱས་ནས་ཇི་ལྟར་སྒོ་བའི་གནས་སུ་འདུག་གོ། །རྒྱལ་པོས་ཡུད་ཙམ་ཞིག་བསྡད་
D6.010.0297b03.01ནས་སྨྲས་པ། མཁན་པོ་ཁྱོད་ལྟས་མཁྱེན་ཏམ། དེས་སྨྲས་པ། ལྷ་མཉེས་པར་རྔོ་ཐོག་གོ། །མཁན་པོ་བདག་མདང་ཇི་ལྟ་ཞིག་ཏུ་འདས་པར་འགྱུར། ལྷ་མི་བཟད་པ་དོགས་པ་ཉམ་ང་བར་གྱུར་པ་ལས་ཁྱོད་བསོད་ནམས་ཀྱི་མཐུ་ཅན་ཞིག་སྟེ་དེའི་
D6.010.0297b04.01སླད་དུ་མི་མཛའ་བ་རྣམས་ཀྱི་ནང་ནས་འོ་བརྒྱལ་ཏེ་ཐར་བར་གྱུར་ཏོ་ཞེས་བྱས་པ་དང་། རྒྱལ་པོས་མགུ་ནས་ཤེས་ལྡན་དག་མཁན་པོས་ཇི་སྐད་སྨྲས་པ་དེ་དེ་བཞིན་ཏེ་གཞན་དུ་མ་ཡིན་ནོ་ཞེས་སྨྲས་ནས། མཁན་པོ་ཁྱོད་ལ་དམ་པ་ཅི་ཞིག་དབུལ་བ་གསུངས་ཤིག་
D6.010.0297b05.01ཅེས་སྨྲས་པ་དང་། དེས་སྨྲས་པ། རེ་ཞིག་ནང་མི་དང་མཆིད་གྲོས་འཚལ་ཏེ་སླད་ཀྱིས་གསོལ་བར་འཚལ་ལོ། །རྒྱལ་པོས་སྨྲས་པ། མཁན་པོ་ལེགས་ཀྱིས་དེ་བཞིན་གྱིས་ཤིག །དེས་རིངས་པར་འགྲོས་བསླང་ནས་སོང་སྟེ་རང་གི་ཁྱིམ་དུ་ཕྱིན་
D6.010.0297b06.01པ་དང་། ནང་མི་རྣམས་ལ་བོས་ཏེ་སྨྲས་པ། ང་ལ་ལྷས་དམ་པ་སྦྱིན་པར་ཆད་ན། ཁྱོད་ཅི་འདོད་པ་སྨྲོས་ཤིག །བྲམ་ཟེ་མོས་སྨྲས་པ། བྲམ་ཟེ་རེ་ཞིག་ཁྱོད་ཉིད་ལ་དྲིས་ཁྱོད་ཅི་འདོད། །དེས་སྨྲས་པ། བྲམ་ཟེ་མོ་ང་ནི་གྲོང་མཆོག་ལྔའོ། །དེས་སྨྲས་པ།
D6.010.0297b07.01