完整藏文原文 · 德格版页 当前仅加载第 10 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
མྱོང་བར་བགྱིས་ནས་བྱོན་ཏོ། །དེས་སྨྲས་པ། བཟང་མོ་ལེགས་ཀྱིས་དེ་བཞིན་དུ་བྱས་འདོང་ངོ་ཞེས་དེ་གཉིས་དོང་ནས་རིམ་གྱིས་འཕགས་རྒྱལ་དུ་ཕྱིན་པ་དང་། སྣམས་བྱེད་ཀྱིས་སྒོ་བ་ལ་ཀྱེ་སྐྱེས་བུ་རྟ་{མངས་,མང་}ཞེས་བྱ་བའི་ཁྱིམ་གང་ཡིན་ཞེས་དྲིས་པ་
D6.010.0293a01.01དང་། དེས་དེ་ཆུང་མ་དང་བཅས་ཏེ་རྒྱལ་པོ་གཏུམ་པོ་རབ་སྣང་གི་དྲུང་དུ་ཁྲིད་པ་དང་། རྒྱལ་པོས་རྒྱང་རིང་པོ་ནས་ཞེས་བྱས་ཏེ་འོངས་པ་ལེགས་སོ་ཞེས་བྱ་བའི་ཀུན་ཏུ་སྤྱོད་པ་ཀུན་ཏུ་སྤྱད་ནས། སྣམས་བྱེད་ཁྱོད་འོངས་སམ། ལྷ་བདག་མཆིས་སོ། །རྒྱལ་པོ་
D6.010.0293a02.01དེ་སྤྱི་ཅེར་ཞིག་ཡིན་པ་ལས། དེས་ཅོད་པན་བཅིངས་པས་དེས་རྒྱལ་པོ་ངོ་མ་ཤེས་སོ། །རྒྱལ་པོས་སེང་གེའི་ཁྲི་ལས་བབས་པ་དང་། དེས་ངོ་ཤེས་ནས་དེས་ཆུང་མ་དང་བཅས་ཏེ་རྐང་པ་ལ་ཕྱག་བྱས་སོ། །རྒྱལ་པོ་གཏུམ་པོ་རབ་སྣང་གིས་ཀྱང་རིམ་གྲོ་ཆེར་བྱས་
D6.010.0293a03.01ནས་བཙུན་མོའི་འཁོར་གྱི་ནང་དུ་ཁྲིད་དེ་དྲིལ་ཕྱི་དང་ཁྲུས་བྱས་ཟན་བྱིན་ནས་ཉལ་ཁང་ཡང་བྱིན་ཏེ་བཙུན་མོའི་འཁོར་རྣམས་ལ་བསྒོ་བ་འདི་དག་ངའི་ཕ་མ་ཡིན་ཏེ། དེའི་ཕྱིར་ཁྱེད་ཀྱིས་འདི་གཉིས་ལ་བཟའ་བ་དང་། བཏུང་བ་དང་། མལ་ཆ་དང་། སྟན་དང་། བྲན་
D6.010.0293a04.01ཕོ་དང་། བྲན་མོ་དང་། ལས་བྱེད་པའི་མི་དང་། རིམ་གྲོ་པ་དང་། ཡོ་བྱད་དག་གིས་རིམ་གྲོ་གྱིས་ཤིག །དེ་རྒྱལ་པོས་བཀུར་སྟི་དང་མཆོད་པ་བྱས་སོ་སྙམ་ནས་བཙུན་མོའི་འཁོར་དང་། གཞོན་ནུ་དང་བློན་པོ་དང་། ཕོ་བྲང་འཁོར་གྱི་མི་ཐམས་ཅད་ཀྱིས་
D6.010.0293a05.01རིམ་གྲོ་བྱ་བར་བརྩམས་སོ། །ཞིང་པ་སྣམས་བྱེད་ཅུང་ཟད་ཅིག་འདུག་ནས་སྨྲས་པ། ལྷ་མཁྱེན་པར་མཛོད་ཅིག །བདག་མཆིས་ཏེ་སླར་ལྷའི་ཞལ་ལྟ་བ་མི་དཀའ་ལགས་སོ། །རྒྱལ་པོས་སྨྲས་པ། སྣམས་བྱེད་འདི་ཉིད་དུ་འདུག་ཤིག་དང་ལྷན་ཅིག་རྒྱལ་
D6.010.0293a06.01སྲིད་གཟུང་ངོ་། །དེས་སྨྲས་པ། ལྷ་ཞིང་པ་བདག་ལྟ་བུས་རྒྱལ་སྲིད་གཟུང་བའི་རྔོ་ཅི་ཞིག་ཐོག །རྒྱལ་པོས་སྨྲས་པ། སྣམས་བྱེད་དེའི་ཚེ་ནི་ཁྱོད་ན་རེ་གལ་ཏེ་བདག་རྒྱལ་པོ་དེའི་བློན་པོའམ། དམག་དཔོན་དུ་གྱུར་ན་བདག་གིས་མྱུར་ཞིང་མྱུར་བར་རྒྱལ་
D6.010.0293a07.01