完整藏文原文 · 德格版页 当前仅加载第 10 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་བ་དང་། དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ཏེ་ལྗོངས་རྒྱུ་ཞིང་སོང་ངོ་། །ལྷན་ཅིག་གནས་པ་དེ་ལ་ཟང་ཟིང་གིས་བསྡུ་བ་ནི་བྱས་ན། ཆོས་ཀྱིས་མ་བྱས་པས་དེ་གཞན་ཞིག་ལ་གནས་ཏེ་འདུག་གོ། །བཅོམ་ལྡན་འདས་ཀྱིས་བསྡུ་བའི་དངོས་པོ་
D6.010.0214b01.01བཞི་པོ་སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པ་ཞེས་གསུངས་པས་དེས་དེ་ལ་ཆོས་དང་ཟང་ཟིང་དག་གིས་ཀྱང་སྡུད་པས་དེ་སློབ་དཔོན་དེ་ལ་རྟག་ཏུ་ལྟ་ཞིང་སེམས་ལ་འཛིན་ཏོ། །ཇི་ཙམ་དུས་གཞན་ན་དེའི་མཁན་པོ་ཅི་འདོད་པར་ལྗོངས་
D6.010.0214b02.01བརྒྱུས་ནས་སླར་མཉན་ཡོད་དུ་ཕྱིན་པ་དང་དེ་མཐོང་ནས་ཚངས་པ་མཚུངས་པར་སྤྱོད་པ་གསར་བུ་གང་དག་ཡིན་པ་དེ་དག་ནི་སྟན་ལས་ལྡང་བར་བྱེད། གང་དག་རྒན་པ་དེ་དག་གིས་ནི་འོངས་པ་ལེགས་སོ་ཞེས་བྱ་བའི་ཀུན་ཏུ་སྤྱོད་པས་ཀུན་ཏུ་སྤྱོད་དོ། །དེའི་ལྷན་ཅིག་གནས་པ་དེ་
D6.010.0214b03.01ནི་སྟན་ལས་ཀྱང་མ་ལངས་པ་དང་། དེ་ལ་དགེ་སློང་དག་གིས་སྨྲས་པ། ཚེ་དང་ལྡན་པ་ཁྱོད་ཀྱི་མཁན་པོ་འོངས་ན་ཚངས་པ་མཚུངས་པར་སྤྱོད་པ་ཁ་ཅིག་ནི་ལྡང་བ་བྱས། ཁ་ཅིག་གིས་ནི་མངོན་དུ་ལྡང་བར་བྱས། ཁ་ཅིག་གིས་ནི་ལེགས་པར་འོངས་སོ་ཞེས་ཀུན་ཏུ་སྤྱོད་པས་
D6.010.0214b04.01ཀུན་ཏུ་སྤྱད་ན་ཁྱོད་དེ་མཐོང་བཞིན་དུ་སྟན་ལས་ཀྱང་མ་ལངས་པ་དེ་ནི་རིགས་པ་མ་ཡིན་ནོ། །དེས་སྨྲས་པ། བདག་འདིས་རབ་ཏུ་ཕྱུང་ནས་ཅི་ཟང་ཟིང་གིས་བསྡུ་བ་བྱས་སམ། འོན་ཏེ་ཆོས་ཀྱིས་བསྡུ་བ་བྱས། གང་ཞིག་དྲན་ནས་ལྡང་བར་བྱ། དེ་དག་གིས་སྨྲས་པ། ཚེ་དང་
D6.010.0214b05.01ལྡན་པ་དེ་སྐད་མ་ཟེར་ཅིག །བཅོམ་ལྡན་འདས་ཀྱིས་ཀྱང་གང་ཟག་གཅིག་གང་ཟག་གང་ཞིག་ལ་བརྟེན་ནས་དེ་བཞིན་གཤེགས་པས་གསུངས་པའི་ཆོས་འདུལ་བ་ལ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་ཡང་དག་པར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་
D6.010.0214b06.01བའི་གང་ཟག་དེས་ནི་གང་ཟག་དེ་ལ་ཇི་སྲིད་འཚོ་བའི་བར་དུ་ཡང་འདི་ལྟ་སྟེ། ཆོས་གོས་དང་། བསོད་སྙོམས་དང་། ནད་ཀྱི་གསོས་སྨན་དང་། མལ་སྟན་དང་། ཡོ་བྱད་དག་གིས་ལན་གླན་པར་སླ་བ་མ་ཡིན་ནོ། །ཞེས་མ་གསུངས་སམ། ཚེ་དང་ལྡན་པ་ཁྱོད་དེ་སྐད་ཟེར་
D6.010.0214b07.01