完整藏文原文 · 德格版页 当前仅加载第 10 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་ཅིག །ངས་བཙུན་མོའི་འཁོར་རྣམས་ཇི་ལྟར་འདོད་པར་ལོངས་སྤྱད་དུ་གཏང་གིས་གང་གིས་བཙུན་མོའི་འཁོར་དག་ཡོངས་སུ་ལོངས་སྤྱད་པ་དེས་ནི་ལེགས་པར་ལོངས་སྤྱད་པ་ཡིན་ནོ་ཞེས་བསྒྲགས་སོ། །བཙུན་མོའི་འཁོར་རྣམས་ཀྱང་བོས་ནས་ཁྱེད་ཀྱང་གཞན་གྱི་སྐྱེས་པ་དང་ལྷན་ཅིག་
D6.010.0306b01.01དགའ་མགུར་སྤྱོད་དུ་དེང་ལ་གང་ཞིག་རྔ་བརྡུངས་པའི་ཚེ་སླར་མ་འོངས་པ་དེའི་མགོ་དྲུངས་ནས་བཅད་དེ་ས་ལ་དོར་བར་བྱའོ་ཞེས་ཀྱང་བསྒོའོ། །བུད་མེད་ཐམས་ཅད་ནི་སྐྱེས་པ་འདོད་པ་ཡིན་ན་རྒྱལ་པོའི་བཙུན་མོའི་འཁོར་རྣམས་ལྟ་སྨོས་ཀྱང་ཅི་དགོས་པས་དེ་དག་འཕགས་རྒྱལ་ན་ཀུན་ཏུ་འཕྱན་
D6.010.0306b02.01ཅིང་གང་གིས་སྐྱེས་པ་གང་མཐོང་བ་དེ་དེ་དང་ལྷན་ཅིག་དགའ་མགུར་སྤྱོད་པར་བརྩམས་སོ། །བ་ལང་སྐྱོང་གི་མ་ཞི་བ་དང་། སྐྱ་བསེང་གི་བུ་མོ་སྒྲོལ་མ་ནི་རྒྱལ་པོ་གཏུམ་པོ་རབ་སྣང་ལྷག་པར་བྱམས་པས་དེ་དག་རྒྱལ་པོའི་ངོ་མ་ཆོད་དེ་མ་སོང་ངོ་། །རྒྱལ་པོས་ཞི་བ་ལ་སྨྲས་པ། ཞི་བ་ཁྱོད་ཀྱང་
D6.010.0306b03.01སོང་ལ་གཞན་གྱི་སྐྱེས་པ་དག་དང་ལྷན་ཅིག་དགའ་མགུར་སྤྱོད་ཅིག་དེས་སྨྲས་པ། ལྷ་བདག་ནི་ལྷ་བཏང་ནས་སྐྱེས་པ་གཞན་དང་ལྷན་ཅིག་དགའ་མགུར་མི་སྤྱོད་ལགས་སོ། །སྐྱ་བསེང་གི་བུ་མོ་སྒྲོལ་མ་ལ་ཁྱོད་སོང་ཤིག་ཅེས་སྨྲས་པ་དང་། དེ་ན་ཚོད་ཀྱིས་གཞོན་ལ་མི་བརྟན་པའི་རང་བཞིན་
D6.010.0306b04.01ཅན་ཞིག་ཡིན་པས་སྐྱེས་པ་གཞན་འདོད་དེ་དེས་ཁས་བླངས་ནས་དེ་སྲང་ན་མར་སོང་ངོ་། །དེ་ཀུན་ཏུ་འཕྱན་པ་ན་སྤོས་འཚོང་གི་ཁྱེའུ་སྡུ་གུ་ཞིག་མཐོང་ནས་དེས་དེ་ལ་སྨྲས་པ། དགའ་མགུར་སྤྱོད་ཀྱིས་ཚུར། དེས་སྨྲས་པ། རེ་ཞིག་མར་མེ་ཟུང་ཤིག་དང་། ཇི་འདུ་འགོད་བརྩིས་ལ་ཕྱིས་དགའ་
D6.010.0306b05.01མགུར་སྤྱད་པར་བགྱིའོ་ཞེས་བྱས་པ་དང་། དེས་མར་མེ་བཟུང་ནས་འདུག་གོ། །སྤོས་འཚོང་གི་ཁྱེའུ་དེས་འདི་ལས་ནི་འདི་ཁུགས་སོ། །འདི་ནི་ཆེ་གེ་མོ་ཞིག་ལ་བྱིན་པ་ཡིན་ནོ་ཞེས་དེ་རྩིས་བྱེད་ཅིང་དེ་ལ་མི་སེམས་པར་འདུག་གི་བར་དུ་ཇི་ཙམ་ན་ནམ་ནངས་པར་གྱུར་ཏེ། རྒྱལ་པོའི་ཕོ་བྲང་དུ་རྔ་
D6.010.0306b06.01བརྡུངས་པ་དང་། སྐྱ་བསེང་གི་བུ་མོ་སྒྲོལ་མས་མར་མེ་ས་ལ་བཞག་སྟེ་སོང་ངོ་། །དེས་སྨྲས་པ། དགའ་མགུར་སྤྱད་ཀྱིས་སྡོད་ཅིག །དེས་སྨྲས་པ། ཇི་ལྟར་དགའ་མགུར་སྤྱད། ལྷས་འདི་སྐད་དུ་བུད་མེད་གང་ཞིག་རྔ་བརྡུངས་ཏེ་མ་འོངས་པ་དེའི་མགོ་བོ་དྲུངས་ནས་བཅད་དེ་ས་ལ་དོར་བར་བྱའོ་ཞེས་ཁྲིམས་སུ་
D6.010.0306b07.01