完整藏文原文 · 德格版页 当前仅加载第 10 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་འདུག་གོ། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་ཕྱོགས་གཅིག་ཏུ་འདུག་པར་མཁྱེན་ནས། ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ་ཁྱོད་ལ་ཆོས་བསྟན་པར་བྱ་སྟེ། འདི་ལྟ་སྟེ། མངལ་དུ་འཇུག་པ་ཞེས་བྱ་བའི་ཆོས་ཀྱི་རྣམ་གྲངས་
D6.010.0125a01.01ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ་ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ་རབ་ཏུ་བསྟན་གྱིས་དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །བཙུན་པ་
D6.010.0125a02.01བཀའ་བཞིན་འཚལ་ཞེས་ཚེ་དང་ལྡན་པ་དགའ་བོས་བཅོམ་ལྡན་འདས་ཀྱི་ལྟར་མཉན་པ་དང་། དེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དགའ་བོ་མའི་མངལ་དུ་འཇུག་པ་དང་། མི་འཇུག་པར་འགྱུར་བ་ཇི་ལྟ་བུ་ཞེ་ན། དགའ་བོ་འདི་ལྟ་སྟེ། ཕ་མ་ཆགས་པར་གྱུར་ཅིང་
D6.010.0125a03.01ཕྲད་པ་དང་། མ་ཡང་རུང་བར་གྱུར་ཅིང་ཟླ་མཚན་དང་ལྡན་པ་དང་། དྲི་ཟ་ཡང་ཉེ་བར་གནས་པར་གྱུར་ཅིང་འཇུག་པར་འདོད་ན་སྟེ། དགའ་བོ་དྲི་ཟ་ཞེས་བྱ་བ་དེ་ནི། སྲིད་པ་བར་མ་པའི་སེམས་ཅན་གྱི་ཚིག་{བླ་དགས་,བླ་དྭགས་}ཡིན་ནོ། །དེ་ཡང་ཁ་དོག་བཟང་པོ་པ་དང་། ཁ་དོག་ངན་པ་དང་རྣམ་པ་གཉིས་ཏེ།
D6.010.0125a04.01སེམས་ཅན་དམྱལ་བ་རྣམས་ཀྱི་སྲིད་པ་བར་མ་ནི་ཁ་དོག་ངན་པ་དཔེར་ན་སྡོང་པོ་ཚིག་པ་ལྟ་བུའོ། །དུད་འགྲོའི་སྐྱེ་གནས་སུ་སོང་བ་རྣམས་ཀྱི་སྲིད་པ་བར་མ་ནི་ཁ་དོག་དུ་བ་ལྟ་བུའོ། །{ཡི་དགས་,ཡི་དྭགས་}རྣམས་ཀྱི་ཁ་དོག་ཆུ་ལྟ་བུའོ། །མི་རྣམས་དང་ལྷ་རྣམས་ཀྱི་སྲིད་པ་བར་མ་ནི་ཁ་དོག་གསེར་ལྟ་བུའོ། །
D6.010.0125a05.01གཟུགས་ན་སྤྱོད་པའི་ལྷ་རྣམས་ཀྱི་ནི་དཀར་པོའོ། །གཟུགས་མེད་པ་ན་སྤྱོད་པའི་ལྷ་རྣམས་ནི་གཟུགས་མེད་པའི་ཕྱིར་སྲིད་པ་བར་མ་མེད་དོ། །སྲིད་པ་བར་མའི་སེམས་ཅན་ཁ་ཅིག་ནི་ལག་པ་གཉིས་དང་རྐང་པ་གཉིས་པ་ཡིན། ཁ་ཅིག་ནི་རྐང་བཞི་པ། ཁ་ཅིག་ནི་རྐང་{མངས,མང}། ཁ་ཅིག་ནི་རྐང་མེད་
D6.010.0125a06.01ཡིན་ནོ། །སྲིད་པ་བར་མ་པའི་སེམས་ཅན་ནི་སྔོན་གྱི་ལས་ལས་སྐྱེས་པའི་འགྲོ་བ་ཅི་འདྲ་བ་དེ་འདྲ་བར་འགྱུར་ཏེ། སྲིད་པ་བར་མ་པའི་སེམས་ཅན་ཐམས་ཅད་ཀྱང་ནམ་མཁའ་ལ་འགྲོ་བ་རྫུ་འཕྲུལ་དང་ལྡན་པ་ལྟ་བུ་དང་། ལྷའི་མིག་ཅན་ལྟ་བུར་འགྱུར་རོ། །མ་ཟླ་མཚན་དང་ལྡན་པར་གྱུར་པ་ཞེས་བྱ་བ་
D6.010.0125a07.01