完整藏文原文 · 德格版页 当前仅加载第 10 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ཆེན་པོ་ནི་བརྡེགས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་མ་ཡིན་གྱི། འདས་པའི་དུས་ན་ཡང་ཇི་ལྟར་ཤཱ་རིའི་བུ་ནི་བཏང་ལ། མཽད་གལ་གྱི་བུ་ནི་བརྡེགས་པ་དེ་ཉོན་ཅིག །དགེ་སློང་དག་སྔོན་བྱུང་བ་
D6.010.0244a01.01རིའི་འོར་ཞིག་ན་ཁྱེའུ་དང་། བུ་མོ་དག་ཅིག་རྩེ་བ་དེ་དག་གིས་བྲམ་ཟེའི་ཁྱེའུ་གཉིས་ཤིག་མཐོང་ནས་དེ་དག་གིས་སྨྲས་པ། བྲམ་ཟེའི་ཁྱེའུ་ཕ་བི་དག་བརྡེག་གོ། །ཡང་སྨྲས་པ། རེ་ཞིག་མི་བརྡེག་པར་ཇེ་དྲི་བ་ཞིག་དྲིས་ལ། གལ་ཏེ་སེམས་མགུ་བར་བྱས་ན་ནི་མི་བརྡེག་ཇི་སྟེ་མ་ཡིན་
D6.010.0244a02.01ན་ནི་བརྡེག་གོ། །དེ་དག་གིས་བྲམ་ཟེའི་ཁྱེའུ་གཅིག་ལ་དྲིས་པ་དུས་གང་དུ་གྲང་། དེས་བསམས་པ། ཇི་ལྟ་བུའི་སེམས་ཀྱིས་འདི་དག་བདག་ལ་འདྲི་སྙམ་ན་དེས་གོར་མ་ཆག་པར་འདི་དག་བརྡེག་པར་འདོད་པར་ཤེས་ནས། དེས་ཚིགས་སུ་བཅད་དེ་སྨྲས་པ། གྲང་ངམ་གལ་ཏེ་
D6.010.0244a03.01དྲོ་ཡང་རུང་། །གང་གི་ཚེ་ན་རླུང་ལངས་པ། །རླུང་གིས་བཏབ་ན་གྲང་བ་སྟེ། །རླུང་མེད་པ་ཡི་གྲང་བ་མེད། །དེ་དེ་དག་གིས་བཏང་ནས། ཅིག་ཤོས་ལ་དྲིས་པ་དང་། དེས་སྨྲས་པ་དགུན་དྲང་མོད་ཅེས་བྱས་པ་དང་། དེ་དེ་དག་གིས་བརྡེགས་སོ། །དགེ་སློང་དག་ཇི་སྙམ་དུ་
D6.010.0244a04.01སེམས། བཏང་བ་གང་ཡིན་པ་དེ་ནི་ཤཱ་རིའི་བུ་འདི་ཉིད་ཡིན་ནོ། །བརྡེགས་པ་གང་ཡིན་པ་དེ་ནི་མཽད་གལ་གྱི་བུ་འདི་ཉིད་ཡིན་ཏེ། དེའི་ཚེ་ཡང་ཤཱ་རིའི་བུ་ནི་བཏང་ལ། མཽད་གལ་གྱི་བུ་ནི་བརྡེགས་སོ། །ད་ལྟར་ཡང་ཤཱ་རིའི་བུ་ནི་བཏང་ལ། མཽད་གལ་གྱི་བུ་ནི་བརྡེགས་སོ། །ཡང་ཇི་
D6.010.0244a05.01ལྟར་ཤཱ་རིའི་བུ་ནི་བཏང་ལ། མཽད་གལ་གྱི་བུ་ནི་བརྡེགས་པ་དེ་ཉོན་ཅིག །དགེ་སློང་དག་སྔོན་བྱུང་བ་ཆུ་ཀླུང་བསྐམས་པའི་ཤོལ་ཅིག་ན་ཁྱེའུ་དང་བུ་མོ་དག་ཅིག་རྩེ་བ་དེ་དག་གིས་ཤིང་ཤལ་མ་ལའི་མེ་ཏོག་ཆུའི་རྒྱུན་གྱིས་ཁྱེར་བ་ཞིག་དང་། བྲམ་ཟེའི་ཁྱེའུ་གཉིས་ཤིག་འོང་
D6.010.0244a06.01བ་མཐོང་ནས་ཞེས་བྱ་བ་ནས། དེ་དག་གིས་བྲམ་ཟེའི་ཁྱེའུ་གཅིག་ལ་དྲིས་པ། ཆུས་ཁྱེར་བ་འདི་ཅི་ཞིག །དེས་བསམས་པ། ཅི་འདྲ་བའི་སེམས་ཀྱིས་འདི་དག་བདག་ལ་འདྲི་སྙམ་ན། གོར་མ་ཆག་པར་བརྡེག་འདོད་པར་ཞེས་བྱ་བའི་བར་སྔ་མ་བཞིན་ནོ། །དེས་
D6.010.0244a07.01