完整藏文原文 · 德格版页 当前仅加载第 10 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་ནི་སྐྲ་འབྲེག་ཀྱང་མཁས་ན་བཅོམ་ལྡན་འདས་ཀྱིས་མ་གནང་ངོ་། །དེས་སྐབས་དེ་དགེ་སློང་དག་ལ་བསྙད་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་སློང་གང་ཞིག་
D6.010.0200b01.01ཤེས་པ་དེས་ཕྱོགས་དབེན་པར་སྐྲ་བྲེག་པར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་དགེ་སློང་གང་ཞིག་མཁས་པ་དེས་ཕྱོགས་དབེན་པར་སྐྲ་བྲེག་པར་བྱའོ་ཞེས་བཀའ་སྩལ་པ་དང་། དགེ་སློང་དགེ་སློང་དེའི་དྲུང་དུ་སོང་ནས་ཚེ་དང་ལྡན་པ་བཅོམ་
D6.010.0200b02.01ལྡན་འདས་ཀྱིས་གནང་གིས་སྐྲ་རེགས་ཤིག་དེས་སྨྲས་པ། ཚེ་དང་ལྡན་པ་བཅོམ་ལྡན་འདས་ཀྱིས་གནང་བ་ནི་ལེགས་ན་དེ་ཅི་མཛུབ་མོས་བྲེག་པར་བྱའམ། འདི་ལ་སྤུ་གྲི་དང་། བདར་དང་། སེན་གྲི་དང་། སྨང་ཚེར་དག་ཀྱང་དགོས་སོ། །དེས་སྐབས་དེ་དགེ་སློང་དག་
D6.010.0200b03.01ལ་སྨྲས་ནས། དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་འདུན་གྱི་ཕྱིར་སྤུ་གྲིའི་ལག་ཆ་བཅང་བར་བྱའོ། །སངས་རྒྱས་བཅོམ་ལྡན་འདས་སེར་སྐྱའི་གནས་ནྱ་གྲོ་དྷའི་ཀུན་
D6.010.0200b04.01དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་སེར་སྐྱ་ན་གནས་པའི་ཤཱཀྱའི་རིགས་ལས་རེ་རེ་རབ་ཏུ་ཕྱུང་བ་ན་དེ་དག་རབ་ཏུ་གཞོན་པའི་རང་བཞིན་ཅན་ཡིན་པས་དེ་དག་སྔས་ཤིང་མེད་པར་ཁས་བུབ་ཏུ་ཉལ་ནས་གཉིད་ལོག་གོ། །དེ་དག་དེ་བཞིན་དུ་
D6.010.0200b05.01གཉིག་ལོག་པས་ཁམས་མ་སྙོམས་ཏེ་དྲོད་ཆུང་བར་གྱུར་ནས་དེ་དག་སྨན་པའི་དྲུང་དུ་སོང་སྟེ་སྨྲས་པ། བཞིན་{བཟངས་,བཟང་}བདག་ཅག་དྲོད་ཆུང་བར་གྱུར་ན་སྨན་སྟོན་ཅིག །དེས་སྨྲས་པ། འཕགས་པ་བཞུད་ཅིག་དང་ཁྱེད་ཅག་ཅི་འདྲ་བར་ཉལ་ཞིང་འདུག་པ་ལྟར་འདོང་ངོ་། །
D6.010.0200b06.01དེ་སོང་བ་དང་། ཇི་ཙམ་ན་སྔས་ཤིང་མེད་པར་ཁས་བུབ་ཏུ་ཉལ་བ་མཐོང་ནས་དེས་སྨྲས་པ། འཕགས་པ་ཁྱེད་ཅག་ཁས་བུབ་ཏུ་ཉལ་བས་དེའི་ཕྱིར་ཁྱེད་ཁམས་མ་སྙོམས་ལ་དྲོད་ཆུང་བར་གྱུར་གྱིས་སྔས་ཤིང་ཆུག་ལ་ཉོལ་ཅིག །དེས་སྨྲས་པ། བཅོམ་ལྡན་འདས་
D6.010.0200b07.01