完整藏文原文 · 德格版页 当前仅加载第 10 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག། དེ་རྒྱལ་བྱེད་ཀྱི་ཚལ་དུ་སོང་སྟེ་རབ་ཏུ་བྱུང་ངོ་། །ཇི་ཙམ་དུས་གཞན་ཞིག་ན་དེའི་ཆུང་མ་བལྟ་བའི་ཕྱིར་འོངས་པ་དང་། དེ་སྦྲིད་པ་བྱུང་ན་དགེ་སློང་གང་གིས་ཀྱང་སོས་ཞེས་མ་བྱས་སོ། །དེ་ནས་དེའི་སྔོན་གྱི་ཆུང་མས་ལག་པ་གཡོན་པས་ས་བླངས་ཏེ་སས་མཚམས་གཅད་
D6.010.0115a01.01པ་བྱས་ནས་ཡུན་རིང་དུ་འཚོ་བར་གྱུར་ཅིག་ཅེས་སྨྲས་སོ། །དགེ་སློང་དག་གིས་དེ་ལ་བརྟག་པར་བརྩམས་པ་དང་། དེས་དེའི་ལག་ནས་བཟུང་སྟེ་དྲངས་ནས་སྨྲས་པ། རྗེའི་སྲས་ཁྱོད་དགྲ་བོ་རྣམས་ཀྱི་ནང་དུ་རབ་ཏུ་བྱུང་སྟེ་རྒྱལ་བྱེད་ཀྱི་ཚལ་འདི་གནོད་སྦྱིན་གོས་སྔོན་པོ་གྱོན་པ་ལྔ་བརྒྱས་མི་སྟོངས་
D6.010.0115a02.01ཏེ། བདག་འབའ་ཞིག་གིས་ཁྱོད་ལ་སོས་ཞེས་བགྱིས་པ་དེས་ན་དེ་རྣམས་ཀྱིས་ཁྱོད་ཀྱི་མདངས་མ་ཁྱེར་ཏེ། འདིར་བཞུགས་པས་འཚལ་གྱིས། ཁྱིམ་ཉིད་དུ་བཞུད་ཀྱིས་གཤེགས་ཞེས་དེས་དེའི་ལག་པ་ནས་བཟུང་སྟེ་སོང་བ་དང་། དེ་ལ་དགེ་སློང་རྣམས་ཀྱིས་སྨྲས་པ། རྒན་ཞུགས་མ་
D6.010.0115a03.01འགྲོ་བར་འདུག་ཤིག །དེ་འགྲོ་བ་ཉིད་དུ་བྱེད་ཅིང་མི་འདུག་ནས་དགེ་སློང་དག་གིས་དེའི་ལག་པ་ཡ་གཅིག་ནས་བཟུང་སྟེ་དྲངས་པ་དང་། དེས་སྨྲས་པ། ནའོ་ནའོ་ཞེས་ཟེར་བའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱི་
D6.010.0115a04.01ལག་པ་གང་ན་ཞེས་དྲི་བར་བྱ་སྟེ། གལ་ཏེ་ཁྱེད་ཀྱིས་བཟུང་བ་གང་ཡིན་པའོ་ཞེས་ཟེར་ན་རྒན་ཞུགས་འགྲོ་འདོད་པར་ངེས་ཀྱིས་ཐམས་ཅད་ཀྱི་ཐམས་ཅད་དུ་གཏང་བར་བྱའོ། །གལ་ཏེ་སྔོན་གྱི་ཆུང་མས་བཟུང་བ་གང་ཡིན་པའོ་ཞེས་ཟེར་ན་འགྲོ་བར་མི་འདོད་པས་དེ་གཏང་བར་མི་བྱའོ། །འོན་ཀྱང་དགེ་སློང་
D6.010.0115a05.01དག་རྒན་ཞུགས་ནི་འཚོ་བར་འདོད་པའི་བསམ་པ་ཅན་ཡིན་པས་དེ་ལྟ་བས་ན་རྒན་ཞུགས་སྦྲིད་པ་བྱུང་བ་ལ་སོས་ཞེས་བརྗོད་པར་བྱའོ། །དགེ་སློང་དག་གིས་དེ་ལ་སྨྲས་པ། རྒན་ཞུགས་ཁྱོད་ཀྱི་ལག་པ་གང་ན། དེས་སྨྲས་པ། ཚེ་དང་ལྡན་པ་དག་ཁྱེད་ཀྱིས་བཟུང་བ་གང་ཡིན་པའོ། །དེ་དག་
D6.010.0115a06.01གིས་དེ་བཏང་བ་ནས་རང་གི་ཁྱིམ་དུ་སོང་སྟེ། དེ་ཉིད་དེའི་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་ཏོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་
D6.010.0115a07.01